ఓం శ్రీ రామ్ - శ్రీ మాత్రేణమ:
ప్రాంజలి ప్రభ ( జికె -2)

1 .ద్విత్వ అక్ష రాలు తెలుపుము ?

ఒక హల్లుతో అదే హల్లు చేరే పదాలును ద్విత్వ అక్షరాలు అని అంటారు.
ఉదాహరణ -
మగ్గము
పగ్గము
ముగ్గురు
గజ్జెలు
తప్పెట
వియ్యము
కయ్యము
కళ్ళు
నమ్మకం

2 . ప్రక్రుతి వికృతిలు కొన్ని వ్రాయుము ? 
ప్రకృతి - వికృతి

భాష - బాస
రాజు - రేడు
శాస్త్రము - చట్టము
వర్ణము - వన్నె
విద్య - విద్దె
అక్షరము - అక్కరము
ఆధారము - ఆదరువు
కుమారుడు - కొమరుడు
కృష్ణుడు - కన్నడు
పద్యము - పద్దెము
న్యాయము - నాయము
దీపము - దివ్వె
భద్రము -  పదిలము

3. లింగములు ఎన్ని ? 

లింగములు 3 రకాలు అవి

1. మహద్వాచకములు - పురుషులను వారి విశేషణములను తెలియజేయు పదములు మహద్వాచకములు. వీటిని పుంలింగములనియు అందురు - రాముడు,భీముడు.

2. మహతీ వాచకములు - స్త్రీలను వారి విశేషణములను తెలియజేయు పదములు మహతీ వాచకములు - వీటిని స్త్రీలింగములనియు అందురు - సీత, బుద్ధిమంతురాలు.

3. అమహద్వాచకములు - పశు పక్షాదులను తెలియజేయు శబ్దములు అమహద్వాచకములు. వీటిని నపుంసకలింగములనియు అందురు - చెట్టు, రాయి, కాకి.

4. సంయుక్తాక్షరములు తెలుపుము ?

ఒక హల్లుకు వేరే హల్లు చేరే అక్షరాలును సంయుక్త అక్షరాలు అని అంటారు.

ఉదాహరణ -

పద్యము (ద + య = ద్య)

భగవద్గీత (దీ + గ = ద్గీ )

తర్కము (ర + క = ర్క)

అభ్యాసము (భా + య = భ్యా)

కార్యం (ర + య = ర్య)

పుష్పము (ష + ప = ష్ప)

ధర్మము (ర + మ = ర్మ)

విద్య (ద + య = ద్య)

సద్గుణము (దు +గ = ద్గు)

5. సంశ్లేష అక్షరాలు తెలుపుము ? 

ఒక హల్లుకు - రెండు ఒత్తులు చేరే అక్షరాలను సంశ్లేష అక్షరాలు అని అంటారు.

ఉదాహరణ -

స్వాతంత్ర్యము ( త + ర + య = త్ర్య )

ధృతరాష్ట్రుడు (షు + ట +ర = ష్ట్రు)

సామర్ధ్యము (ర + ధ + య = ర్ధ్య)

వస్త్రము (స + త + ర = స్త్ర)

రాష్ట్రము (ష + ట + ర = ష్ట్ర)

వైశిష్ట్యము (ష + ట + య = ష్ట్య)

సంస్కృతి (స + క + ర = స్కృ)