నాలో నీవు... నీలో నేను..... (1)to 9

నాలో నీవు... నీలో నేను..... (1)

సరిగమలు, సరదాలు, సన్నుతి ప్రేమలు, వినిమయ వినోదాల విశ్వo, విశ్వ లీలలు కలయిక ప్రేమలు, కళల కారుణ్య కష్టాలు, కలలు తీర్చేటి కనురెప్పల్లో కదులతో హృదయ లీలలు, ఏకమై ఆనంద డోలిక అధరామృత కలయిక ప్రేమలు, అలుపెరగని ఆనందము, ఆనందంలో మకరందము, మకరందల్లో మాధుర్యము, మాధుర్యంలో అర్ధాన్ని, అర్థం చేసుకునే ఆత్మ సౌందర్యం, సమయ సందర్భ సన్నిహిత ప్రేమలు, మనసులో హృదయాంతర కవాటాలు కదిలించే ప్రేమలు, సుఖ సంభవమే కదా....

అవునా మరి ఇవి

తనని అడగకపోయినా సూర్యుడు తామరపూలను వికసింపజేస్తాడు,

మేఘాలు ఎవరూ అడగకపోయినా వర్షాలు కురిపిస్తాయి,

ఏ చదువు చదివిందని స్త్రీలు సుఖపెడుతున్నారు,

సజ్జనులైన వారు స్వతహాగా ఇతరులకు మేలు చేస్తారు.

పేరు పేరునా

_"నీ కష్టాలకు,బాధలకు గజ్జెలు కట్టి అందరికీ వినిపించకు._

_ఇక్కడ వినేవారి కంటే నవ్వే వాళ్ళే ఎక్కువ."_

మనసుల్లో అపోహ, మాటల్లో పోటీలు, మస్థిష్కమ్ లో పట్టుదల, నిగ్రహ శక్తులు, వచ్చి చేరాలంటే, జీవిత కాలం సరిపోదు, బంధాల మధ్య ప్రేమ పుట్టి, అనురాగాల మధ్య ఆత్మీయతలు పెరిగి, విశ్వాస సానుభవ కలయికలు, ఒకరికొకరు ఉన్నత భావాలతో, ఊహలు ఊయలగా సానుకూల పరిచి, సమయ దుర్వినియోగం పరచకుండా, సందర్భోచిత ప్రవర్తనలు, నిత్య జీవితంలో సరిగమలే కదా.....

జీవితంలో నిన్ను నిన్నుగా అభిమానించి ఇష్టపడిన వాళ్ళని ఎప్పటికీ దూరం చేసుకోకు.

ఎందుకంటే అలాంటి వాళ్ళు అరుదుగా ఉంటారు ఆ అదృష్టం అందరికీ దొరకదు.

నువ్వు నన్ను అర్థం చేసు కోలేవు, నన్ను సముదాయించనూ లేవు, నీకు నీవుగా మాట్లాడ నూ లేవు, ఆ మాటలు అర్థం చేసుకొని పలకనూ లేవు, నీదో లోకం నాదో లోకం, మనిద్దరిని కలిపింది మమేకం అంటావు, ఆశలు బట్టి ప్రవర్తించాలంటావు, విశ్వ రక్షణ తెలుసుకొని, మనుషులను అర్థం చేసుకొనే లక్షణం లేదంటావు, అర్ధానికి అర్థం పరమార్థం, అర్థం కాదంటావు, కాల నిర్ణయం బట్టి పోవాలంటావు, మనుషుల వ్యక్తిత్వాన్ని బట్టి నడవాలంటావు, సర్వశక్తులు క్రోడీకరించి జీవించాలంటావు, మంచో ఏది చెడు, అర్థం చేసుకునే జ్ఞానాన్ని భగవంతుడు ఇచ్చాడు, దైవాన్ని నమ్మి జీవితాన్ని సాగించాలంటావు కదా......

****

నాలో నీవు... నీలో నేను...2

..

అవునా వేదాంత వ్యక్తిగా, వాంఛలు తీర్చు మదిగా,

అంతర్ముఖివై అంతా గమనించి, ఆశయాలు తెలిపి

పుట్టింది మొదలు నిత్య విద్యార్థినీ అని పలుకుతూ, ఏమీ తలవదనీ, అమాయకడని, ఆధ్యాత్మకడని,

ఊహతెలిసినప్పటి నుండి ఉచితానుచితాలు

గ్రహించి, ఉన్నదాన్ని విపులకరించి, సందేహం తీర్చి,

అనుభవంతో కొన్ని ఆకలింపుతో మరికొన్ని పసికట్టి తెలిపి, మనసు మనసుకు విషయ వాంఛలను తెలిపి,

సమయా సమయాలలో ఎలా వుండాలో నేర్పి, సహనముతో సహకారముతో, సంయణంతో,

పొగిడితే పొంగి ఉబ్బి తప్పిబ్భై, బోలాశంకరుడుగా,

తెగిడితే బాధాతప్త మదితో తల్లడిల్లి, హృదయావిదారక పలుకులల్లి, వినయ విధేయ మది తలపులతో, బ్రతుకు ఆటలతో,అలుపురాని ఆనంద పరవశంతో

ఏదైనా ఆశపడి ఆకాశమంత విహరించి, నిత్య సత్య ప్రభోదన్ని తెలిపి, ధర్మ నిర్ణయాలు తెలుపుచూ,

నిరాసైతే నీరసపడి సామ్రాజ్యాలు కోల్పోయిన

శోకమూర్తివి గా, కాల నిర్ణయానికి కట్టుబడి,

ప్రతిభ కనబరిచినా, విజయమొచ్చినా, సామర్థ్యమంతా పరమాత్మది, నేను నిమిత్తమాతృడనుచూ, ఓడితే విధిరాత అనక ఏదొ తన లోపమే ఇందుకు కారణం అనుచూ,

గౌరవ పేరుప్రతిష్టల ‌ గుర్తింపుకై వెంపర్లాడక, జరుగుతున్న కాలానికి తగ్గ అనుకరణ తో పలుకులు,

వీలైతే విశ్వ విజేత కావాలని అనుకోక, కొందరు

నీకు వ్యతిరేకమైతే ‌ పగబట్టి కసితీర్చుకోకప్రేమ కురిపించి సేవలు చేసి, వారి హృదయంలో ఉన్న పాషానాన్ని కారగించి, పువ్వులా పరిమళాలు అందించి, జీవితంలో

తోడునీడవై వుండి నడిపించి నలుగురిలో ఒకడిగా కాక, ఒక్కడిగా అందరికీ సహాయ ఆదరణ కల్పించే, నిర్మల మనసున్న నిజాయతీ పరుడవు, నవ్య, భవ్య,దివ్య, అజాతశత్రువు, ఎంతచెప్పిన తక్కువే.

నాగురించి అంతచెప్ప నవసరం లేదు జీవనాడి కదలిక నాకు నీకు మేలుకొలుపు అయినా

వృక్షాలకు గాలిని చూస్తే భయం. కమలలాకు చంద్రుడిని చూస్తే భయం. పర్వతాలకు వజ్రాయుధం చూస్తే భయం. మంచివారికి దుష్టులను చూస్తే భయం.ప్రపంచంలో అన్నీ వస్తువులకు భయం ఉండనే ఉంటుంది కదా

దానికి నీ సమాధానం.

ఏమి చెప్పాలి జీవన సాహిత్యం, కవి గారి ఆలోచనలకు ఈ భయాలు అడ్డు రావులే

అంతేనా

అంతే కదా

........

నాలో నీవు... నీలో నేను....3

ఈడేడు కొండలను దాటాను ... ఏరువాక పున్నమినే చేరాను

ఏమి చెప్పా తెలియకున్నాను ... అంతా నీవే శ్రీ శ్రీ శ్రీ వేంకటేశా

నదులు గుట్టలు దాటి వచ్చాను .. వన్య మృగాలను కలిసి వచ్చాను

తల్లిదండ్రులకు సేవే చేసి వచ్చాను .. అంతా నీవే శ్రీ శ్రీ శ్రీ వేంకటేశా

ఘడియ ఘడియకు నీ నామ స్మరణను .. మనసు మనసున కష్టాన్ని చెప్తున్నాను

కాలనిర్ణయాన్ని బట్టి బ్రతుకు తున్నాను .. అంతా నీవే శ్రీ శ్రీ శ్రీ వేంకటేశా

ఇంద్రియ సుఖాలు వదల కున్నాను .. మంచి చెడులు గమనించ కున్నాను

సర్వుల సర్వార్థం తెలియకున్నాను ... అంతా నీవే శ్రీ శ్రీ శ్రీ వేంకటేశా

.......

స్నేహము వీడ కుండ మనసే మమతా సహనమ్ము మార్గమున్

ద్రోహము చేయకుండ సుఖ బోధల సర్వము సేవ లక్ష్యమున్

మోహము చేర కుండ మది మోక్షము పొందుట ధర్మమార్గమున్

దాహము తీర్చ నుండ సహవాసము శాంతికి ప్రేమ తత్త్వమున్

........

గుప్పెడంత గుండె శబ్దమే నాదని ... గుండె పదిలమవ్వలేక ఉన్నానని

అస్థిర బుద్ధి తో జవసత్వాలని ... సత్యం ఇది శ్రీ శ్రీ శ్రీ వేంకటేశా

బ్రతుకు ఊహారెక్కలు కట్టుకుని .. మధుర స్మృతుల్లో పంచుకొని

ఆనందపు హద్దులు కలుపుకొని ... సత్యం ఇది శ్రీ శ్రీ శ్రీ వేంకటేశా

గాజు బొమ్మ బ్రతుకు నాదని ... ప్రేమ కోసం బ్రతుకు తున్నానని

బంధాన్ని అల్లుకొని చిక్కానని .... సత్యం ఇది శ్రీ శ్రీ శ్రీ వేంకటేశా

ప్రేమంటే ఆశా హరి విల్లని ... భ్రమల్లో బ్రతికేస్తు ఉంటున్నాని

నిరాశ నిస్పృహ జీవితమే నని ... సత్యం ఇది శ్రీ శ్రీ వెంకటేశా

.......

సాధనే శోధనే సంబరం సంఘమై సాక్షిగా సాహసం సామరస్యమ్ముగా

బాధలే బాధ్యతే సుందరం బంధమై భాగ్యమే భారతీ బంధుతత్వమ్ముగా

పాదమే పూజలై వందనం ధ్యానమై పాశమై పార్వతీ

భక్తి భావమ్ముగా

వేదమే సత్యమే సుందరం మోక్షమై వేడిగా చల్లగా సేవలక్ష్యమ్ము గా

......

శంకరుం డే మనో మార్గమే గా విధీ సంతసమ్మే సుఖాలే జయమ్మేను గా

శంక టాలే తిరో భయ్యమై పొంగుటే సంభవమ్మే విశేషం వివాదమ్ము గా

 నాలోనీవు..... నీలో నేను....4

ఓం శ్రీ రామ.... శ్రీ మాత్రేనమః

అనంత గంభీర సముద్రం యొక్క పిలుపు, నృత్యం చేస్తూన్న జలం మీద నా నావ ఊగుతూ ప్రయాణం,

శబ్దఘోషలో అంతర ఆత్మ తెలపలేని స్థితి, అర్ధం పరమార్ధం చూడాలనుకున్న కళ్ళు నిల్వలేని స్థితి వయోభారకదలిక మచ్చరము లేని మనసు, హృదయ కళ్ళు తెలిపే ఆవేదన శ్రీ శ్రీ శ్రీ సీతా రామా నిన్నే చూస్తున్నాయి ఈ కళ్ళు, నీ దాసుని రక్షించే కళ్ళ కోసం వేచివున్న ఈ కళ్ళు.

కాంతి యొక్క మంజుల కూనరాగ కళ్ళు ... ఉజ్జ్వల ప్రభావ అంతరంగమ్ము కళ్ళు

పరవశంతో పరిభ్రమించేటి కళ్ళు ... రెప్ప రెక్కలు పుప్పొడి తోను కళ్ళు

గోచర పదాల స్వేచ్ఛగా గొప్ప కళ్ళు ... అడవిపక్షుల బాగుగా స్వేచ్ఛ కళ్ళు

అంత స్వేచ్ఛనాకు ప్రసాదించు కళ్ళు .... విరగబోసుకొని అగమ్య స్వేచ్ఛ కళ్ళు

దీవెనలూ నీప్రేమలు, భావనలూ మురిసిపోవు బాధ్యత క ళ్ళూ

నవనీత తెలుపు కన్నులు, నవరాగ మనసు నవవిధ నాట్యము కళ్ళూ

అవినా భావము పొందియు, సవినినయ మలుపులు వల్ల సఖ్యత కళ్ళూ

వివరాలు కధే ప్రేమా, వినయమ్ము మదీ విధియని వేడుక క ళ్ళూ

అడవిలో కార్చిచ్చుకు ఎంత స్వేచ్ఛ కళ్ళు ... చీకటిని చీల్చి చండాడే గీత కళ్ళు

ఉరుములో ఎంత స్వేచ్ఛ ఉరక కళ్ళు ... స్వేచ్ఛ నాకు ప్రసాదించు సమయ కళ్ళు

నీవు నన్ను పిలవగాను నీడ కళ్ళు ... సరికి నా గోడ నీడల క్రింద కళ్ళు

నీ పిలుపు చూడ వినబడలేని కళ్ళు ... సూర్యుడే బాగ మీదికి తెచ్చె కళ్ళు

మౌనం ఒక నిశ్శబ్దం, మౌన పరిష్కారం మోక్షము కళ్ళూ

మౌనం ఆలోచనలే, మౌనకథలుగా వినోద మోక్షము కళ్ళూ

నీ నయ నాల వెలుగులే, కనలేని మలుపు తలపే కధలే కళ్ళూ

మౌన సమానత కళలే, వాన చినుకులై మెరుపులు వలపే కళ్ళూ

ఓం శ్రీరామ.... శ్రీ మాత్రేనమః

ఓం శ్రీరామ.... శ్రీ మాత్రేనమః

ఓం శ్రీరామ.... శ్రీ మాత్రేనమః

--

కం. జయతాత్ .. హనుమంతసతము

జయమునొసంగుమ వరిష్ట సజ్జనతతికీన్

భయమునుఁబోగొట్టుమయా..

సుయమనియమపాల.. దేవ ..శూరకపీశా !!! "

----

****

నాలో నీవు... నీలో నేను.... (5)

సీస పద్య మాల

నిత్య శుభ కలశం నీడ లాభాన్విత  ...  సమ హృత్సరమ్ము గా సామ రస్య 

సుప్రవాళ స్మిత సుమధుర  వికసిత  ... నిత్య పుష్పోత్సవం నిర్మలమ్ము

ప్రభల ధవళ చంద్రికామృత ధరణియే ... విశ్వ విశ్వాసమై విజయ మేను

సర్వ సన్నద్దయు సఖ్యత లక్ష్యమై   ...  దాన మాన ప్రాణ ధర్మ నిరతి

వాస్త వానికి సుఖం ఆనంద తూకమై  ... కాల పురుష శోభ కాల గతియు 

కిరణ జాల స్నాత కరుణ వసంతము  .. గాన లోలుప పిక గమ్య మాయె

 కళలు చూత ఫలము, కామ్య జగతి లోన .. మంద‌ వాయు చలిత, మానసమ్ము 

కీచక నాట్యము కీ డెది రించుట    ... ప్రకృతి నా దోత్సవం ప్రభల గీత

ద్వార బంధ కలలు పాడు చేయును బుద్ధి  .. శుభ తోరణోత్సవం శుభపు శోభ 

బంధు జన కథలు భాగ్య మగుట యేను  ...  నవ హృదయోత్సవం నవ్య జగతి

షడ్ర సోపేత ఆహార మే పరిమళం  ... కుసుమ కోమలము యే కృపయు జూవు 

చంద నార్చిత దేహ చైతన్య భాష్యము ...  పవిత్ర భావోత్సవం ప్రగతి తీర్పు

 స్మరణ కళల తోను సర్వ మంగళ శోభ  ... క్లేశ భార మనక సేవ నిరతి 

స్వర్ణ మయ భావము సమయమ్ము తీర్పుగా  .. మంగళోత్తర మేను, మహిమ ఇదియు

దేశ శు భోత్సవం, ధర్మ మార్గ ప్రతిభ  .. పద సేవనో న్ముఖ పలుక రింపు

జన సమా జోత్సవం జాగృతి ప్రాభవం  ... భారతీ వాణియు బంధ శృతియు

 మానవ మూల్యము మాధుర్య బంధము ... విశ్వ జనుల కీర్తి విద్య ప్రతిభ

పరివార భావము పరి మళోత్సవ మేను  ..  భావ జాబ్ది గురువు భాగ్య మేను

ఈ తరంగోత్సవం ఈశ్వర భావమే  ... ఆత్మ జ్ఞాన నవ కేతన కళ

కాంతి పూర గమన కార్యది నోత్సవం! ... శోభకృత్ వత్సర శోభ కళలు

 

* కాల పురుష శోభ కవుల కావ్య జగతి  ...  మృధుల హావ భావ చరిత్ర మధుర మగుట

నూతనో జ్వల బంధ మే పూజ్య నీయ  ... త్యాగ నిరతి రోగ రహిత తత్వ జగతి

.....

శోభకృత్ నామ సంవత్సరం.... నాలో నీవు.... నీలోనేను 

ఓం ఆదిత్యాయనమః.

ప్రాంజలి ప్రభ...శుభోదయవందనాలు.

ఆదిత్యహృదయం.

వ్యోమనాథస్తమోభేదీ ఋగ్యజుఃసామపారగః

ఘనవృష్టిరపాం మిత్రో వింధ్యవీథీ ప్లవంగమః

ఆకాశానికి అధిపతి అగుటవలన, అతనికి వ్యోమనాధుడనే పేరు వచ్చింది. చీకటిని చీల్చుకొని వేదత్రయాన్ని (ఋగ్వేద, యజుర్వేద, సామవెదములు) త్రిలోకాలకు వినిపిస్తూ, మేఘాలను మెరిపిస్తూ వర్షాన్ని కురిపిస్తూ, నీళ్ళతో చెలిమి కలిగి, దక్షిణాయనంలో వింధ్యాచలం మీద సంచరించువాడు.

***

నాలో నీవు... నీలో నేను... (6)

*****************************

నేటి నా పాట పాట సంఖ్య:-

******************************

రచన:మల్లాప్రగడ రామకృష్ణ 

28/03/2023.g

****************

పాట సందర్భంపై నా విశ్లేషణ.

***************************

ప్రేమికులైనా సంసారులైనా  ప్రేమావేశం భావావేశం

భావవ్యక్తీకరణ లో ఇద్దరిది ఒకేదారైతే

అదో అధ్భుత కావ్యంలా వారి  పయనం

నిలిచి పోతుంది..

వనిత నిత్య నూతన కళావతియు సరిత

ఘనతల కళలు అవిశ్రాంత గమ్య భవిత

అలను పోలిన కదలిక ఆశ చరిత

వైభవ మదిగా అనుభూతి విద్య మమత

ఆమెలో 

చిలిపి తనం కొంటెతనం పువ్వుల్లా మదిలో పూసి

చతురోక్తుల సంభాషణలు  గుభాళిస్తు ప్రతి విషయాన్ని పట్టుదల గా తీసుకుంటు సుందరమయంగా మార్చుకుంటే

 ఆ జంట   ఒద్దికతనం అమోఘమైన  నవ్యతను సంతరించుకొని తమ చుట్టు సరదాల ప్రపంచాన్ని సృష్టించుకోగలరనే  స్ఫూర్తి తో  సాగే  ఓ  జంట పట్టుదల గా సాగుతు పాడుతున్న పాట..

****************************************

పల్లవి:-

*******

ఓ మందహాస మృధుస్వభావా 

ఈ అందచందం  నీ సొంతం చేసుకోవా

ఎదురుచూపులు మార్చి ముద్దు చేయవా 

చీకటివేళ వసంతం కురిపించవా 

వెన్నెల చీరతోనున్న అందాలు పరికించవా 

ఓ మందహాస మృధుస్వభావా 

ఈ అందచందం  నీ సొంతం చేసుకోవా

చరణం:-

********

చుక్కల చీర చక్కనమ్మ నై యున్నాను 

ఎర్రగా బుర్రగా ఊరిస్తున్నాను

రంభా ఊర్వశి మేనక మించి యున్నాను 

కౌగిలింతకు నలిగి పోవాలని యున్నాను 

ఆకు వక్క సున్నం కలిపిన కిల్లీ నౌతాను 

నీ సాయం తోటి సంసారం చేస్తాను

గంపెడు పిల్లలను కనిపెట్టి

 నీ వంశాభివృద్దిని చేస్తాను

పల్లవి:-

మందహాస మృధుస్వభావా 

ఈ అందచందం  నీ సొంతం చేసుకోవా

అతడు 

సృష్టినివిభజించు కొనుచు శృతిలయలగు

దృష్టి మార్చక గుణమును దృతి మతి గతి

కుమతులకు శిక్షణము రక్ష కుశలమేను 

సుమతి సత్కార్మచరణాలు పుడమి నీవు 

చరణం:-

*********

జంట గూడు లో గువ్వనౌతాను  

ఈడు తోడుతో సుఖము నిస్తాను 

మనసుల్లోన ప్రేమ నౌతాను 

వయసు గీతం  హరివిల్లు నౌతాను 

రంగుల వానలో తడిసి పోయి 

తపనల వీణతో కలిసి శృతి  కలప గలుగు తాను

అంతలో ఆమె 

మువ్వలు కట్టి నవ్వులు పంచే నీ నాగమల్లి ని 

ప్రేమ ప్రేమంటూ  గిర్రుగిర్రున నీ చుట్టు తిరుగుతుంటే

మల్లెపువ్వుని 

శిగలో చేరింది మంచి గంధమని 

కిక్కిచ్చి యవ్వన సార్వభామణినేను

బ్రతుకులో బంగారమై మెరిసి పోతాను 

పగలురాత్రి పండగగా మారిపో తాను

పరువాలన్ని పంచ గలుగుతాను 

రెచ్చి పోకుమా రెచ్చి పోకుమా.....

ఇద్దరూ కలసి

ఆమె....సతతమే ఇంతి సుఖశాంతి సంతసమ్ము ..2

అతడు...హితము గా నుండి సూర్యలా వెల్గు నింపి..2

ఆమె....మ్మతిగ శాంతిని గరచుచూ మాయ మాపి...2

అతడు....పతిగ నిత్యసుఖము నిచ్చు పరిమళమ్ము..2

----

 పల్లవి:-

*********

మందహాస మృధుస్వభావా 

ఈ అందచందం  నీ సొంతం చేసుకోవా

ఎదురుచూపులు మార్చి ముద్దు చేయవా 

చీకటివేళ వసంతం కురిపించవా

వెన్నెల చీరతోనున్న అందాలు పరికించవా

ఓ మందహాస మృధుస్వభావా 

**********************************

నాలో నీవు... నీలో నేను..... (7)

కనుచూపు మేరలో ఆదుకొనే అమ్మ, అలుపెరగని "ఆశ్స్రి  త స్త్రీ " జీవితం ఓ మైనపు బొమ్మ, వెలుగు నిచ్చి కరిగే నమ్మ, చీకటిని తరిమే దిమ్మ, ఆమె నిత్యమూ బాంగారు కొమ్మ, నయనాల పిలుపుతో నటించదమ్మా,

కదులు మొగ్గల, కన్నీరు, పువ్వులు, మోయాలని భరించే కాయలమ్మ, ఓర్పు, ఓదార్పు  చూపి, సకలమ్ము తృప్తి పరిచేనమ్మ, సేవలుచేసి నిత్యమూ సేవ నిర్మలమ్మా.

కష్టాలన్నీ తుమ్మముళ్ళ రెమ్మ, ఆశలు, ఆశయాలతో నుండె మంచు  బొమ్మ, నవ్వి, నవ్వించి, నవ్వుల బొమ్మ, నటనే తెలియని అమ్మ, నవనీత మందించి గాలిలో వెన్నెలమ్మ,

కళ్ళల్లో జరిగేను కన్నీటి చెమ్మ, మనసు విప్పి చెప్పుకోలేని ప్రేమమ్మా.

అవస్థలు ఆశ అరుగుల దిమ్మ, ఆర్ధిక సంపదకు మూల మమ్మ,మచ్చలేని మహిమను చూపు ఆదుకొనే నమ్మ,

ఆత్మీయత తోలుతిత్తులే నమ్మ, ఆదుకోలేని దైన ఆత్మ తృప్తి పరచు నమ్మా.

దిన దినం మహా ప్రయాసలమ్మ, విషయ వాంఛలకు నలిగితి వమ్మ, రక్తాన్ని పంచి రక్షించితివమ్మ, బాధ 

ఈసడింపు, తిరస్కార దినచర్యలన్నీ కుదుపులే కదమ్మ, 

అయినా మానవత్వాన్ని నిలిపెనమ్మా.

సుఖభోజనం నందించే నిపునత అమ్మ, సమస్యలను పరిష్కారీ అమ్మ, రాజ్య నీతి తెలిపే నమ్మ,

వంశోద్ధారకత వల అలల తుమ్మ, గానం తో ఊయల్లా 

ఆశలతో విషన్న వదనం వింత వర్ణ మేనమ్మ, 

ప్రేమతో బ్రతికించు మా ప్రేమమ్మా. మాముగన్న మా పెద్దమ్మ, మాఇలవేల్పు నీవే గదమ్మా 

         ********

చూపుల చూపై తోచెడి   ...  రూపములకు రూప మదియె  రూపము గాకే

 దా పై లోపల వెలుపల  ...  గావగ  పరిపూర్ణ శక్తి గనవలె ప్రేమా

జాతియు నీతియు వేరను   ..  ఖ్యాతి కొరకు నే కదలుచు కాయము ప్రేమా

 మతియే బీతికి చెందక   ..  గతిగా కాలము సుఖము యు గళమే ప్రేమా

పరిగిన గాలి నభంబున   .. నెరయంగా భూమి యందు నీరుండ గదా

దరిదాపుల వేరొక్కటి    .. ఇరువురు సఖ్యత యె మిట్లె  ఇష్టము ప్రేమా

చూపుల కళయిక చిత్రము  .. చూపర భావ మదిలోన సూత్రము ప్రేమా

దాపుల సుఖమును పొందుట  ... ఓపికగా కథ సలుపుట ఓర్పున ప్రేమా 

పికము వనములో పలికిన  ... ఏక ప్రాజ్ఞ వనిత కళ ఏకము పలుకే

కాకుల కూత కరసవుటె    ...  ఏకులు మేకులు అయిన ఎల్లల ప్రేమా

కనుచాటు తెప్పకాగురి   ... మననంబునజేరి నొక్కి మార్కొని నంతన్

వినుచుండు ప్రణవరవమును  ... గనిదాటున నిర్గుణంబు గతి యగు ప్రేమా 

స్థనముల బిగువులు ఆస్థిర  ... వనముల పెరిగిన విధమగు వేడుక కాగా

తనమన చూడని వనితయు ... తణువే తపనల పిలుపుల పానుపు ప్రేమా

గుండెల్లో నిను నుంచితి   .. వీడియు నిను మరువలేను విశ్వ చెరిత మున్

మండే గుండే మార్చుము   .. అండగ నుండుము మనసున వనితా ప్రేమా 

కదలక మదినిల్పి కదిసి   ... నిదుర సుఖము యగుట నేర్పు నియమము ప్రేమా

కధలను తెల్పిన కదలక  ... నిధియగు బ్రతుకున విలువలు  నిజమే ప్రేమా

చంద్రికా పద్యం - పంచపాది  

ప్రకృతి ధర్మమేను ప్రగతి మార్గమేను పడతి ఆశ తీరు 

ప్రకృతి సత్యమేను ప్రతిభ చూపు దారి సూర్యవెలుగు మారు   

ప్రకృతి విద్య యేను పగలు రెయ్ సుఖము పుడమి కోర్క తీరు

 ప్రకృతి అమ్మ మాట ప్రధమ దీవెనయే ఓర్పు నేర్పు కోరు 

ప్రకృతి చెలిమిగాను ప్రణతి నాదంగా మనిషి ఓర్పు నేర్పు ఈశ్వరా

****

****************************

నేటి నా పాట పాట సంఖ్య:- నాలో నీవు... నీలో నేను...

*****************************

రచన:- మల్లాప్రగడ రామకృష్ణ

29/03/2023.

**************

పాట సందర్భంపై నా విశ్లేషణ.

****************************

నాయకుల వెంట పాడే పాట

అర్థమైనాక ఇష్టమేర్పడి ప్రేమ పుట్టి తన ఆలోచనలే లోకమై గతం గుర్తు చేసుకుంటు పాడుకొనే వర్తమానానికి వర్తింపచేసుకుంటు దేశంకోసం పాటుపడేవాడ్ని తలుస్తూ....

******************************************

పల్లవి:-

*******

మనసున్న వాడా, మనసులో

నున్న వాడా, మారాజ్యాన్ని ఎలినోడా, మమ్ము ఉద్దరించటానికి మళ్ళీ గెలుపు కోసం వచ్చినోడా

చేసిన సహాయల తో మాలో ప్రేమ వేడి పుట్టించి నోడా, అందరికి అన్న, తెలుగుకన్న తల్లీ తెలుగోడా

దేశ ప్రగతికి తోడ్పడిన వాడా

ఏ ఎండకు ఆ గొడుగు పట్టేవాడా

ప్రజల మనసునే కాజేసినోడా !!

జోలె కట్టి ఓట్లను కొల్లగొట్టినోడా

వయసు నాడి తలపు తీపిని

రుచి చూపించినోడా

మనసున్న వాడా, మనసులో

నున్న వాడా, మారాజ్యాన్ని ఎలినోడా, మమ్ము ఉద్దరించటానికి మళ్ళీ గెలుపు కోసం వచ్చినోడా

హుహుహు హుహుహు హాహహాహా హా...హా... హా..

చరణం:-

********

పల్లె బాట చేరుకొని

తియ్యదనమంతా మాటాల్లో చెప్పుకొని

ధనిక, బీద, కుల మతాల కతీతంగా కలుపుకొని

ఉన్న ధనమును ధారపోసి, ఓట్ల కోసం, వీధి వీధి తిరుగు తున్నావని

మరొక్కసారి నిన్నె గెలిపిస్తాము తెలుగోడా

""మనసున్న వాడా, మనసులో

నున్న వాడా, మారాజ్యాన్ని ఎలినోడా, మమ్ము ఉద్దరించటానికి మళ్ళీ గెలుపు కోసం వచ్చినోడా""

సన్నాయి రాగంతో, సంసార గీతం

సంతృప్తి పల్లవిలో,

అనుభవాల పాఠాలు చరణాలలో,

వాగ్దాణాలు వళ్ళించుటలో,

నాగరాభివృద్ధికి తోడ్పాటులో,

ఓర్పు, ఓదార్పు చూపుటలో,

ప్రజల నాడి తెలిసిన తెలుగోడా

"మనసున్న వాడా, మనసులో

నున్న వాడా, మారాజ్యాన్ని ఎలినోడా, మమ్ము ఉద్దరించటానికి మళ్ళీ గెలుపు కోసం వచ్చినోడా""

హుహుహు హుహుహు హాహహాహా హా...హా... హా..

పల్లవి:-

****

చరణం:-

********

రాజకీయ సూత్రధారుడా, ఆదరించుటలో ఆత్మబంధువుడా

రౌడీగాళ్ళను, మోసగాళ్ళను దరి చేర నియ్యని వాడా,

దడదడ లాడించి దుస్టుల

తాట తీసి దరువేసినోడా,

కొండల రాయుని నమ్మినవాడా,

చల్లని చూపులు రువ్వినోడా,

ధరణిలో ధర్మాన్ని నిలిపేవాడా,

పదవి పైన ఆస లేని వాడా

మనుషుల్లో దేవుడై ఉన్న వాడా

పిల్లలకు చదువు నేర్పి నోడా

ఉద్యోగాలు కల్పించి నోడా

తెలుగమ్మ కన్న తెలుగోడా

పల్లవి:-

*******

మనసున్న వాడా, మనసులో

నున్న వాడా, మారాజ్యాన్ని ఎలినోడా, మమ్ము ఉద్దరించటానికి మళ్ళీ గెలుపు కోసం వచ్చినోడా""

హుహుహు హుహుహు హాహహాహా హా...హా... హా..

**************************************

****

నాలో నీవు .... నీలో నేను   (9) 

విఘ్న గణపతి నీవుయే వినతి మదియు

విఘ్నములు మాపి శుభదిన విజయమిమ్ము

సకల సంపద తోడుగా సమయ మిమ్ము

శంభు సుతడువయ్యా మాలొ శంక తీర్చు

అలా విఘ్నేశ్వరుని ప్రార్ధన చేస్తూ 

 

ఆత్మీయతకోసం అలమటించి, ఆదరణ కోసం ఆరాటపడి, ఆత్మపరిశీలనకు వెంపర్లాడి, ఆనందానికి దారులు వెతుక్కొని, ఆశయసాధనకు దృఢసంకల్పం తో, విశ్వాసముంచి,        

తెలుపుతున్నా 

"నీది కానిది దానము నీ దగదులె    .....  మంచి చెయ్యాలని తలపు మనసు పదవి

బిక్ష మిచ్చినా చదువుయే ఇష్ట మవదు .. చేసి చెప్పిన రాజ్యము చేరు వగుట "

కరుణతో కరిగిపోయే, కాలాన్ని అర్ధం చేసుకోలేక, కన్నవారిని ఆదుకుంటూ, ఉన్నవారిని పోషించుకుంటూ, కలలు వచ్చిన కళలను నిగ్రహముగా అమలు పరుచుకుంటూ, సున్నిత రూపమేదో, నన్ను వెంబడించిన నేను మారక జీవిస్తున్నాను.   

"ఎంత చెప్పినా తక్కువే యదన నున్న ... దేవుని కరుణ అందరి దగుట తెలుగు

దేశ మందు స్థిరము గున్న తెగువ జూపి  ... మనుషులందరి ఆరాధ్య మనిషి రామ"

      

ఆవేశంతో, అలజడి సృష్టించేవారితో వున్నా, ఆనందాన్ని వదులుకోలేను, ఏది జరిగిన ఎవ్వరికి వినిపిన్చుకోలేను, తప్పుని సమర్ధించ లేను, ఒప్పును చెప్పలేను.     

" గురువు లేనివిద్యయు గుంపు గుణము చేర్చు  ... పరువు పోవు నన్న బ్రతుకు ప్రతిభ మార్పు

తరువు వల్లె నిత్య ఫలము తీరు కూర్పు   ....     కరువు బరువైన కథలుగా కలల తీర్పు"

ఉల్లాసంతో ఉరకలు వేసే అలౌకిక ఆనందమే మేధో  అయినా ఆవేదనతో అంతర్మదనంచెందే

ఈ జన్మసార్ధకథ ఏమిటో నాకు. ఎవ్వరికి అర్ధ కాలేదు.  

"మల్లెల పరిమళం చేరి మనసు కుదుపు   .... చల్లని సలప రింతగా చలవ చేయు

మెల్లని మలుపు తలపుల మేలు పూలు     .... కల్లలే కావు నిజముయే కథలు కావు"

పరిస్థితులకు  ప్రభావితమై పరుగులు తీసినా, పరితపించే మనిషి 

మాదోన్మమత్తులో వూగి వికృతచర్యలు చేసే సృష్టి విలయతాండవం చేస్తుందని, 

కు కవులంత జేరి రాజ్యము కుళ్ళు తెల్ప   ... నొకరి ఘనత తప్పొప్పులు నొకరు చెప్ప

బ్రజల కేమిఫలము నిచ్చు భజన తీరు     ... జరుగ కాలతీర్పు ఇదియు జాప్య మేల

స్వార్థప్రయోజనాలకై, ప్రలోభాలకు లొంగిపోయే, వివేకంతో ఆత్మపరిశీలన చేసుకోవాలని

జీవప్రయోజనమే లక్ష్యంగా, కృషీవరుడై పయనించే, విజయసాధన ధ్యేయంగా

విషయపరిజ్ఞానం  సమపార్జించితి 

దుష్ట శక్తులు పొంచిన దూర్తు డవకు   ... కష్ట పడిన ఫలము ఎంచ కోర వద్దు

నష్ట మైన సమయు మందు నటన వద్దు ... ఇష్ట మున్న లేకున్నను ఈశ్వరేచ్ఛ

స్వార్థరహిత, శాంతియుత ప్రపంచరూపకల్పనకై తపనపడే, అ మహోన్నత విశ్వజగతిని నీ విజ్ఞానంతో ఆవిష్కరించితి ....

" ఎండ గాలులు వదలక ఎల్ల వేళ      ..  భగ భగ మనుచు భానుడు పలక రింపు

దాహ తృప్తిగా జలమునే దాచ నెంచ   ... మల్లె పూల ఘుబాలింపు మనకు నిచ్చె"

మీ కవిత అర్ధం అయినట్లు అర్ధం కానట్లు అనుకుంటే మీ అదృష్టం, ఎవ్వరు మేధావులు కారు, 

ఆలోచనలు ఎవరి ఇష్టం వారధి కదా 

" ఒక్కరొక్కరి టక్కరి రోరి యనిరి  ... మొక్కిరి సిరి కోరి బికారి మెక్కిరి సిరి

చెక్కిరి వరి నారు కక్కిరి చుక్క చేరి  ... వెక్కిరింపు గడసరి యే వెర్రి మొర్రి

****