👉 పరమాత్మ నుండి జగత్తు (ప్రకృతి) వచ్చింది.
👉 జీవుడు లో నుండి 'నేను' వచ్చాడు.
➡️ మొదటి నేను - అహం స్వరూపం.
➡️ రెండవ నేను - అహంకార రూపం.
ప్రకృతితో సహజీవనం గడుపు చుండి
చూచేవాణ్ణి చూడు; తాకే వాణ్ణి చూడు; తలచే వాణ్ణి చూడు. ఆ చూచే వాడే సాక్షికి సాక్షి. సర్వ సాక్షి. అతడే పరమాత్ముడు.ఆధ్యాత్మికం దుఃఖాన్ని లేకుండా చేయదు.
నీవు సుఖాన్ని ఎంజాయ్ చేసినట్టు, దుఃఖాన్ని కూడా అలా ఎంజాయ్ చేయగలిగే శక్తిని ఇస్తుంది.
మనసు ఖాళీగ ఉంచితే ఔషదమ్ము
పగలే వెన్నెల జగమే ఊయల అన్నట్లు మబ్బులు మారి చల్లదనం తో హృదయాన్ని పరశింప చేయు రోజు ఎందరో మహానుభవులు అభిమానము తెలుపుతూ (100 కు పైగా ) శుభాకాంక్షలు అందచేసిన వారందరికీ హృదయపూర్వక అభినందనలు, కృతజ్ఞతలు, తీయని వెన్నెల రేయ్ హాయిని కలుగ చేసి ఆ భగవంతునికి , తల్లి తండ్రులకు మరియు స్నేహితులకు ఋణ పడియున్నాను ముఖ్య ముగా ప్రాంజలి ప్రభ గా ( 2012 నుండి గూగుల్ (బ్లాగ్స్ ) ఫెస్ బుక్లో పోస్టు చేస్తూ వచ్చాను )
శివుడికి:- అందరూ చేసేది బిల్వార్చన. మనం చేసేది అక్షరార్చన. అవి పత్రాలు. ఇవి సూత్రాలు.
అవి నలిగిపోతాయి. ఇవి మిగిలిపోతాయి.
****
బండిని లాగే ఎద్దులకు, బండిలో ఉండే సరుకు తో సంబంధం లేనట్లు., అట్లాగే కవులు వ్రాసే కవిత్వం ముందుతరాలకు పాఠాలు అవుతాయి, మనస్సు శాంతికి కవిత్వం ఒక భాగం,
సంసారాన్ని లాక్కొస్తున్న మీకు, సంసారంతో సంబంధమే లేదు.
****
బ్రతికున్నాడు అంటే -- వాడు చేయాల్సిన పనులు ఇంకా మిగిలి ఉన్నాయి అని।
మరణించాడు అంటే -- వాడు చేయాల్సిన పనులు పూర్తయిపోయినాయి అని।
***
ఈ 'పనుల మూటలు' వ్యక్తి యొక్క గత జన్మల కర్మ విశేషాలు కావు। ఈ మూటలు ఈశ్వర సంకల్పాలు।
నేటి కవిత --కొవ్వొత్తులు
*అన్నం ముద్దకయి కక్కుర్తుపడి శరీరాన్ని సవారికిచ్చే జవరాళ్ళు"!
* వెక్కిరింపుల పకపకల్ నాలికల్ జాచినట్లు దిక్కు దిక్కుల వెలిగి ఘోషించు కొవ్వొత్తులు
* బ్రతుకు ఆటలో కక్కుర్తుపడి సుఖం కోసం వెంపర్లాడే మొగరాయిడ్లు
* కాల నిర్ణయమని కక్కుర్తుపడి బ్రతుకుకై ధనాన్ని దోచుకొనే వరాళ్ళు"!
* ఓ బోగం చానా ! నీవు కక్కుర్తుపడి సంఘానికి ఓ పనికిరాని పేపరు వా “
* ముసుగులేని నిజానివి కక్కుర్తుపడి నీడ పడనటువంటి నిర్మల మనసువి “!!
* గుప్పు గుప్పుమని ధూమం కు కక్కుర్తుపడి మరో పని లేక మహోత్సాహంతో కొవ్వొత్తులు
* తెలుగు దేశాన రాగాలతో కక్కుర్తిపడి పూలు దెబ్బలుగా కన్నీటి వేడి చుక్కల కొవ్వొత్తులు
* మళ్లీ నేనే గెలుస్తానని కక్కుర్తిపడి చెయ్యలేనివి చేస్తానని చెప్పి నమ్మ పలుకులు
* డబ్బుకు కక్కుర్తిపడి ఓట్లు వేసే జనులు ఉన్న ఎంతమాత్రమూ మార్పురాదు
* కులాలు మతాలూ ఏకమై కక్కుర్తిపడి ప్రవర్తనలవల్ల లాభాలన్నా నష్టాలు ఎక్కువా
---((()))--
నేడు స్పందన పద్యాలు ..14-+06--2022
🙏🙏🙏🙏🙏🙏🙏
న్యస్తాక్షరి........
బ్ర హ్మాం డ ము పద్య పాదాదిన రావాలి
🛑🛑🛑🛑🛑🛑🛑🛑
*బ్రహ్మ శైలియే ను బ్రతుకు తేజస్సు బ్ర
హ్మాండ మంతయునులె హావ భావ
డమరుకం కదిలెను డబడబడబ మోత
ముందు కొంత మనసు ముచ్చటగుటె
*..పౌర్ణమి దినమందు వర్ణకపిలతేజ
చైత్ర మాసమునందు శుద్ధ తిధిన!
మందార మంకెన మామిడి చిరు వర్ణ
తమళ పాకులతోడ తన్మయుడవు!
గంధాలు పసుపునుగధకు సింధూరము
మానసిక బలమిచ్చు మారుతీశ!
అప్పాలుగారెలు యరటిపండ్లువడలు
యందాల హనుమకు హారతివ్వ!
*అంజనీకేసిరిలయంద మంజరివిగ
ధరణి నందున వెలసిన శరణునీదు
శివునికరుణవుయరుణంబుచిత్రరూప
రామ లక్ష్మణసీతమ్మ రమ్య భక్తి
*దేనిని వదిలి తేజీవి దినము సుఖము
దేనిని గ్రహించిన తృప్తి దినము భయము
దేనిని జడ జీవన మయ్యె దినము శోభ
దేనికను సందియ మగుటే దిన నరకము
* ప్రకృతి హరిజన గిరిజన ప్రతిభ యగుటె
జీవ నా కృతి గుణము గా జీవి యగుటె
మలిన రహిత సంస్కృతి ఇది మనుగడే ను
స్వార్ధ మనునది లేనట్టి సాగు జీవి
* జడసంగేసపిన లిప్తాః శ్రీసద్భావేసేపినోత్తరలా: ౹
అంబోజకోరకా ఇవ విజ్ఞా వికసంతి విష్వస్మై: ౹౹
తెలిసిన వాళ్ళు మూర్ఖుల సహవాసములో ఉన్నా వాళ్ళు ఎటువంటి మార్పుచెందరు.డబ్బువున్నా కొంచం కూడా చంచల స్వభావం లేకుండా సమాజం మంచికి శ్రమిస్తారు.తామర మొగ్గ దీనికి మంచి ఉదాహరణ.బురదలో ఉన్నా మురికిగా ఉండదు.కాంతి ఉన్నా మార్పు చెందదు.ఒక్క సూర్యుని కిరణాలతో మాత్రం వికసిస్తుంది.
___((()))__
శ్రీ కులశేఖర్ ఆళ్వారు విరచితము ముకుందమాల🧘♀️
25వ శ్లోకం:-
వ్యామోహ ప్రశమౌషధం మునిమనో వృత్తి ప్రవృత్త్యౌషధం దైత్యేంద్రార్తిక రౌషధం త్రిజగతాం సంజీవనైకౌషధంభక్తాత్యంతహి తౌషధం భవభయప్రధ్వంసనైకౌషధం శ్రేయ: ప్రాప్తికరౌషధం పిబ మన:శ్రీకృష్ణ దివ్యౌషధం!!
భావం:-
ఓ మనసా శ్రేయస్సును కలిగించు శ్రీకృష్ణ దివ్యౌషధమును సేవింపుము. ఆ ఔషధము మోహమును శమింపచేయును. మునుల మనోవృత్తులను ప్రవర్తింప చేయును. రాక్షసేంద్రులలకు బాధలను కలిగించును. మూడులోకములను మరణము నుండి కాపాడును. భక్తులకు అత్యంతము హితము చేకూర్చును. సంసార బంధమును బాపును.
స్వామి వివేకానంద స్ఫూర్తి... రోజుకో సూక్తి - జూన్ 13.
సర్వారిష్టాలకు మూలకారణం ఈర్షే. దీన్ని జయించటం సామాన్య విషయం కాదు.
జాగృతి
స్వామివివేకానంద స్ఫూర్తి వచనాలు
అనుభవం పెరిగే కొద్దీ 'పురుష ప్రయత్నం' లోనే సర్వం ఇమిడి ఉన్నట్లు అనిపిస్తుంది. ఇదే నా నూతన సందేశం.
🧘♂️విస్తరణ🧘♀️
నా క్రింద, పైన, ఎడమవైపు, కుడివైపు, ముందు, వెనుక, నా లోపల, బయట కూడా అనంతత్వం వ్యాపించి ఉంది.
కళ్లు తెరిచి వున్నప్పుడు, నన్ను నేను పరిమిత శరీరంగా చూస్తాను. కళ్ళు మూసుకున్నప్పుడు నేను విశ్వానికి కేంద్రంగాను, నా చుట్టూ అనంతకాల మండలమూ, ఆనంద మండలమూ , సర్వజ్ఞమూ సజీవమూనైన అంతరిక్షము పరిభ్రమిస్తున్నట్టు గమనిస్తాను.
శ్రీ పరమహంస యోగానంద / Metaphysical Meditations
05- శ్రీ కపిలగీత
అధ్యాయము - 1
శ్లోకం 04:-
ఈ క్రింది శ్లోకం అజ్ఞానాన్ని వర్ణిస్తున్నది.
అథ మే దేవసమ్మోహ మపాక్రష్టుం త్వమర్హసి |
యోఽవగ్రహోఽహం మమేతిత్యేతస్మిన్ యోజితస్త్వయా || 4 |
టీకా :-
అథ = ఇప్పుడు; మే = నాయొక్క; దేవ = ఓ భగవానుడా; సమ్మోహమ్ = భ్రాంతి; అపాక్రష్టుమ్ = నాశనము చేయుటకు; త్వమ్ అర్హసి = నీవు మాత్రమే తప్పక చేయసమర్థుడవు; యః అవగ్రహః = ఏ తాదాత్మ్యము వలన; అహమ్ మమ ఇతి = నేను, నాది మొదలైన; ఇతి ఏతస్మిన్ = దీనిలోవలె; యోజితః త్వయా = నీచే కల్పించబడిన.
భావం :-
ఓ భగవానుడా! దేహము మరియు జగత్తునందు “నేను” “నాది” అనే నాయొక్క అసత్య తాదాత్మ్యము నీచేతనే కల్పించబడినది. కావున నాయొక్క ఆ భ్రాంతిని నశింపజేయుటకు నీవే సమర్థుడవు.,
వివరణ :-
మాయ లేక భ్రాంతి అనబడే “నేను”, “నాది” అనే అసత్యమైన అభిప్రాయాల ఆధీనంలో జీవులన్నీ ఉన్నవి. వీటి వశంలో లేకుండా యీ శరీరంలో నివసించటమే మోక్షం. "అపరోక్షానుభూతి" ఈ విధంగా చెబుతున్నది.
*ఆత్మా జ్ఞానమయో పుణ్యో దేహో మాంసమయోఽశుచిః |-
తయోరైక్యం ప్రపశ్యంతి కిమజ్ఞానమతః పరమ్ ॥
ఆత్మజ్ఞానము పరిశుద్ధమైనది. శరీరం రక్తమాంసాదులతో కూడి మలినమైనది. అటువంటప్పుడు ఈ రెండింటిలో ఏకత్వాన్ని దర్శించటం కంటే అజ్ఞానమింకేదైనా ఉంటుందా? తార్కికంగా ఎవరైనా పై సత్యాన్ని తెలుసుకున్నప్పటికీ మన మమకారాలు, వ్యామోహాలు మనలను వదలవు.
కావున దేవహూతి భగవంతుని ఇలా ప్రార్థిస్తున్నది,” “జోహి బాంధ్యో తోహి ఛోడో నీవే అన్నింటినీ సృష్టించువాడవు. ఈ బంధన కూడా నీ సృష్టే. కావున ఇందుండి నన్ను విడిపించగల సమర్థుడవు నీవే”.
దేవహూతి తన మాటలను ఇలా ముగిస్తున్నది.
15) శ్రీ సదాశివ బ్రహ్మేంద్రస్వామి విరచితము ఆత్మవిద్యా విలాసము🧘♀️
15) శ్లోకం:-
స్వామిన్కథం మమ భవార్ణవ లంఘనం స్యాత్- ఆయాసలేశ రహితం వద తత్ర హేతుమ్ |
శృత్వా తు శిష్య వచనం రమణీయ మిత్థం ప్రత్యుత్తరం గురు రదా త్కృత మందహాసః ॥ 15
టీకా
స్వామిన్ = ఓ స్వామీ, మమ = నాకు, ఆయాస లేశ రహితం = కొంచెం కూడా కష్టం లేకుండా, భవ ఆర్ణవ లంఘనం = సంసార సముద్రాన్ని దాటడం, కథం స్యాత్ = ఎలా వీలవుతుందో, తత్ర హేతుం = ఆ పద్ధతిని, వద = బోధించండి, రమణీయం శిష్యవచనం = మనోహరమైన శిష్యుని వాక్కులని, శృత్వాతు = విని, కృత మందహాసః = చిరునవ్వు నవ్వి, గురుః = గురువు, ఇతం = ఈ ప్రకారంగా, ప్రత్యుత్తరం అదాత్ = జవాబిచ్చాడు.
భావం:-
"స్వామీ! నేను సునాయాసంగా సంసార సముద్రాన్ని తరించే మార్గం ఏది? ఆ పద్ధతిని నాకు చెప్పండి" రమణీయమైన శిష్యుని వాక్కులను విని మందహాసం చేసి గురుపు ఈ ప్రకారంగా జవాబిచ్చాడు.
వివరణ:-
సంసారంలో ఉంటూ బాధలన్నీ తీసేసుకోవడం సాధ్యం కాదని, ఆ సముద్రాన్ని దాటి వెళ్ళడమే అన్ని బాధలకి, భయాలకి మందు అని
గ్రహించాడు శిష్యుడు.
అందుకే తేలికగా సంసారాన్ని దాటే మార్గం చెప్పమని కోరాడు. ఇదే ముముక్షుత్వం అంటే. మోక్షం పొందాలనే కోరిక పరమమైనది. నిజమైన వైరాగ్యం ఉంటేనే ఈ కోరిక జనిస్తుంది.
అందుచేత శిష్యుని వాక్కులు గురువుకి ఎంతో మధురంగా తోచాయి. ఇలా సూటిగా మోక్షం పొందడానికి అర్హులైన శిష్యులు అరుదుగా ఉంటారు. గురువు ఎంతో ఆనందంతో ఉపదేశానికి పూనుకుంటున్నాడు.
***
95) అష్టావక్ర గీత🧘♀️
అధ్యాయం - 9
నిర్లిప్తత - ఉదాసీనత (నిర్వేదము)
శ్లోకం 03:-
अनित्यं सर्वमेवेदं तापत्रितयदूषितम् ।
असारं निन्दितं हेयमिति निश्चित्य शाम्यति ॥ ९-३ ॥
అనిత్యం సర్వమేవేదం తాపత్రితయదూషితం ।
అసారం నిందితం హేయమితి నిశ్చిత్య శామ్యతి ॥ 9-3 ॥
శ్లో|| అనిత్యం సర్వమే వేదం తాపత్రితయ దూషితమ్ |
అసారం నిందితం హేయం ఇతి నిశ్చిత్య శామ్యతి ||3.
ఇదం= ఈ, సర్వం= సమస్త ప్రపంచము, అనిత్యం = అనిత్యమైనది, తాపత్రితయ దూషితం = తాపత్రయము చేత దూషితమైనది, అసారం = సారహీనమైనది, నిందితం = నిందితమైనది, హేయం = హేయమైనది, ఇతి = ఇట్లని, నిశ్చిత్య = నిశ్చయించి, శామ్యతి = శాంతిని పొందుచున్నాడు.
వివరణ:-
ఈ ప్రపంచం అనిత్యమని, మూడు విధములైన తాపంచే బాధింప బడేదనీ, సారహీనమని, దీనిని విడనాడితేనే శాంతి లభిస్తుందనీ తెలుసుకున్న జ్ఞాని నిత్యము సమచిత్తం కలిగి శాంతంగా ఉండగలడు.
తాత్పర్యం:-
చూస్తున్న గుడ్డివాడుగా, వింటున్నా చెవిటివాడుగా, బుద్ధిని సద్వినియోగం చెయ్యకుండా జీవితాన్ని మానవుడు వృథా చేస్తున్నాడని కిందటి శ్లోకంలో అష్టావక్రులు అన్నారు. విషయభోగాలను అభిలషించే జీవితం విషాదానికి లోనుకావడాన్ని చూస్తూ కూడా మనిషి విరక్తుడవడం లేదు. జ్ఞాని అయినవాడు ఈ ప్రపంచాన్ని ఎటువంటి దృష్టితో చూస్తాడో ఈ శ్లోకంలో చెపుతున్నారు మునీంద్రులు.
అజ్ఞాని, సమస్యలతో, సందేహాలతో, బాధలతో సతమతమవుతూ ఉంటాడు. జ్ఞాని సమత్వ బుద్ధి కలిగి శాంతంగా జీవించగలుగుతాడు. ఈ జీవితం అనిత్యమనీ, బాధామయమనీ మూడు విధములయిన తాపములచే దహింపబడుతూ ఉంటుందనీ తెలుసుకుని, మమకారామూ రాగబంధమూ లేకుండా సాక్షి మాత్రంగా వీక్షించగలుగుతాడు.
శరీరం మనస్సూ బుద్ధి వలన కలిగే బాధలను ఆధ్యాత్మికమనీ, బాహ్య ప్రపంచంనుండి సంక్రమించే కష్టాలను ఆధిభౌతికమనీ, ప్రకృతిపరంగా సంభవించే విఘాతాలను ఆధిదైవకమనీ అంటారు. ఈ మూడు రకాల తాపాలచే జీవి నిత్యమూ దహింపబడుతూ ఉంటాడు.
****
05- శ్రీ సిద్దేశ్వరానంద భారతీ స్వామి విరచితము - సిద్ధాశ్రమయోగులు🧘♀️
5-సిద్ధభూమిక:-
పరిక్రమ మార్గాన్ని కనుక్కోటానికి చాలా కాలం క్రింద గోత్ ఛుంగ్ పా అనే లామా ప్రయత్నం మొదలు పెట్టాడు. కొంతదూరం వెళ్ళిన తర్వాత రెండు లోయ మార్గాలు వచ్చినవి. ఎటు వెళ్ళాలో తోచలేదు. ఇంతలో ఒక జడల బర్రె వచ్చింది. దాని ముఖం సింహం ముఖంలాగా ఉంది. తనను అనుసరించమని తలతిప్పుతూ అది సూచించింది. లామా దాని వెంట వెళ్ళాడు.
అది ఒక గుహదగ్గరకు వెళ్ళి అందులోకి పోయింది. లామాలోపలికి వెళ్ళి చూస్తే దాని కాళ్ళ, కొమ్ముల గుర్తులు కనిపించినవి. ఆ గుహకు ఆయన దీరాఫుక్ అని పేరు పెట్టాడు. దీ అంటే జడలబర్రె, రా అంటే కొమ్ములు.ఫుక్ అంటే గుహ అని టిబెట్ భాషలో అర్థం. ఆ గుహలో అతడు 3సంవత్సరాల, 3 నెలలు, 3 రోజులు ధ్యానం చేస్తూ గడిపాడు. ఆ తరువాత పరిక్రమ మొదలుపెడితే ఒక నక్క కనిపించింది. దాని వెంట నడుస్తుంటే
నక్కల సంఖ్య 21కి పెరిగింది. అవన్నీ ఒక పెద్ద రాయి అడుగుకు వెళ్ళి మాయమైపోయినవి. ఆ గండశిలలో తారాదేవి సాక్షాత్కరించింది. ఆనాటి నుండి ఆ శిల పూజలందుకొంటున్నది.
నేను(శ్రీ సిద్దేశ్వరానంద భారతీ స్వామి వారు )కైలాస మానస సరోవరయాత్ర చేసినప్పుడు మరుత్కుమారుడు, కౌశికుడు - అనే ఇద్దరు యోగులు కనిపించారు. వారు “నీవు, మేమిద్దరము మనం ముగ్గురము ఇక్కడి క్రిందటి జన్మలో తారాదేవిని గురించి తీవ్ర సాధన చేశాము. ఆ దేవత సాక్షాత్కరించి అనుగ్రహించింది. కారణాంతరాల వల్ల నీవు శరీరాన్ని విడిచి మరోజన్మ తీసుకోవలసి వచ్చింది. నిన్ను చూడాలనిపించి మేమే సంకల్పించాము.
అందువల్ల నీకు రావాలనిపించి వచ్చావు. మనమైత్రీ చిహ్నంగా జగజ్జనని తారాదేవిని ఆవాహన చేస్తున్నాము” అన్నారు. దీర్ఘాన్నత దేహంతో మణిమకుటంతో సువర్ణాభరణాలతో దేదీప్యమానంగా ప్రకాశిస్తూ
దేవి సాక్షాత్కరించి ఆశీర్వదించింది. అంతకుముందు కొన్ని సంవత్సరాల క్రింద అయిదు రాత్రులు ధ్యానం చేస్తే కనిపించి అనుగ్రహించిన సన్నివేశం గుర్తుకు వచ్చింది. దీర్ఘకాల జీవులైన ఆ సిద్ధాశ్రమ యోగుల ఆత్మీయత ఎంతో సంతోషాన్ని కలిగించింది.
ఓంకారోదితశక్తి ప్రేరిత సిద్ధి వికాసాం
త్రీం కారాంతర కీలాదీపిత యోగవిలాసాం
మైత్రీ మంజుల హృదయధ్యానోత్తేజిత సారాం
గాయామ్యుజ్వలవీరాం తారాం మహిమాకారాం
అని తారాదేవిని స్తుతించాను. ఇద్దరు మిత్రులు సౌహార్దభావుకులై తారాదేవితో సహా అదృశ్యులైనారు
ఇక మరొక ముఖ్యమైన సంఘటన. కైలాసపర్వత పరిశ్రమకు మాతో వచ్చిన వారు చాలామంది వెళ్ళారు. నా వంటి వృద్ధులు, నడవలేనివారు ఆగిపోయినారు. ఒక రోజు గడచిన తర్వాత ఫోనులో బాధాకరమైన వార్త వచ్చింది. ప్రయాణీకులలో ఒక మహిళ త్రోవలో గుండెపోటు వచ్చి పడిపోయినది.
మరణిస్తుందని అందరూ భయపడుతున్నారు. చేయగలిగిన ప్రాధమిక చికిత్స చేశారు. ఇక్కడ మా వసతి దగ్గర ఆ వార్త అందుకొన్నవారు పరిగెత్తుకుంటూ వచ్చి ఆమె ప్రాణరక్షణ చేయమని ప్రార్థించారు. క్లిష్ట సమయం. వెంటనే నా ఆదేశాన్ని అందుకొని ఒక షామియానా వేసి ఇటికెలతో తాత్కాలిక హోమకుండం నిర్మించి వస్తుసామగ్రి సమకూర్చి భైరవ హోమం ప్రారంభించాను. భైరవమంత్ర పురశ్చరణ చేసినవాళ్ళంతా ఆహుతులు వేస్తున్నారు. అందరి హృదయాలలో ఉద్విగ్నత! ఏమి కానున్నది ? రాత్రి సమయం. మంచుకురుస్తున్నది. గడ్డకట్టుకుపోయే శీతల వాతావరణం. అయినా ఒక వైపు ఆహుతులు వేస్తూ ఆపదలో ఆదుకొనే ఆ స్వామిని ప్రార్థించాను..
నమో భూతనాధం నమః ప్రేతనాధం
నమః కాలకాలం నమో రుండమాలం
నమః కాళికా ప్రేమలోలం కరాళం
నమో భైరవం కాశికా క్షేత్రపాలం
ఇంతలో అగ్నికుండంలో జ్వలిస్తున్న కాష్టద్యుతుల మధ్య భీషణ
సుందరమైన ఆకృతితో శ్వానరాజుతో భైరవుడు నిల్చున్నాడు.
సీ|| చంద్రఖండములతో సరివచ్చు ననవచ్చు
విమలదంష్ట్రా ప్రరోహములవాని
పవడంపుకొనలతో ప్రతివచ్చు ననవచ్చు
కుటిలకోమల జటాచ్ఛటలవాని
ఇంద్రనీలములతో ఎనవచ్చు ననవచ్చు
కమనీయతర దేహ కాంతి
ఉడురాజు రుచులతో ఒరవచ్చు ననవచ్చు
చంచన్మదాట్టహాసములవాని
దర్శించి ప్రణామాలు సమర్పించాను.
సీ॥మందార మైరేయ మధుపానమత్తాయ
భవ ! నమస్తే కాలభైరవాయ
కాళికాసురత శృంగార సంప్రీతాయ
వర ! నమస్తే కాలభైరవాయ
డమరుఖట్వాంగ ఖడ్గ కపాల హస్తాయ
భర్గా! నమః కాలభైరవాయ
అట్టహాసపలాయితాంతకాయ హరాయ
వందనం తే కాలభైరవాయ
గీ|| భీషణశ్వానపరివార వేష్టితాయ
భూత బేతాళ గీతా సముత్తితాయ
వారణాసీ మహాక్షేత్ర పాలకాయ
భక్త సులభాయ తే నమో భైరవాయ
భైరవుడు అనుగ్రహించాడు. ఆయనతో వచ్చిన శ్వాసరాజు బయలుదేరాడు. హోమం పూర్తి అయింది. అక్కడ పరిక్రమ చేస్తూ పడిపోయిన మహిళ దగ్గరకు ఆ మంచుకొండలలో ఎక్కడి నుండి వచ్చిందో ఒక పెద్ద నల్లని కుక్కవచ్చి వాసన చూచింది. ఆ వనిత కండ్లు తెరిచి నెమ్మదిగా లేచింది. పోతున్న ప్రాణం వెనక్కు వచ్చింది. అందరితో పాటు నడక మొదలైంది. పరిశ్రమ పూర్తియై కొండ దిగి అందరూ తిరుగు ప్రయాణం చేస్తున్నంతవరకు ఆ శునక రాజు అలానే నిల్చుని మళ్ళీ వెనక్కు
మంచుకొండలోకి వెళ్ళిపోయినాడు. భైరవుని కరుణ అద్భుతం !
సీ॥ కాశీ శ్మశానాన కాలభైరవునితో
చరియించు నెవడు కింకరత మెరయ
భయదరూపముతోడ పదునుకోరలతోడ
శ్రితవైరి నెవ్వాడు చీల్చి వేయు
కైలాసగిరి మీద కాపాడె నెవ్వాడు
మహిళ నొక్కతె కృపామహిమ వెలయ
మృత్యుదేవత పలాయిత జేసె నెవ్వాడు
సిద్ధేశు ప్రార్థన స్వీకరించి
గీ|| ఎవ్వ డలవోక గర్జించె హిమగిరీంద్ర
దివ్యభూముల గుహలు ప్రతిధ్వనింప
ప్రజ్వలన్నేత్ర వక్ష భౌభౌరవుండు
ఆ మహాశ్వానరాజు నన్నోముగాక !
కాశీ రక్షకుడైన కాలభైరవుని వాహనం శునకమైతే హిమగిరిలో వజ్రభైరవుని వాహనం పులి. వజ్రభైరవుని ఆలయాలు మంచుకొండలలో అక్కడక్కడ ప్రకాశిస్తున్నవి.
****
- శ్రీ వాసిష్ట గణపతి ముని - ఉమా సహస్రము (ఆరవశతకం)
🕉🌞🌎🌙🌟🚩
674) శ్లోకము :-
నిధే స్త్వత్తో హృత్వా భగవతి! న లజ్జే భువి సృజన్
రసక్షోణీ ర్వా స్త్వదమలయశ స్సౌరభజుషః!
నృపోద్యానత్ సూనోత్కర మపహరన్ భక్తినటనం
వితన్వాన స్తస్మై ముహురుపహరం త్సేవక ఇవ!! 674
భావము:-
తల్లీ ! ఓ ఉమాదేవి! రాజు ఉద్యానవనమునుండి పుష్పములు దొంగిలించి
భయము చేతనో భక్తి నటించుచునో వాటినే రాజుకు మాటిమాటికి
బహుమతిగా అందించు దొంగ సేవకుని వంటి వాడిని నేను.
సర్వ రస మధుర్యమైన వాజ్మయ నిధి అగు నీ నుండి, స్వచ్చమైన నీ కీర్తి సౌరభము వెదజల్లు పుష్పములనే కావ్యముగా సృజించి నీకే భక్తి నటించుచుసమర్పించుచున్నాను. అయిననూ నాకు సిగ్గు లేదు. అనగా ఈ కవిత్వమంతయు నీప్రసాదమే.
675) శ్లోకము :-
దధానా స్సంతోషం మనసి సుకవినా మతితరాం
దధానాః ప్రత్యగ్రం విభుధసదసే భావ మలఘుమ్!
కులానా ముత్సాహం సపది విదధనా శ్శివవధూ
పరాణాం శోభంతాం జగతి శిఖరిణ్యో గణపతేః !! 675
భావము:-
తల్లీ ! ఓ ఉమాదేవి!
రస ఆస్వాదన అందు నిపుణులు,
ఈర్ష్య లేని మనస్సుకలవారు,
అగు మంచి కవుల అందు సంతోషాతిశయము
కలిగించునవియు,
విద్వత్ పరిషత్తులకు
అతిక్రొత్తదైన అభిప్రాయములు ఎక్కువగా కలిగించునవియు,
శివుని ఇల్లాలు ఉమాదేవి స్మరణే ప్రధానముగా కలవియు,
దేవి భక్తులకు ఉత్సాహము కలిగించునవియు,
శిఖరీణీ వృత్త బద్ధమైన
ఈ గణపతి రచించిన స్తుతులు
లోకమును ఉద్దరించు కాక.
***
385) యోగవాసిష్ఠ రత్నాకరము🧘♀️
స్థితి ప్రకరణము
రెండవ అధ్యాయము
దామ వ్యాళ కటోపాఖ్యానము
2-107
అసదభ్యుదితైర్భావైర్జలాన్తశ్చన్ద్రవచ్చలైః
వఞ్చ్యతే బాల ఏవేహ న తత్త్వజ్ఞో భవాదృశః
ఓ రామచంద్రా! నీటియందలి చంద్రబింబమువలె అసద్రూపములును, చంచలములునగు పదార్థములచే బాలుడే మోసగింపబడునుగాని నీవంటి తత్వజ్ఞుడు కాడు.
2-108
య ఇమం గుణసంఘాతం భావయన్సుఖమీహతే ప్రమార్‌ష్టి స జడో జాడ్యం వహ్నిభావనయా స్వయా.
ఎవడు శబ్దాది గుణములయొక్క సంఘాతమగు ఈ దేహాదులను “నేను, నాది” అని భావించుచు వానినుండి సుఖము నభిలషించునో, అట్టి జడుడు తన మనోరథముచే కల్పితమగు అగ్నిచే చలిని పోగొట్టుకొనువాడే యగును.
(హృదయమందలి మనఃకల్పితమగు విశాలనగరము నశించినను లేక వృద్ధి నొందినను, ఏమి నశించుచున్నదో, ఏమి వృద్ధినొందుచున్నదో వచింపుము?!)
***
✍️। పుల్లెల శ్రీరామచంద్రుడు
ప్రథమ సంపుటము, అధ్యాయము - 24
సేకరణ : ప్రసాద్ భరద్వాజ
శ్రీ గణేశాయ నమః ఓం నమో భగవతే వాసుదేవాయ।
। కుండ నిర్మాణాగ్ని కార్యాది విధి -1
నారదుడు పలికెను:
అన్ని కోరికలను తీర్చు అగ్నికార్యమును చెప్పెదను। ఇరవైనాలుగు అంగుళముల చతురస్ర క్షేత్రమును సూత్రముతో కొలచి సమముగా అంతటను సమముగా త్రవ్వవలెను। ఆ విధముగా త్రవ్వినదానికి రెండంగుళములు విడచి మేఖలలు (ఒడ్డాణము వంటి కట్లు) చేయవలెను। సత్త్వము మొదలగు పేర్లుగల ఆ మేఖలలు పూర్వాభిముఖములు గాను, పండ్రెండు అంగుళములు ఎత్తు కలవిగా ఉండవలెను। ఒకటి ఎనిమిది అంగుళముల విస్తారము కలది, రెండవది రెండు అంగుళములు విస్తారము కలది, మూడవది నాలగు అంగుళముల విస్తారము కలది అయి ఉండవలెను।
పది అంగుళముల రమ్యమైన యోని ముందు వైపు వరుసగా ఆరు-నాలుగు-రెండు అంగుళములు ఎత్తు ఉండవలెను। పడమట నున్న దానిని క్రమముగా లోతుగా నుండు నట్లు చేయవలెను। రావి ఆకు ఆకారములో నున్న దానిని కొద్దిగా కుండములోనికి చేర్చి నిర్మింపవలెను। దాని నాళము నాలుగు, ఐదు, పది అంగుళాల పొడవు ఉండవలెను। ఆ యోనియొక్క మూలము మూడు అంగుళములు, దాని అగ్రము ఆరు అంగుళములు ఉండవలెను। ఏకహస్తకుండలక్షణము ద్విహస్తకుండాదుల విషయమున రెట్టింపు అగుచుండును।
ఒక మేఖల, మూడు మేఖలలు గల వర్తులాదికుండములను గూర్చి చెప్పెదను। కుండము యొక్క అర్థమునందు సూత్రము నుంచగా కోణమునందు మిగిలిన ఆ సూత్రములోని అర్ధమును దిక్కునందుంచి త్రిప్పినచో అది వర్తుల మగును। 7
కుండార్ధమును మించిన కోణభాగార్ధమును బయట ఉత్తరభాగమున పెంచి పూర్వపశ్చిమములు వైపు బైటకు చాపి మద్యమునందు ఉంచి సూత్రము త్రిప్పినచో అర్ధచంద్రాకార మైన శుభకరమైన కుండము ఏర్పడును। పద్మాకారమైన వర్తులకుండమునందు మేఖలయందు దలము లుండును। 9
సశేషం।।।।
****। ఓషో రోజువారీ ధ్యానాలు -
శ్రీ లలితా చైతన్య విజ్ఞానము - 379-2 / Sri Lalitha Chaitanya Vijnanam - 379-2 🌹
🌻। లలితా సహస్ర నామముల తత్వ విచారణ 🌻
✍️। సద్గురు శ్రీ కంభంపాటి పార్వతి కుమార్
సేకరణ : ప్రసాద్ భరద్వాజ।ప్రాంజలి ప్రభ
మూల మంత్రము :
🍁। ఓం ఐం హ్రీం శ్రీం శ్రీమాత్రే నమః 🍁
🍀 83। ఓడ్యాణ పీఠనిలయా, బిందుమండల వాసినీ ।
రహోయాగ క్రమారాధ్యా, రహస్తర్పణ తర్పితా ॥ 83 ॥ 🍀
379। ‘ఓడ్యాణ పీఠనిలయా' - 2
సిద్ధాసనమున గాని, పద్మాసనమున గాని కూర్చుండి యోగము చేయువారు పొత్తి కడుపును తమలపాకువలె నుంచుకొని యుందురు। అటులున్నచో మూలాధార మందలి ప్రజ్ఞ ఊర్ధ్వగతి చెందుటకు స్వాధిష్ఠానమున మార్గము సుగమ మగును। స్వాధిష్ఠానము ద్వారా ప్రజ్ఞ ఊర్ధ్వగతి చెందినపుడే బ్రహ్మగ్రంథి విడును। అది రుద్ర గ్రంథి అని కొందరి అభిమతము। అట్లు వీడినచో జీవునకు దేహబంధ ముండక స్వేచ్ఛగ దేహము నందుండుట అనగ యేమో తెలియును।
శ్రీమాత కటి ప్రదేశము వున్నదో లేదో యన్నట్లుండును। ముప్పది ఐదవ నామమున శ్రీమాత మధ్య ప్రదేశమును నూగారు తీగతో పోల్చుట జరిగినది। అవిద్య యందు వసించు సర్వ జీవరాశికి దేహమే ఆధారము। అట్టి దేహము నుండి దేహాతీతములగు లోకములకు ప్రవేసించు మార్గము శ్రీమాతచే అధిష్ఠింపబడి యున్నది। అట్టి అధిష్ఠాన దేవతను 'ఓడ్యాణపీఠ నిలయా' అని కీర్తింతురు। యోగాభ్యాసము చేయువారు ఓడ్యాణ పీఠమును సరిచూసు కొనుట, శ్రీమాతను ఆరాధించుట ప్రధానమని తెలియవలెను।
సశేషం।।।
***
[5:21 am, 14/06/2022] +91 95058 13235: శ్రీమాత్రేనమః
శ్రీలలితా సహస్రనామ భాష్యము
708వ నామ మంత్రము
ఓం సర్వోపాధి వినిర్ముక్తాయై నమః
ఏ రకమైన ఉపాధులు లేనిది. అద్వైతమూర్తి. పరబ్రహ్మస్వరూపిణి. నిరాకారమైనది. చిన్నయస్వరూపిణి. జీవాత్మపరమాత్మలు ఒకటే యైనను అవిద్యతో భేదమున్నదిగా భావింపబడు మహాశక్తి స్వరూపిణి అయిన తల్లికి నమస్కారము.
శ్రీలలితా సహస్ర నామావళి యందలి సర్వోపాధి వినిర్ముక్తా యను ఎనిమిదక్షరముల (అష్టాక్షరీ) నామ మంత్రమును ఓం సర్వోపాధి వినిర్ముక్తాయై నమః యని ఉచ్చరించుచూ, ఆ పరమేశ్వరిని ఆరాధించు భక్తులకు ఆ తల్లికరుణచే అత్యంత స్వచ్ఛమైన మనస్సుగలిగినవారై కలియుగ జగన్నాటకంలో మాయల ఉచ్చులలో బడక, తాము కూడా ఒరులను మాయలబారిన పడనీయక, పరిపూర్ణమనస్కులై, ఆధ్యాత్మిక చింతనాపరులై, ధర్మార్థకామసంరక్షణమందు సక్రమవర్తనులై, మోక్షసాధకులై తరింతురు.
ఉప + అధి అనగా ఉపాధి, ఇక్కడ ఉపాధి అనగా కుటుంబంమీద మిక్కిలియాస గలవాడు.అనగా కుటుంబ చింతన గలవాడు. సూక్ష్మంగా చెప్పాలంటే తను, తన కుటుంబము, వారిపోషణ అనే ఆలోచనలు గలిగి యుండుట. ఈ కర్మలంపటములు జీవికేగాని, దేవికి కాదు. ఆమె వీటినుండి విడిచిపెట్టబడినది. ఇక్కడ జీవికి, దేవికి అభేదము ఈ విషయంలో గలదు. దీనికి ఉపనిషత్తులలో ఒక చిన్నకథ గలదు. రెండు పక్షులు ఒక కొమ్మమీద ఉన్నవి. రెండూ రూపంలో ఒకటే. జాతి కూడా ఒకటే. ఆ కొమ్మ మీది ఆ రెండు పక్షులలో ఒకటేమో కన్నీరు కార్చుచున్నది. ఆత్రంగా అటూ ఇటూ చూచుచున్నది. అంటే ఆ పక్షి కర్మఫలాలను అనుభవిస్తున్నది. రెండవది ప్రశాంతంగా, మందహాసముతో నున్నట్లుగా, తనకు పట్టినవి ఏమీ లేనట్లుగా ఒక యోగిపుంగవునివలె కూర్చున్నది. ఈ రెండు పక్షులలో మొదటిది జీవాత్మ. కర్మబంధములకు లోనై ఉన్నది. రెండవది పరమాత్మ. అద్వైతంలో జీవాత్మ-పరమాత్మలు ఒకటేనని చెప్పాము. కాని ఈ జీవాత్మ-పరమాత్మలు అవిద్యచేత భేదం కలిగియుంటున్నవి. జీవాత్మలో అవిద్య తొలగిపోగానే పరమాత్మ స్వరూపాన్ని జీవాత్మ తెలిసికొంటుంది. అప్పుడు తనలోనున్న ఉపాధి (కర్మబంధం) తొలగిపోతుంది. పరబ్రహ్మలో లీనమైపోతుంది.
కాని పరమేశ్వరికి ఈ కర్మబంధములు (ఉపాధులు) లేవు. అందుచేతనే ఆ తల్లి సర్వోపాధివినిర్ముక్తా అని స్తుతింపబడినది.
ఆత్మకి గుణాలతో సంబంధం లేదు. నిరాకారమైనది. నిర్గుణమైనది. స్ఫటికమువలె స్వచ్ఛమైనది. కాని ఆ స్ఫటికముపై ప్రక్కనున్న వస్తువుల నీడ ప్రతిఫలించగా వివిధరంగులతో గోచరిస్తుంది. కాని పరమేశ్వరి (పరమాత్మ) ఎటువంటి ప్రక్కనున్న భక్తుల బంధములు, కర్మబంధములు తన కంటక ఉండునట్టిది. అందుచేతనే ఆ తల్లి సర్వోపాధివినిర్ముక్తా యని స్తుతింపబడుచున్నది.
జగన్మాతకు నమస్కరించునపుడు ఓం సర్వోపాధి వినిర్ముక్తాయై నమః అని అనవలెను.
శ్రీమాత్రేనమః
శ్రీలలితా సహస్రనామ భాష్యము
172వ నామ మంత్రము
ఓం నిస్సంశయాయై నమః
సంశయములు లేనిది, సంశయములను నాశనము చేయునది మరియు కోరికలు లేనట్టి గురుస్వరూపిణియైన జగదీశ్వరికి నమస్కారము.
శ్రీలలితా సహస్ర నామావళి యందలి నిస్సంశయా యను నాలుగక్షరముల (చతురక్షరీ) నామ మంత్రమును ఓం నిస్సంశయాయై నమః అని ఉచ్చరించుచూ, ఆ జగదాంబను అత్యంత భక్తిప్రపత్తులతో ఉపాసించు సాధకుడు సంశయరహితుడై, జన్మకు కారణములు, పునర్జన్మ రహితమైన మోక్షసాధనకు తానేమి చేయవలెనో ఆ పరమేశ్వరి కరుణతో తెలిసికొని, ఆత్మానందానుభూతితో జీవించి తరించును.
మానవ జన్మే సంశయాత్మకమైనది. ద్వైతమంటే ఏమిటి? అద్వైతమంటే ఏమిటి? ఈ రెండిటిలో దేనిని అనుసరించాలి? జీవుడు వేరు, దేవుడు వేరు అని చెప్పే ద్వైతము ఎంతవరకూ అనుసరించదగినది, జీవుడు, దేవుడు ఒకటే అని చెప్పే అద్వైతము యొక్క నిర్వచనమేమిటి? అది అనుసరించినందువల్ల ఆత్మానందానుభూతి కలుగుతుందా? ఆత్మ, దేహము ఈ రెండూ ఒకటేనా? ఈ రెండూ కాని మనస్సే ఆత్మ అవుతుందా? ఇవి ఏమియు కాని బుద్ధికి, మనస్సుకు గల సంబంధం ఏమిటి? ఇవన్నీ సంశయాలే!
ఇంకా ఎన్నో ఉన్నాయి. దేవుడు అని చెబుతారు. దేవలోకం ఉంది అంటారు. ఊర్ధ్వలోకాలు, అధోలోకాలలో ఏది దేవలోకం? అసలు దేవతలను ఎవరైనా చూడడం జరిగిందా?
ఇంక పరబ్రహ్మమంటే ఏమిటి? కర్మఫలం అనేది ఉందా? ఉంటే దానిని అనుభవింపజేసేవారు ఎవరు? దేవుడి గుడి, విగ్రహం, పుణ్యక్షేత్రం ఇవి ఏమిటి? దేవుడు సర్వాంతర్యామి అయితే, గుడికే ఎందుకు వెళ్ళాలి? , దేవుడిని విగ్రహంలోనే ఎందుకు వెదకాలి? పుణ్యక్షేత్రాలలోనే దేవుడు ఎందుకు ఉంటాడు? ఇవన్నీ సంశయాలే మనకు.
వీటికి సమాధానాలు వేదవేదాంగములందు, శాస్త్రములందు, పురాణేతిహాసములందు తెలిసికోవచ్చు. అంతమాత్రమే కాదు. ఆ జగన్మాతను త్రికరణ శుద్ధిగా ధ్యానిస్తే కూడా మానవునికి గల అనేక సంశయాలకు సమాధానం దొరుకుతుంది.
జగన్మాత సర్వ మంత్రస్వరూపిణి మరియు సర్వమంత్రాత్మిక. ఇంకను సర్వతంత్రాత్మిక. జగన్మాత శ్రీవిద్యా స్వరూపిణి. కుండలినీ శక్తిగా షట్చక్రములలో ఉంటూ, బ్రహ్మ, విష్ణు, రుద్రగ్రంథులను ఛేదించుకుంటూ, సహస్రారంలో సుధాసాగరమందు పరమేశ్వరుని చేరి, అమృతధారలలో సాధకుని తన్మయుణ్ణిచేసి పరబ్రహ్మతత్త్వాన్ని అనుభవైకవేద్యంగా బోధించే గురుమండలరూపిణి గనుక నిస్సంశయా యని నామ ప్రసిద్ధమైనది. ఆ తల్లి సర్వ మంత్రస్వరూపిణి, సర్వతంత్రరూపిణి, మహాయో
గేశ్వరేశ్వరి గనుక నిస్సంశయా అని అనబడినది. ఆ పరమేశ్వరి మూలమంత్రాత్మికా, మూలకూటత్రయకళేబరా, జ్ఞానదాయనీ, సర్వవేదాంత సంవేద్యా,, సత్యానంద స్వరూపిణీ, ఇచ్ఛాశక్తిజ్ఞానశక్తిక్రియాశక్తి స్వరూపిణీ, గురుమండల రూపిణీ, దక్షిణామూర్తి రూపిణీ, శివజ్ఞాన ప్రదాయనీ, శాస్త్రసారా, పరబ్రహ్మస్వరూపిణీ అని వివిధ నామ మంత్రములే తన స్వరూపమైనది ఆ తల్లికి సంశయాలు ఉంటాయా? ఉండవు. కాబట్టి నిస్సంశయా యని నామ మంత్రముతో స్తుతింప బడుచున్నది. అటువంటి జగన్మాతకు నమస్కరించునపుడు ఓం నిస్సంశయాయై నమః అని అనవలెను.
ప్రతి ఒక్కరూ తమకు అప్పగించిన పని చేస్తుండటమే నిజంగా 'ఈశ్వర పూజ'।
1--ఏ పుట్టలో
ఏ పుట్టలో ఏ పామున్నదో తెల్పలేము కదా, నమ్మాలి, నమ్మకం మీద బ్రతకాలి, అనుభవాలు కాలాన్ని ఎదుర్కొనే శక్తి నిస్తాయి కావునా , ఏ గుర్తింపూ కోరని మహాత్ములే మనలను ఈ తాదాత్మ్యం నుండి విముక్తులను చేయగలరు। అందువలన వారి సాన్నిధ్యాన్నే పొందాలి। మనసు శాంతి చేకూర్చే మార్గాలు వెతుక్కోవాలి। (60 సంవత్సరాల పై బడ్డ వారు )
మహాత్ముల సాన్నిధ్యమంటే కేవలం స్తబ్ధతతో కలసి ఉండటం కాదు। అయితే దీర్ఘకాలంలో దీని వల్ల కూడ ఫలితం ఉండవచ్చు। (వయసుని బట్టి మారవచ్చు) కాని ఉత్సాహంగా కలిసి పని చేయడం, వికసించడానికి సంసిద్ధత, ఆధ్యాత్మిక మార్గము మీద నిబద్ధతల వల్ల ఉపయోగాలు బహుముఖంగా విస్తృతమవుతాయి।
ఛాందోగ్యోపనిషత్తు (7।8।1) ఇలా అంటున్నది-
“స యదా బలీ భవతి అథ ఉథాథా భవతి ఉత్తిష్టన్ పరిచరితా భవతి పరిచరన్ ఉపసత్తా భవతి ఉపసీదన్ ద్రష్టా భవతి శ్రోతా భవతి మన్తా భవతి బోద్ధా భవతి కర్తా భవతి విజ్ఞాతా భవతి!!-
వీరుడైన శిష్యుడు గురువుని ఆశ్రయించి, సేవచేసి, ఆయనకు సన్నిహితుడై, ఆయన మనసు ననుసరించి, మిగతా వారితో ఆయన వ్యవహరించే తీరు గమనిస్తూ, వివేకపూరితమైన మాటలు వింటూ, పర్యావలోకిస్తూ వాటిని అర్థం చేసుకొని, అలానే వ్యవహరిస్తూ సత్యాన్ని తెలుసుకుంటాడు।”
14- శ్రీ కపిలగీత, అధ్యాయము - 1 శ్లోకం 14:-
త ఏతే సాధవః సాధ్వి సర్వసంగ వివర్జితాః ।
సంగస్తేష్వథ తే ప్రార్థః సంగదోష హరా హితే ॥ 14 ॥
టీకా:-
తే ఏతే సాధవః = మహాత్ములైనవారు; సాధ్వి = ఓ మహాత్మురాలా; సర్వ సంగ వివర్జితాః = అనాసక్తులై; సంగః తేషు = వారి సాంగత్యం; అథ = కావున; తేప్రార్థ్యః = నీవు అన్వేషించు (కోరు); సంగ-దోష-హరాః = (ప్రాపంచిక) దుస్సాంగత్యమును పోగొట్టే వారు; హి = నిజంగా; తే = వారు।
భావం:-
ఓ సాధ్వీమ తల్లీ! ప్రాపంచిక సాంగత్యం పట్ల అనాసక్తులైన మహాత్ముల, యోగుల సాంగత్యమునే నీవు అభిలషించు। వారే నీ ప్రాపంచిక ఆసక్తులను పోగొట్టుతారు।
ఈ శరీరంతో ఉండే సంబంధమే ప్రపంచంలోని విషయాలు, వ్యక్తులతో వుంటే సంబంధాలకు మూలం। “దేహాత్మా సంస్థిత ఏవ కామా- శరీర తాదాత్మ్యము గలవాడు ఇంద్రియలోలుడే అవుతాడు" (వివేక చూడామణి-311) విషయ వస్తువుల మీద ఆధారపడటం, బాహ్యదృష్టి, పక్షపాతవైఖరి, మూర్ఖత్వము దురభిమానము మొదలయినవి శరీరమే తాను అనుకోవడం వల్ల వచ్చే అనర్థాలే।
ఒక్కోసారి గొప్ప విషయాల పట్ల వల్లమాలిన అభిమానం తప్పు దారి పట్టిస్తుంది। ఉదాహరణకు కొన్ని అభిప్రాయాలు:- 'ఇదే సరైన మార్గం' 'నా దేవుడే రక్షించగలడు' మొదలయినవి।
సర్వేజనాస్సుఖినోభవంతు
"కవులు వ్రాసినా గ్రంథ పరిశీలనా కల్పిత క్లుప్త సారాసం"
సేకరణ రచయిత :మల్లాప్రగడ రామకృష్ణ
___((()))___
* పావులు వల్లనే కదులు పాపపు బుధ్ధులు పాడు చేయుటన్
బావులు తగ్గెనే ఇపుడు భావితరమ్ముకు బాధ పెంచుటన్
రావుల వారి పల్కులకు రాక్షస బుద్దియె కానవచ్చుటన్
దేవుడు లేనె లేడని మదిన్ కడునమ్ముచు గొల్తు భక్తితోన్
****
కాలమ్మే ప్రేమ భావం - కళలను కధలే - కావ్యమై సేవచేయా
మూలమ్మే దాహ లక్ష్యం - ముడుపులు పెరిగే - మూగభావమ్ము పెంచే
మాలగా దైవ సేవే - మలుపులు కదిలే - మానసమ్మే మ్మెను జూపే
నీలికన్నుళ్లు ప్రేమా - నటనలు తెలిపే - నాట్యమై దేహ మాయే
అంటూ ఈరోజు అనేక పద్యాలు వ్రాయటం జరిగింది తప్పులు దొర్లినా క్షమించగలరు ఎందుకంటే ఆలోచన మలుపులు
నేటి స్పందన పద్యాలు
మీ అభిమానానికి మీకు మీ కుటుంబ సభ్యులకు కృతజ్ఞతలు
🧘♂️శ్రీ కులశేఖర్ ఆళ్వారు విరచితము ముకుందమాల🧘♀️
26వ శ్లోకం:-
ఆమ్నాయాభ్య సనాన్యరణ్య రుదితం వేద వ్రతాన్య న్వహం మేదశ్చేద ఫలాని పూర్తవిధయ: సర్వే హుతం భస్మని తీర్థా నామవగాహనా నిచ గజస్నానం వినా యత్పద- ద్వంద్వాం భోరుహ సంస్మృతీ: విజయతే దేవస్య నారాయణ:!!
భావం:-
శ్రీ నారాయణ పదాంభోరుహ స్మరణమును విడిచి కేవలము వేదములు వల్లెవేయుట అరణ్య రోదనము. వేదోక్త నియమములను పాటించుట కండలు కరుగుటకు చేయు వ్యాయామ సదృశము. యజ్ఞాది కర్మలు బూడిదపాలు. గంగాది పుణ్యతీర్థ స్నానము గజస్నానము వలె ప్రయోజన శూన్యము. కనుక నిత్యము ఆ నారాయణుని స్మరిస్తూ సర్వకర్మలు ఆచరింపుము.
🕉🌞🌎🌙🌟🚩
Swami Vivekananda's Wisdom for Daily Inspiration - June 14.
స్వామి వివేకానంద స్ఫూర్తి... రోజుకో సూక్తి - జూన్ 14.
Every reaction in the form of hatred or evil is so much loss to the mind.
ఒకరిని ద్వేషించటం ద్వారా, అతనికి హాని కలగచేయటం ద్వారా మనం ప్రతీకారం తీర్చుకున్నప్పుడల్లా మనసుకు ఎంతో అనర్ధం వాటిల్లుతూ ఉంటుంది.
పువ్వుల నుండి పరిమళం వచ్చినట్లు, చందనం అరగదీస్తే సుగంధం వెదజల్లినట్లు, భగవన్నామాన్ని స్మరించటం వల్ల అలౌకిక ఆనందం అనుభూతం అవుతుంది.
-శ్రీశారదామాత.
🧘విస్తరణ🧘♀
దేహ చైతన్యంలో మునిగివున్నంత కాలం మనం పరాయి దేశంలో ఆగంతకులవంటి వారమే. మన స్వస్థానం సర్వ వ్యాపకం.
శ్రీ పరమహంస యోగానంద / Sayings Of Paramahamsa Yoganamda
🧘సుభాషితమ్🧘♂ శ్రీమాత్రేనమః
శ్రీలలితా సహస్రనామ భాష్యము
709వ నామ మంత్రము 15.6.2022
: శ్రీమాత్రేనమః
శ్రీలలితా సహస్రనామ భాష్యము
173వ నామ మంత్రము 15.6.2022
. శ్రీమద్భగవద్గీత - 217 / Bhagavad-Gita - 217 🌹
యథా వ్యాలగలస్థో౬పి భేకో దంశానపేక్షతే!
తథా కాలాహినా గ్రస్తో లోకో భోగానశాశ్వతాన్!!
పాము నోట చిక్కిన కప్ప, తన మృత్యువును తెలియక ఈగలను తినుటకు కోరినట్లుగా, జనులు కాలరూపము అగు సర్పము నోట చిక్కిననూ తమ అస్థిరతను తెలియక అనిత్యమైన భోగములకై ప్రాకులాడుచుందురు.
No comments:
Post a Comment