Wednesday, 10 November 2021

01-04-2023

 


 01-04-2023 నీతి కథ  
తన చివరి శ్వాసను విడుస్తున్న , జటాయువు నేను రావణుడితో గెలవలేనని నాకు తెలుసు, అయినా కానీ నేను పోరాడాను. నేను పోరాడకపోతే, రాబోయే తరాలవారు నన్ను పిరికి వాడు అని అనుకుంటారు.
రావణుడు జటాయువు రెండు రెక్కలను తెంచినప్పుడు. అప్పుడు  మృత్యువు వచ్చింది మరియు మృత్యువుకు సవాలు విసిరాడు

"జాగ్రత్త! ఓ మృత్యువా ! ముందుకు రావడానికి సాహసం చేయద్దు. నేను ఎప్పటివరుకు మరణాన్ని అంగీకరించనో, అప్పటి వరకు నువ్వు నన్ను తాకవద్దు. నేను సీత మాత యొక్క సమాచారం  ప్రభు" శ్రీరాముడి"కి చెప్పనంత వరకు నా వద్దకు రావద్దు అన్నాడు! మరణం జటాయువు తాకలేకపోతోంది, అది నిలబడి   వణుకుతూనే ఉంది.
మరణం అప్పటివరకు కదలకుండా నిల్చునే వుంది, వణుకుతూనే ఉంది. ఇది  కోరుకోగానే చనిపోయే వరం జటాయువుకి వచ్చింది.

కానీ మహాభారతానికి చెందిన భీష్మ పితామహుడు  ఆరు నెలలు బాణాల అంపశయ్య మీద పడుకుని మరణం కోసం ఎదురు చూశాడు. అతని కళ్ళలో కన్నీళ్ళు. ఏడుస్తూవున్నాడు. కానీ భగవంతుడు మనస్సులో తనకి తాను  చిరునవ్వుతున్నారు!

ఈ దృశ్యం చాలా అలౌకికమైనది. రామాయణంలో, జటాయువు శ్రీరాముడి  ఒడిలో పడుకున్నాడు. ప్రభు "శ్రీరామ్" ఏడుస్తున్నాడు మరియు జటాయువు చిరునవ్వు నవ్వుతున్నాడు.

అక్కడ మహాభారతంలో, భీష్మ పితామహుడు  ఏడుస్తున్నాడు మరియు "శ్రీ కృష్ణుడు" చిరునవ్వు నవ్వుతున్నాడు. తేడా ఉందా లేదా?

అదే సమయంలో , జటాయువుకు ప్రభువు "శ్రీరాముడి" ఒడి పాన్పుగా  అయింది. కాని భీష్మపితామహుడు  చనిపోయేటప్పుడు బాణం పాన్పుగా అయింది!

జటాయువు తన కర్మ బలం ద్వారా ప్రభు "శ్రీరాముడి" యొక్క ఒడి లో ప్రాణ త్యాగం చేసాదు.

జటాయువు ప్రభు శ్రీరాముడి శరణులోకి చేరాడు. మరియు బాణాలపై భీష్మపితామహుడు  ఏడుస్తున్నాడు.ఇంత తేడా ఎందుకు? 

ఇంతటి తేడా ఏమిటంటే, ద్రౌపది ప్రతిష్టను నిండు సభలో  పరువు తీస్తున్నా భీష్మ పితామహుడు  చూశాడు. అడ్డుకోలేకపోయాడు!

దుశ్శాసనుడుకు  ధైర్యం ఇచ్చారు. దుర్యోధనుడి కి 

02-04-2023
     సూక్ష్మశరీరం 17 అంగాలతో కూడుకొని యున్నది. అవే పంచప్రాణాలు, మనోబుద్ధులు - దశేంద్రియాలు.  19 అని కూడా చెబుతారు. అక్కడ మనోబుద్ధులతో పాటు చిత్తం - అహంకారం చెప్పబడతాయి. ఈ సూక్ష్మశరీరాన్నే లింగశరీరం అంటారు. సూక్ష్మశరీరం కంటికి కనిపించేది కాదు. ఇది పంచీకరణం చెందని పంచమహాభూతాలనుండి ఏర్పడినది. అవే తన్మాత్రలు. అవి సూక్ష్మం గనుక కంటికి కనిపించవు. పంచీకరణం చెందితేనే స్ధూలమవుతాయి. కనుకనే సూక్ష్మభూతాల నుండి ఏర్పడిన సూక్ష్మశరీరం కంటికి కనిపించదు. స్ధూలభూతాల నుండి ఏర్పడిన స్ధూలశరీరం కంటికి కనిపిస్తుంది.
   
మానవుని యొక్క ప్రవర్తన అంతా ఈ సూక్ష్మశరీరం మీదనే ఆధారపడియుంటుంది. ఈ సూక్ష్మశరీరంలోనే వాసనల సముదాయం ఉండేది. ఆ వాసనలకు అనుగుణంగా స్ధూలశరీరం పనిచేస్తూ ఉంటుంది. జాగ్రదావస్ధలో స్ధూల, సూక్ష్మ శరీరాలు రెండూ చైతన్యవంతమై ఉంటాయి. సూక్ష్మ శరీరం ఇచ్చే ఆజ్ఞను స్ధూలశరీరం అమలు చేస్తూ ఉంటుంది.  సూక్ష్మశరీరంలో కలిగిన కోరికలకు, ఆలోచనలకు, సంకల్పాలకు అనుగుణంగా స్ధూలశరీరం అటుఇటు తిరుగుతుంది, తింటుంది, పనిచేస్తుంది, పడుకుంటుంది, చూస్తుంది, వింటుంది, మాట్లాడుతుంది, పోట్లాడుతుంది..... అన్నీ చేస్తుంది. అదే స్వప్నావస్ధలో అయితే స్ధూలశరీరం ఎరుక ఉండదు. ఒక్క సూక్ష్మశరీరమే చైతన్యవంతమై ఉంటుంది. మనస్సులో అణగద్రొక్కబడ్డ ఆలోచనలు, కోరికలు, సంకల్పాలు అక్కడ ఒక రూపాన్ని సంతరింపజేసుకొని సంతృప్తి చెందుతూ ఉంటాయి. మనస్సే ప్రపంచాన్ని సృష్టించుకొని, అందులో తనకు ఒక రూపాన్ని సృష్టించుకొని, సుఖదు:ఖాది అనుభవాలు పొందుతూ ఉంటుంది. ఆత్మచైతన్యం జాగ్రదావస్ధలో సూక్ష్మశరీరాన్ని ప్రకాశింపజేసి, తద్వారా స్ధూలశరీరం పనిచేసేటట్లు చేస్తుంది. అదే స్వప్నావస్ధలో కేవలం సూక్ష్మశరీరానికే పరిమితమై స్ధూలశరీరం కదలక మెదలక ఉన్నా అన్ని అనుభవాలు కలుగుతుంటాయి.
--(())--

03-04-2023

తన చివరి శ్వాసను విడుస్తున్న , జటాయువు నేను రావణుడితో గెలవలేనని నాకు తెలుసు, అయినా కానీ నేను పోరాడాను. నేను పోరాడకపోతే, రాబోయే తరాలవారు నన్ను పిరికి వాడు అని అనుకుంటారు.

రావణుడు జటాయువు రెండు రెక్కలను తెంచినప్పుడు. అప్పుడు  మృత్యువు వచ్చింది మరియు మృత్యువుకు సవాలు విసిరాడు
"జాగ్రత్త! ఓ మృత్యువా ! ముందుకు రావడానికి సాహసం చేయద్దు. నేను ఎప్పటివరుకు మరణాన్ని అంగీకరించనో, అప్పటి వరకు నువ్వు నన్ను తాకవద్దు. నేను సీత మాత యొక్క సమాచారం  ప్రభు" శ్రీరాముడి"కి చెప్పనంత వరకు నా వద్దకు రావద్దు అన్నాడు! మరణం జటాయువు తాకలేకపోతోంది, అది నిలబడి   వణుకుతూనే ఉంది.
మరణం అప్పటివరకు కదలకుండా నిల్చునే వుంది, వణుకుతూనే ఉంది. ఇది  కోరుకోగానే చనిపోయే వరం జటాయువుకి వచ్చింది.

కానీ మహాభారతానికి చెందిన భీష్మ పితామహుడు  ఆరు నెలలు బాణాల అంపశయ్య మీద పడుకుని మరణం కోసం ఎదురు చూశాడు. అతని కళ్ళలో కన్నీళ్ళు. ఏడుస్తూవున్నాడు. కానీ భగవంతుడు మనస్సులో తనకి తాను  చిరునవ్వుతున్నారు!

ఈ దృశ్యం చాలా అలౌకికమైనది. రామాయణంలో, జటాయువు శ్రీరాముడి  ఒడిలో పడుకున్నాడు. ప్రభు "శ్రీరామ్" ఏడుస్తున్నాడు మరియు జటాయువు చిరునవ్వు నవ్వుతున్నాడు.
అక్కడ మహాభారతంలో, భీష్మ పితామహుడు  ఏడుస్తున్నాడు మరియు "శ్రీ కృష్ణుడు" చిరునవ్వు నవ్వుతున్నాడు. తేడా ఉందా లేదా?

అదే సమయంలో , జటాయువుకు ప్రభువు "శ్రీరాముడి" ఒడి పాన్పుగా  అయింది. కాని భీష్మపితామహుడు  చనిపోయేటప్పుడు బాణం పాన్పుగా అయింది!
జటాయువు తన కర్మ బలం ద్వారా ప్రభు "శ్రీరాముడి" యొక్క ఒడి లో ప్రాణ త్యాగం చేసాదు.
జటాయువు ప్రభు శ్రీరాముడి శరణులోకి చేరాడు. మరియు బాణాలపై భీష్మపితామహుడు  ఏడుస్తున్నాడు.ఇంత తేడా ఎందుకు? 

ఇంతటి తేడా ఏమిటంటే, ద్రౌపది ప్రతిష్టను నిండు సభలో  పరువు తీస్తున్నా భీష్మ పితామహుడు  చూశాడు. అడ్డుకోలేకపోయాడు!
దుశ్శాసనుడుకు  ధైర్యం ఇచ్చారు. దుర్యోధనుడి కి అవకాశం ఇచ్చాడు కాని ద్రౌపది ఏడుస్తూనే ఉంది. ఏడుస్తూ, అరుస్తూ,అరుస్తూవున్నా సరే భీష్మ పితామహుడు తల వంచుకునే వున్నాడు. ద్రౌపదిని రక్షించలేదు.

దీని ఫలితం ఏమిటంటే, మరణం కోరుకున్నప్పుడే  వరం వచ్చిన తరువాత కూడా, బాణాల అంపశయ్య దొరికింది.
జటాయువు స్త్రీని సన్మానించాడు. తన ప్రాణాన్ని త్యాగం చేశాడు, కాబట్టి చనిపోతున్నప్పుడు, అతనికి ప్రభు “శ్రీరాముడి” ఒడి అనే పాన్పు లభించింది!

ఇతరులుకు తప్పు జరిగిందని చూసి  కూడా ఎవరు కళ్ళు తిప్పు కుంటారో,  వారి గతి భీష్ముడిలా అవుతుంది. ఎవరైతే ఫలితం తెలిసినప్పటికీ, ఇతరుల కోసం పోరాడుతారో వారు, మహాత్మ జటాయువులా కీర్తి సంపాదిస్తారు .

"నిజం అనేది  కలత చెందుతుంది, కానీ ఓడిపోదు ."

"సత్యమేవ జయతే "
.....
05-04-2023 ప్రాంజలి ప్రభ అంతర్జాల పత్రిక 
💐💐వాస్తు దోషాలను తొలగించే గోరింటాకు మొక్క?!💐💐💐
గోరింటాకు మొక్క వాస్తు దోషాలను తొలగిస్తుందట. గోరింటాకు మొక్క ఇంట్లో వుంటే.. శ్రీ మహాలక్ష్మీ దేవి అనుగ్రహం లభిస్తుందని ఆధ్యాత్మిక పండితులు చెప్తున్నారు. గోరింటాకు మొక్క శ్రీ మహాలక్ష్మీదేవి అంశమని పండితులు అంటున్నారు. ఏ ఇంట గోరింటాకు మొక్క వుంటుందో ఆ ఇంట్లో దుష్ట శక్తులు వుండవు. కారణం గోరింటాకు మొక్కకు వున్న వాసన.
ఈ వాసన కొన్ని రకాల పురుగులను చంపేస్తుంది. గోరింటాకు మొక్కను ఇంట్లో వుంచడం ద్వారా క్షుద్ర శక్తులు కూడా నశిస్తాయని పండితుల వాక్కు. గోరింటాకు మొక్కను ఇంట్లో నాటి శుక్రవారం పూట సాంబ్రాణితో ధూపం వేయడం ద్వారా.. ఆ వాసనకు కంటికి తెలియని క్రిములు తొలగిపోతాయి
దుష్ట శక్తులు తొలగిపోతాయి. ముఖ్యంగా గోరింటాకు గింజలతో సాంబ్రాణి ధూపం వేస్తే.. ఆ ఇంట మహాలక్ష్మీ అనుగ్రహం లభిస్తుంది.
ముఖ్యంగా వాస్తు దోషాలను గోరింటాకు మొక్క తొలగిస్తుంది. వాస్తు దోషాలను గోరింటాకు మొక్క తొలగిస్తుందని వాస్తు నిపుణులు చెప్తున్నారు. ముఖ్యంగా అద్దె ఇళ్ళల్లో వుండేవారు ఇంటి ముందు తులసి మొక్క, గోరింటాకు మొక్కను నాటడం ద్వారా వాస్తు దోషాలు తొలగిపోతాయి.
ఇంకా వాస్తు దోషాలను తొలగించుకునేందుకు గోరింటాకు మొక్కను తప్పకుండా నాటాలని.. అలా కుదరకపోతే.. పూల తొట్టెలోనైనా గోరింటాకు మొక్కను పెంచడం మంచి ఫలితాలను ఇస్తుందని వాస్తు నిపుణులు సూచిస్తున్నారు.
కామెంట్స్

ప్రాంజలి ప్రభ అంతర్జాల పత్రిక 

ఇది ఒక వాస్తవంగా జరిగిన కథ. దయచేసి సాంతం  చదవగలరు ......

" అక్కా! నీతో ముఖ్యమైన విషయం మాట్లాడాలి. ఇలా కూర్చో." చిన్నకోడలు  పెద్దకోడలితో అంది.

" ఏమైంది? అలా దిగులుగా ఉన్నావు. విషయమేంటి? " అని అడిగింది పెద్దకోడలు.

" ఏమీ లేదు. గుండె జబ్బుతో అత్తయ్య చనిపోయి 5 సంవత్సరాలు అయింది కదా. అప్పట్లో  మామయ్యను అత్తగారే చూసుకునేవారు. ఇప్పుడు మనమే అన్నీ చేస్తున్నాము.  మనకూ  పిల్లలు, సంసారం ఉన్నాయి. మామగారినిఎన్ని రోజులని చూడగలం. అందుకని నేను ఒక నిర్ణయానికి వచ్చాను అంది చిన్నకోడలు. " ఏంటది అడిగింది పెద్దకోడలు.

మనమిద్దరం మన భర్తలను ఎలాగైనా ఒప్పించి మామగారిని ఆశ్రమంలో
చేర్పిద్దాం. అక్కడైతే మామగారికి అన్ని సౌకర్యాలు ఉంటాయి. ఈ వయస్సులో ప్రశాంతంగా  ఉండే అవకాశం ఉంటుంది. ఈ రెండు ఇళ్ళల్లో చెరొక ఇంట్లో మనం మన పిల్లలతో హయిగా ఉండవచ్చు అనింది  చిన్నకోడలు.

" దీనికి మన భర్తలు ఒప్పుకుంటారా? నాకైతే నమ్మకంలేదు." అంది పెద్దకోడలు. మనం ఏదో ఒకటి చేసి ఒప్పించాలి. ప్రయత్నిద్దాం అంది చిన్నకోడలు.

ఇద్దరూ విషయాన్ని తమ భర్తలతో చెప్పారు. వారు తండ్రిని ఆశ్రమంలో చేర్చడానికి ఒప్పుకోలేదు. తల్లి లేకపోయినా తండ్రిని తమ వద్దే ఉంచుకుని చూసుకోవలని వారి ఉద్దేశ్యం. 

కానీ రోజూ భార్యల నస భరించలేక ఇద్దరు కొడుకులు తండ్రితో ఇలా చెప్పారు. " నాన్నా! ఈ పిల్లల గొడవతో మీకు సమయానికి ఏవీ అందించలేక పోతున్నాం.

మీకు కూడా వయస్సు అయింది. అమ్మ ఉన్నప్పుడు అన్నీ దగ్గరుండి చూసుకునేది. దగ్గరిలోనే మంచి ఆశ్రమం ఉంది. మిమ్మల్ని అక్కడ

చేరుద్దామని అనుకుంటున్నాము. మీరేమంటారు? "

" నేను కూడా అదే ఆలోచిస్తున్నాను. ఎన్ని రోజులని మీరు నన్ను చూసుకుంటారు. మంచి విషయం చెప్పారు. పెట్టే, బేడా సర్ధుకుని బయలు దేరండి ఇద్దరూ!? అన్నారు తండ్రి కొడుకులతో. షాక్ కొట్టినంత పనైంది కొడుకులకు నాన్న అలా అనేసరికి.

" అదేంటి నాన్నా ! అలా అనేశారు. మేము వెళ్ళడం ఏంటి? బయట బాడుగలు పెట్టి మేము వేరు కాపురాలు ఎలా వెలగబెట్టాలి. ఆస్తిని మాకే కదా ఇవ్వాలి. ఆలోచించండి ఒకసారి."

" నిజమే! మీకే ఇవ్వాలి నా ఆస్తిని. కానీ మీ అమ్మ నేను ఎంతో ఇష్టంగా కట్టుకున్న ఇల్లు ఇది. ఆమె బ్రతికి ఉన్నన్నాళ్ళూ చాలా సంతోషంగా ఉన్నాం. ఆమెను తలచుకుంటు నేను ఈ ఇంట్లోనే కన్నుమూయాలి.

నా తదనంతరం మాత్రమే ఈ ఇల్లు మీకు. పైన ఇంటి బాడుగతో,నాకు వచ్చే పెన్షన్ తో ఎలాగోలా బ్రతికేస్తాను. బయలుదేరండి త్వరగా" అన్నాడు తండ్రి.

" అదేంటి మామగారూ! వూర్లో్ జనాలు ఏమను కుంటారు?  బయటికివెళ్ళి

అరకొర జీతాలతో ఎలా బ్రతకాలి మేము ఆలోచించండి" అన్నారు కోడళ్ళు.

నా గురించి ఆలోచించని మీరు జనాల గురించి ఆలోచిస్తున్నారు. నవ్వాలో ఏడవాలో తెలియడం లేదు. ఈ ఆలోచన మీదేనని నాకు తెలుసు. మరోదారిలేదు. మీరు ఇక్కడినుండి వేరే కాపురానికి వెళ్ళడమే మంచిది. బయలుదేరండి." అంటూ తండ్రి చెప్పులు వేసుకుని గుడికి బయలుదేరి వెళ్ళి పోయాడు. షాక్ తో తల దిమ్మెక్కింది ఆ కొడుకులకూ...... కోడళ్ళకు.

తల్లిదండ్రులను భారంగా అనుకోవద్దు. వారు మిమ్మల్ని బాధపెట్టకుండా

ఆశ్రమాలకు వెళ్లి పోతున్నారు. కానీ  ఇలా తిరగబడితే తప్ప గౌరవంగా బ్రతకలేరు. ఏమీ లేనివారి పరిస్థితి సరే! ఆధారం,  ఆస్తి పాస్తి ఉన్న తల్లిదండ్రులు కూడా అనాధ శరణాలల్లో ఉంటున్నారు.

 తల్లిదండ్రులను బిడ్డల్లా కాపాడండి. చివరి దశలో వారిని చిత్రవధ చేయకండి. వారికంటే మించిన దేవుళ్ళు లేరని తెలుసుకోండి.

ఓపిగ్గా చదివిన మీకు ధన్యవాదములు ...

06-04-2023
ప్రాంజలి ప్రభ అంతర్జాల పత్రిక 
_*శ్రీ అగ్ని మహా పురాణం - 4 వ అధ్యాయం*_
🕉🕉🕉🕉🕉🕉🕉🕉🕉
*వరాహాద్యవతార వర్ణనమ్‌*

*అగ్ని దేవడు పలికెను పాపములను నశింపచేయు వరాహావతారమును గూర్చి చెప్పెదను. హిరణ్యాక్షుడనెడు రాక్షసరాజు ఉండెను. అతడు దేవతలను జయించి స్వర్గలోకములో నివసించెను. యజ్ఞస్వరూపు డగు విష్ణువును దేవత లందరును వచ్చి స్తుతింపగా ఆ హరి వరాహరూపము ధరించి, లోకకంటకు డైన ఆ దానవుని దైత్యులతోకూడ ఆశ్చర్యకర మగు విధమున సంహరించి, ధర్మమును దేవతలు మొదలగువారిని రక్షించి అంతర్థానము చెందెను

హిరణ్యాక్షుని సోదరుడైన హిరణ్యకశిపుడు దేవతల యజ్ఞభాగములను అపహరించి దేవతలందరిపైనను అధికారమును జరిపెను. విష్ణువు దేవతాసమేపతుడై (వెళ్లి) నరసింహరూపము దాల్చి ఆ హిరణ్యకశిపుని సంహరించెను. దేవతలచే స్తుతింపబడిన ఆ నరసింహుడు దేవతలను తమతమ స్థానములలో నిలిపెను. పూర్వము దేవాసుర యుద్దమునందు బలి మొదలగువారిచే సురులు పరాజితులై, స్వర్గమును కోల్పోయిరి. వారు అపుడు హరిని శరణుజొచ్చిరి.

విష్ణువు దేవతలకు అభయ మిచ్చి, అదితికశ్యపులు తనను స్తుతింపగా ఆదితియందు వామనుడగ జన్మించెను. ఆ వామనుడు శోభాయుక్తముగ యజ్ఞము చేయుచున్న బలి చక్రవర్తి యజ్ఞమునకు వెళ్లి అచట రాజద్వారమునందు వేదమును పఠించెను. బలి వేదములను పఠించుచున్న ఆ వామనుని చూచి, ఆతడు కోరు కరముల నీయవలెనని నిశ్చయించుకొని, శుక్రాచార్యుడు నివారించుచున్నను, ఆతనితో '' నీ కేమి కావలెనో కోరుకొనుము; ఇచ్చెదను '' అని పలికెను. వామనుడు బలితో ఇట్లనెను : ''మూడు అడుగుల నిమ్ము; నా గురువునకు కావలెను''. బలి ''అట్లె ఇచ్చెదను'' అని పలికెను.

దానజలము చేతిలో పడగానే వామనుడు అవామనుడ (పెద్ద శరీరము కలవాడు) ఆయెను. భూలోక-భువర్లోక-స్వర్లోకములను మూడడుగులుగా గ్రహించి బలిని సుతలమునకు త్రొక్కివేసెను. వామనరూపుడైన హరి ఆ లోక త్రయమును దేవేంద్రున కిచ్చెను. దేవతాసహితు డగు ఇంద్రుడ హరిని స్తుతించి, త్రిభువనాధీశుడై సుఖముగా నుండెను.

ఓ బ్రాహ్మణా! పరశురాముని అవతారమును గూర్చి చెప్పెదను వినుము. ఆ శ్రీమహావిష్ణువు, క్షత్రియులు ఉద్దతులుగా ఉన్నా రని తలచి, భూబారమును హరించుటకై, దేవతలను, విప్రాదులను పాలింపనున్నవాడై, శాంతిని నెలకొల్పుటకై, జమదగ్నినుండి రేణుకయందు సర్వశాస్త్రవిద్యాపారంగతు డైన భార్గవుడుగా (పరశురాముడుగా) ఆవతరించినాడు.

కార్తవీర్యుడను రాజు దత్తత్రేయుని అనుగ్రహముచే వేయిబాహువులు కలవాడుగను, సకల భూమండలమునకును రాజుగను ఆయెను. అతడు వేటకు వెళ్లెను. అరణ్యములో అలసిన సేనానమేతు డైన ఆ రాజును జమదగ్ని మహర్షి నిమంత్రించి కామధేనవు ప్రభావముచేత భోజనము పెట్టెను.

కార్తవీర్యార్జునుడు ఆ కామధేనువును తన కిమ్మని కోరెను. జమదగ్ని ఈయ నిరాకరించెను. ఆపుడాతడు దానిని అపహరించెను. పిదప పరశురాముడు యుద్దములో పరశువుచే అతని శిరస్సు ఛేదించి సంహరించి ధేనువుతో ఆశ్రమమునకు తిరిగి వెళ్లెను. పరశురాముడు వనమునకు వెళ్ళి యుండగా కార్తవీర్యుని పుత్రులు పూర్వవైరమువలన జమదగ్నిని చంపిరి. అంత తిరిగి వచ్చిన ప్రభావశాలి యగు పరశురాముడు చంపబడిన తండ్రిని చూచి, తండ్రిని ఆ విధముగ చంపుటచే కోపించి, ఇరువదియొక్క పర్యాయములు పృథివిని క్షత్రియులు లేనిదానినిగాచేసి, కురుక్షేత్రమునందు ఐదు కుండములను చేసి, వాటితో పితృదేవతలను తృప్తిపరచి, భూమి నంతను కశ్యపునకు దానము చేసి, మహేంద్రపర్వతముపై నివసించెను. *ఇత్యాదిమహాపురాణ ఆగ్నేయే వరాహనృసింహాద్యవతారో నామ చతుర్థోధ్యాయః.*
*🌸కూర్మ, వరాహ, నరసింహ, పరశురామావతారగథలు విన్న మానవుడు స్వర్గమునకు వెళ్లును.🌸

Sunday, 7 November 2021

 

తాత - మనుమడు కధ 

      ఆ రోజు ఒక పేరున్న రెష్టారెంట్ ముందు కారు లో సుమారు తొంబై దాటిన వారి తాతగార్ని నెమ్మదిగా చెయూత నిచ్చి నడిపించుకొని తీసుకు వచ్చాడు. ఓ మూల ఉన్న టూ సిట్టర్ టేబుల్ దగ్గరకు నడిపించుకుని జాగ్రత్తగా కూర్చో బెట్టాడు.

చెప్పండి తాతగారు ! ఏంటి తింటారు ? అడిగాడు మనవడు.

             నాకు మటన్ చాలా ఇష్టం, కాని పళ్లు లేవుగా! ఎలా తింటాను అన్నాడు.

ఓస్ ! ఇంతే కదా ! అని బేరర్ ను పిలిచి, ఓ ప్లేట్ చాల మెత్తని మటన్ ఖైమా, బాగుండాలని ఆర్డర్ పెట్టాడు. ఇదిగో! అది అయ్యేలోపు చికెన్ సూప్ ఫ్రెష్ గా పట్టుకు రా ! అని చెప్పాడు.

            ఐదు నిమిషాల్లో చికెన్ సూప్ వచ్చింది!

ఆ మనుమడు ఒక తెల్లటి టవల్ ను తాతయ్య మెడ ముందు అమర్చి....సూప్ నెమ్మదిగా స్పూన్ తో త్రాపిస్తున్నాడు. అయినా అది ఆబోసి నోరు చుట్టూ అంటుకుంది. కర్చిఫ్ తో మూతి శుభ్రం చేసాడు. ఈ లోగా మటన్ ఖైమా వచ్చింది.

            తాతయ్యకు నెమ్మదిగా స్పూన్ తో తినడం వలన చాలా సమయం పట్టింది...! ఐనా విసుగు చెందకుండా నెమ్మదిగా తాతయ్యతో కబుర్లు చెబుతూ....నానమ్మ పై జోకులు వేస్తూ తినిపించాడు. చనిపోయిన భార్య జ్ఞాపకాలు అంత అందంగా మనవడు గుర్తు చేసి నందుకు, ఆ తాతయ్య కళ్లలో ఆనందం...ఓ పక్క కంటనీరు.

            రెష్టారెంట్ లో అందరూ విచిత్రంగా చూస్తున్నారు. ఆ కుర్రాడు ఏమాత్రం పట్టించుకోలేదు. బిల్ పే చేసి నెమ్మదిగా మరలా నడపించుకొని తీసుకు వెళ్లిపోయాడు.

కొడుకు, కోడలు చాలా మంచి వాళ్లు, జాగ్రత్తగా చూసుకుంటారు. ఆరోగ్యం పాడవుతుందని ఏది పడితే అది పెట్టరు. మనవడు అలా కాదు. వచ్చిన ప్రతీ సారి తాతయ్యను కార్లో వేసుకుని షికారు తిప్పడమే కాకుండా, చిన్న పిల్లలకు తినిపించినట్లు, ఐస్ క్రీమ్స్ , రక రకాల చిరుతిండి తినిపిస్తాడు. తండ్రి చెప్పినా వినడు!

ఒక్కరోజుకు ఏం కాదు డాడీ.... నేను చూసుకుంటాను కదా అని....రాత్రి పడుకునే ముందు జీర్ణం కావడానికి పళ్ల రసం, టాబ్లెట్ వేసేస్తాడు.

          మామూలు సమయంలో చాలాఇబ్బంది పడే పెద్దాయన.... చిత్రంగా మనవడు వచ్చినపుడు హుషారుగా ఉంటారు. ఒక్క కంప్లైంట్ కూడ ఉండదు. కొడుకు ముసి ముసిగా నవ్వుకుంటాడు.

        ఓసారి ఉండలేక కొడుకుని అడిగాడు..,,ఏరా! వచ్చినపుడల్లా తాతయ్యను కుషీ చేస్తావ్ ! తాతయ్య అంటే అంత ఇష్షమా?

దానికి కొడుకు చెప్పిన సమాధానం....డాడీ ! నా చిన్నతనంలో అమ్మా, మీరు క్షణం తీరిక లేకుండా ఉద్యోగాల వలన బిజీగా ఉండేవారు. ఇంట్లో నాన్నమ్మ తాతయ్య, నా విషయంలో చాలా శ్రద్ధ చూపేవాళ్లు. తాతయ్యా ! ... నన్ను స్కూల్ నుండి తీసుకొని వస్తూ....నేను ఏది అడిగితే అది కొనిచ్చి ముద్ధు చేసేవారు. ఒక్కోసారి నా బట్టలు పాడు చెసేవాడిని. తాతయ్య నాన్నమ్మ ఆ రోజులలో నాకు చేసిన సేవలు గుర్తున్నాయి. నేను ఏమిచ్చి వాళ్లను ఆనంద పరచ గలను. నానమ్మ ఇప్పుడు లేదుగా. అందుకే వచ్చిన ప్రతిసారీ కనీసం తాతయ్య తో ఒక్కరోజైనా గడపి నా జ్ఞాపకాలు సజీవం గా ఉంచుకుంటాను అని చెప్పాడు.

             సమాధానం విన్న తండ్రి కళ్లలో నీళ్లు....నీ జ్ఞాపకాల మాటేమో గాని... నీవు వచ్చిన వెంటనే తాతయ్య కళ్లలో ఉత్సాహం.. చూస్తుంటే నేను ఆయనకు ఎంత రుణపడి ఉన్నానో అర్ధం అవుతుంది. నాకు మీ అమ్మకు అందమైన వార్ధక్యం కళ్ల ముందు కనిపిస్తూంది...! యు ఆర్ గ్రేట్ మై సన్.

             గమనిక :-డబ్బువెనుక పరుగులుపెట్టే ఈ కాలంలో ఇలాంటి సంబంధ బాంధవ్యాలు కాపాడుకునే కుటుంబాలు మాత్రం నిజంగా స్వర్గధామాలే.... !అన్ని కుటుంబాలు కూడా ఇలాగే ఉండలని ఆశిస్తూ...!

--(())--


 కార్తీక మాసం  30 రోజులు  - పూజించవలసిన దైవం - చేయవలసిన మంత్రం - దానం - నైవేద్యం.......!!


*👉1వ రోజు:*

 నిషిద్ధములు:- ఉల్లి, ఉసిరి, చద్ది, ఎంగిలి, చల్లని వస్తువులు.

దానములు:- నెయ్యి, బంగారం

పూజించాల్సిన దైవము:-స్వథా అగ్ని

జపించాల్సిన మంత్రము:- ఓం జాతవేదసే స్వథాపతే స్వాహా


*👉2వ రోజు:*

నిషిద్ధములు:-తరగబడిన వస్తువులు

దానములు:-కలువపూలు, నూనె, ఉప్పు

పూజించాల్సిన దైవము:-బ్రహ్మ

జపించాల్సిన మంత్రము:-

ఓం గీష్పతయే - విరించియే స్వాహా


*👉3వ రోజు:*

నిషిద్ధములు:- 

ఉప్పు కలిసినవి, ఉసిరి

దానములు:- ఉప్పు

పూజించాల్సిన దైవము:- పార్వతి

జపించాల్సిన మంత్రము:-  ఓం పార్వత్యై - పరమేశ్వర్యై స్వాహా


*👉4వ రోజు:*

నిషిద్ధములు:- వంకాయ, ఉసిరి

దానములు:- నూనె, పెసరపప్పు

పూజించాల్సిన దైవము:- విఘ్నేశ్వరుడు

జపించాల్సిన  మంత్రము:- ఓం గం గణపతయే స్వాహా


*👉5వ రోజు:*

నిషిద్ధములు:- పులుపుతో కూడినవి

దానములు:- స్వయంపాకం, విసనకర్ర

పూజించాల్సిన దైవము:- ఆదిశేషుడు

జపించాల్సిన మంత్రము:-  (మంత్రం అలభ్యం, ప్రాణాయామం చేయాలి)


*👉6వ రోజు:*

నిషిద్ధములు:- ఇష్టమైనవి , ఉసిరి

దానములు:- చిమ్మిలి

పూజించాల్సిన దైవము:- సుబ్రహ్మణ్యేశ్వరుడు

జపించాల్సిన  మంత్రము:- ఓం సుం.బ్రం. సుబ్రహ్మణ్యాయ స్వాహా


*👉7వ రోజు:*

నిషిద్ధములు:- పంటితో తినే వస్తువులు, ఉసిరి

దానములు:- పట్టుబట్టలు, గోధుమలు, బంగారం

పూజించాల్సిన దైవము:- సూర్యుడు

జపించాల్సిన మంత్రము:- ఓం. భాం. భానవే స్వాహా


*👉8 వ రోజు:*

నిషిద్ధములు:- ఉల్లి, ఉసిరి, మద్యం, మాంసం

దానములు:- తోచినవి - యథాశక్తి

పూజించాల్సిన దైవము:- దుర్గ

జపించాల్సిన మంత్రము:- 

ఓం - చాముండాయై విచ్చే - స్వాహా


*👉9వ రోజు:*

నిషిద్ధములు:- నూనెతో కూడిన వస్తువులు, ఉసిరి

దానములు:- మీకు ఇష్టమైనవి పితృ తర్పణలు

పూజించాల్సిన దైవము:- అష్టవసువులు -

పితృ దేవతలు

జపించాల్సిన మంత్రము:-  ఓం అమృతాయ స్వాహా - పితృదేవతాభ్యో నమః


*👉10వ రోజు:*

నిషిద్ధములు:- గుమ్మడికాయ, నూనె, ఉసిరి

దానములు:- గుమ్మడికాయ, స్వయంపాకం, నూనె

పూజించాల్సిన దైవము:- దిగ్గజాలు

జపించాల్సిన మంత్రము:-

ఓం మహామదేభాయ స్వాహా

*👉11వ రోజు:*

నిషిద్ధములు:- పులుపు, ఉసిరి

దానములు:- వీభూదిపండ్లు, దక్షిణ

పూజించాల్సిన దైవము:- శివుడు

జపించాల్సిన మంత్రము:- 

ఓం రుద్రాయస్వాహా, ఓం నమశ్శివాయ

*👉12వ రోజు:*

నిషిద్ధములు:- ఉప్పు, పులుపు, కారం, ఉసిరి

దానములు:- పరిమళద్రవ్యాలు, స్వయంపాకం, రాగి, దక్షిణ

పూజించాల్సిన దైవము:- భూదేవీసహిత శ్రీమహావిష్ణు లేక కార్తీక దామోదరుడు

జపించాల్సిన మంత్రము:-

ఓం భూర్భువర్విష్ణవే వరాహాయ కార్తీక దామోదరాయ స్వాహా

*👉13వ రోజు:*

నిషిద్ధములు:- రాత్రి భోజనం, ఉసిరి

దానములు:- మల్లె, జాజి వగైరా పూవులు, వనభోజనం

పూజించాల్సిన దైవము:- మన్మధుడు

జపించాల్సిన మంత్రము:- 

ఓం శ్రీ విరిశరాయ నమః స్వాహా

*👉14వ రోజు:*

నిషిద్ధములు:- ఇష్టమైన వస్తువులు, ఉసిరి

దానములు:- నువ్వులు, ఇనుము, దున్నపోతు లేదా గేదె

పూజించాల్సిన దైవము:- యముడు

జపించాల్సిన మంత్రము:-

ఓం తిలప్రియాయ సర్వ సంహార హేతినే స్వాహా

*👉15వ రోజు:*

నిషిద్ధములు:- తరగబడిన వస్తువులు

దానములు:- కలువపూలు, నూనె, ఉప్పు 

జపించవలసిన మంత్రం:-

'ఓం శ్రీ తులసీథాత్రీ సమేత కార్తీక దామోదరాయ నమః'

*👉16వ రోజు:*

నిషిద్ధములు:- ఉల్లి, ఉసిరి, చద్ది,ఎంగిలి, చల్ల

దానములు:- నెయ్యి, సమిధలు, దక్షిణ, బంగారం

పూజించాల్సిన దైవము:- స్వాహా అగ్ని

జపించాల్సిన మంత్రము:- ఓం స్వాహాపతయే జాతవేదసే నమః

*👉17వ రోజు:*

నిషిద్ధములు:- ఉల్లి, ఉసిరి, చద్ది, ఎంగిలి, చల్ల మరియు తరిగిన వస్తువులు

దానములు:- ఔషధాలు, ధనం

పూజించాల్సిన దైవము:- అశ్వినీ దేవతలు

జపించాల్సిన మంత్రము:- ఓం అశ్విన్యౌవైద్యౌ తేనమః స్వాహా

*👉18వ రోజు:*

నిషిద్ధములు:- ఉసిరి

దానములు:- పులిహార, అట్లు, బెల్లం

పూజించాల్సిన దైవము:- గౌరి

జపించాల్సిన మంత్రము:- ఓం గగగగ గౌర్త్యె స్వాహా

*👉19వ రోజు:*

నిషిద్ధములు:- నెయ్యి, నూనె, మద్యం, మాంసం, మైధునం, ఉసిరి

దానములు:- నువ్వులు, కుడుములు

పూజించాల్సిన దైవము:- వినాయకుడు

జపించాల్సిన మంత్రము:- ఓం గం గణపతయే స్వాహా

*👉20వ రోజు:*

నిషిద్ధములు:- పాలు తప్ప - తక్కినవి

దానములు:- గో, భూ, సువర్ణ దానాలు

పూజించాల్సిన దైవము:- నాగేంద్రుడు

జపించాల్సిన మంత్రము:- ఓం సర్పాయ మహాసర్పాయ దివ్యసర్వాయపాతుమాం

*👉21వ రోజు:*

నిషిద్ధములు:- ఉల్లి, ఉసిరి, ఉప్పు, పులుపు, కారం

దానములు:- యథాశక్తి సమస్త దానాలూ

పూజించాల్సిన దైవము:- కుమారస్వామి

జపించాల్సిన మంత్రము:- ఓం సాం శరవణ భవాయ కుమారాయ స్వాహా

*👉22వ రోజు:*

నిషిద్ధములు:- పంటికి పనిచెప్పే పదార్ధాలు, ఉసిరి

దానములు:- బంగారం, గోధుమలు, పట్టుబట్టలు


పూజించాల్సిన దైవము:- సూర్యుడు

జపించాల్సిన 

మంత్రము:- ఓం సూం - సౌరయే స్వాహా, ఓం భాం - భాస్కరాయ స్వాహా

*👉23వ రోజు:*

నిషిద్ధములు:- ఉసిరి, తులసి

దానములు:- మంగళ ద్రవ్యాలు

పూజించాల్సిన దైవము:- అష్టమాతృకలు

జపించాల్సిన మంత్రము:- 

ఓం శ్రీమాత్రే నమః, అష్టమాతృ కాయ స్వాహా

*👉24వ రోజు:*

నిషిద్ధములు:- మద్యమాంస మైధునాలు, ఉసిరి

దానములు:- ఎర్రచీర, ఎర్ర రవికెలగుడ్డ, ఎర్రగాజులు, ఎర్రపువ్వులు

పూజించాల్సిన దైవము:- శ్రీ దుర్గ

జపించాల్సిన మంత్రము:- 

ఓం అరిషడ్వర్గవినాశిన్యై నమః శ్రీ దుర్గాయై స్వాహా

*👉25వ రోజు:*

నిషిద్ధములు:- పులుపు, చారు - వగయిరా ద్రవపదార్ధాలు

దానములు:- యథాశక్తి

పూజించాల్సిన దైవము:- దిక్వాలకులు

జపించాల్సిన మంత్రము:- 

ఓం ఈశావాస్యాయ స్వాహా

*👉26వ రోజు:*

నిషిద్ధములు:- సమస్త పదార్ధాలు

దానములు:- నిలవవుండే సరుకులు

పూజించాల్సిన దైవము:- కుబేరుడు

జపించాల్సిన మంత్రము:- ఓం కుబేరాయవై శ్రవణాయ మహారాజాయ స్వాహా

*👉27వ రోజు:*

నిషిద్ధములు:- ఉల్లి, ఉసిరి, వంకాయ

దానములు:- ఉసిరి, వెండి, బంగారం, ధనం, దీపాలు

పూజించాల్సిన దైవము:- కార్తీక దామోదరుడు

జపించాల్సిన మంత్రము:- ఓం శ్రీభూతులసీ ధాత్రీసమేత కార్తీక దామోదరాయ స్వాహా

*👉28వ రోజు:*

నిషిద్ధములు:- ఉల్లి, ఉసిరి, సొర, గుమ్మడి, వంకాయ

దానములు:- నువ్వులు, ఉసిరి

పూజించాల్సిన దైవము:- ధర్ముడు

జపించాల్సిన 

మంత్రము:- ఓం ధర్మాయ, కర్మనాశాయ స్వాహా

*👉29వ రోజు:*

నిషిద్ధములు:- పగటి ఆహారం, ఉసిరి

దానములు:- శివలింగం, వీభూది పండు, దక్షిణ, బంగారం

పూజించాల్సిన దైవము:- శివుడు (మృత్యుంజయుడు)

జపించాల్సిన మంత్రము:- ఓంత్రియంబకం యజామహే సుగంధం పుష్టివర్ధనం, 

ఉర్వారుకమివ బంధనాన్తృత్యో ర్ముక్షీయ మామృతాత్

*👉30వ రోజు:*

నిషిద్ధములు:- పగటి ఆహారం, ఉసిరి

దానములు:- నువ్వులు, తర్పణలు, ఉసిరి

పూజించాల్సిన దైవము:- సర్వదేవతలు, పితృ దేవతలు

జపించాల్సిన మంత్రము:- ఓం అమృతాయ స్వాహా మమసమస్త పితృదేవతాభ్యో నమః

ఓం నమః శివాయ.   సేకరణ:  pranjali prabha. 🙏

శ్రీమతి గారు ఈరోజు భగవద్గీత గురించి కధగా చెప్పవా. నీ నోటి నుండి వింటే అసలు విన్నట్టే ఉండదు 

అంటే బాగుండదా 

కాదే నీ మాటలు మనసుకు హత్తు కుంటాయి 

అందుకే చెప్పఁమంటున్నాను. 

పరమగురువులు బోధించినది, సాక్షాత్ శ్రీకృష్ణ పరమాత్ముడు బోధించినది నేను చెప్పటం ఏమిటి మీమాటలు నాకు నవ్వు తెప్పిస్తున్నాయి. 

అదికాదే ఏపుట్టలో ఏపాముందో తెలియదు అట్లాగే మంచిని ఎంతమందైన చెప్పవచ్చు దానికి కొలమానం లేదు వారుచెప్పఁరాని భావన వద్దు , నీకు తెలిసినది చెప్పు చాలు. ఎవ్వరికీ పూర్తిగా భగవద్ గీత అర్ధం చేసుకొనే శక్తి లేదు కేవలం యోగీశ్వరులకుతప్ప. 

అందుకే భగవద్గీత గూర్చిన సంభాషణము అత్యంత బాధ్యతా యుతమైనది. వారిని గూర్చి ఎంత తక్కువ సంభాషించిన అంత మేలు. కారణమేమనగా  వారిని గూర్చిన అవగాహన కలవారు వాణ్నియమము కలవారగుటచే మాట్లాడరు. వారిని గూర్చి తెలియని వారు గాలి కబుర్లుగ నియమముల నుల్లంఘించి మాట్లాడ కూడదు.  

నేను ఆ భగవంతుని ప్రార్ధించి చెప్పటానికి ప్రయత్నిస్తాను.  ఆయన త్వరగానే అర్థం అవుతుందని ఆశిస్తాను. ఆపరమాత్ముడు  నన్ను ఆజ్ఞాపించినది నేను చెప్పగలను. ‘‘ఈ పని చెయ్యాలి. నీకు నచ్చితే చెయ్యి. లేకపోతే, నీ ఇష్టం’’ అనేవారు నాతో. ఉన్నా ,అన్నా , ‘‘అసలైన ప్రేమ ఇలా ఉండాలి’’ అనేది భగవద్ గీత భావము అదే మీకు తెలియపరుస్తాను 

         భగవద్గీతలో గ్రుడ్డివారైన,  వయసు మీదపడిన వారైన "దృతరాష్టుడు కౌరవుల రాజు"  వారికి  కన్నప్రేమ ఎప్పటికీ తగ్గదు,  మనవారు పరాయివారు మధ్య సంఘటనలు తెలుసుకోవాలని ఆరాటం తగ్గదు. అందుకే నేను చెప్పేది వారికి వయసు  మీద పడినవారు కన్నవారిని ఎటు వంటివారైనా వదులుకోలేరు వారిని ఎదిరించి మాట్లాడలేరు. పిల్లలు కూడా గమనించాలి పెద్దల్ని బాధ పెట్ట కూడదు పెట్టిన వారు మాట్లాడలేరు ఎందుకనగా ప్రేమ.      

              అందరికన్నా ముఖ్యం "గురువు" ఆ గురువుని ప్రార్ధించి ఏ పని అయినా చెయ్యాలని భవగవద్ గీత బోధిస్తున్నది. గురువుని మించిన శిష్యులనుతయారుచెయ్యాలని గురువుకి ఆశగా ఉంటుంది అందుకనే తనలో ఉన్న  విద్యనంతా అనాడు గురుకులములో నేర్పేవారు తరువాత  "ప్రకృతి విద్య , సంసార విద్య, ప్రపంచ విద్య నేర్చుకోమని బయటకు పంపేవారు. 

శ్రీమతిగారు ఈ నాడు అటువంటి గురువులు లేరా. గురువులు ఉన్న నేర్చుకొనే ఓర్పు నేర్పు ఉన్నవారు లేరు ఆనాడు సంస్కృతం ఒక్కటే వుంది అదే క్షుణ్ణంగా నేర్చుకుంటున్నారు ఇప్పుడు ఆంగ్లం వచ్చి మనుష్యులను పాడుచేస్తున్నది అర్ధం కానీ బాష భోధిస్తున్నారు అదేతేడా నేనొక్కటే చెప్పగలను అప్పుడు బతికి బతికించే విద్య, ఇప్పుడు బతుకుటకు కొనుక్కునే విద్య. 

ఇక వర్ణించను భగవద్ గీత గురించి ఆలోచిద్దాం ....

అట్లాగే కాస్త కాఫీ త్రాగక మళ్ళా చెపుదానివిలే అన్నాడు శ్రీవారు      

((()))


 


01. గుడ్లగూబ లక్ష్మి వాహనం.

పూర్వం శ్రీ మహావిష్ణువు భక్తుడైన కౌశికుడు గొప్ప సంగీత విద్వాంసుడు. ఈ విష్ణు భక్తుడు తన సంగీతంతో శ్రీమహావిష్ణువుని మెప్పించి ప్రసన్నం చేసుకున్నాడు. ఇలా అతడు మరణించిన తరువాత వైకుంఠానికి చేరుకోగా అప్పడు శ్రీమహావిష్ణవు ఆ భక్తుడిని స్వాగతించి గౌరవార్థం ఒక సంగీత సభని ఏర్పాటుచేస్తాడు.

 అయితే త్రిలోక సంచారైనా నారదుడు ఈ సభకి వెళ్లడం అనుకోగా అతడికి ఈ సభలోకి రావడానికి అనుమతి లభించలేదు. దీంతో తీవ్ర ఆవేదన చెందిన నారదుడు లక్ష్మీదేవి మందిరం నుండి వెళ్ళడానికి ప్రయత్నించగా లక్ష్మీదేవి చెలికత్తెలు నారదుడిని అడ్డుకోగా ఆగ్రహానికి గురైన నారదుడు లక్ష్మీదేవిని శపిస్తాడు.

ఆ సమయంలో శ్రీమహావిష్ణువు నారదుడితో, నారద కపట భక్తితో ఎన్ని తీర్దాలు సేవించనప్పటికీ అది వ్యర్థం, భక్తిశ్రద్ధలతో నన్ను కొలిచినవారికి నేను ఎప్పుడు వెన్నంటి ఉంటాను, సంగీతంతో కూడా నన్ను చేరవచ్చు అని తెలియచెప్పడానికే నేను అతడిని సత్కరించాను. నీ శాపానికి మేము బాధపడటంలేదు, దాని కారణంగా మంచే జరుగుతుందని చెప్పడంతో, నారదుడు చాలా బాధపడుతూ, దేవా నన్ను క్షమించు అసలు జ్ఞానము లేకుండా మూర్ఖంగా ప్రవర్తించాను అంటూ శ్రీమహావిష్ణువు పాదాల పైన పడి వేడుకున్నాడు.

 ఇక శ్రీమహావిష్ణువు నారద చింతించకు నీకు నిజంగా సంగీతం నేర్చుకోవాలనే కోరిక ఉంటె ఇక్కడ ఉత్తరాన మానససరోవరం అవతల ఒక పర్వత శిఖరం ఉంది. అక్కడవున్న ఉలూకపతి దగ్గర నేర్చుకోమని చెప్పగా నారదుడు శ్రీమహావిష్ణువు నమస్కరించి ఆ పర్వత శిఖరానికి బయలుదేరుతాడు

ఇక నారదుడు తన మనసులో నాకు తెలియని ఆ సంగీత విద్వంసుడు ఎవరు అని ఆలోచిస్తూ అక్కడికి చేరుకోగానే గంధర్వ, కిన్నెర, కింపురుష, అప్సరాసాదులెందరో అక్కడ సంగీత విద్యాబ్యాసం చేస్తున్నారు. అక్కడే నారదుడు వారికీ గురువైన గానబంధుని చూసాడు. నారదుడు అతడికి నమస్కారం చేసి, కౌశికుడు తన సంగీతం తో శ్రీమహావిష్ణువుని ప్రసన్నం చేసుకున్నాడు అలాంటి సంగీత విద్యని నాకు నేర్పిచండని అడిగాడు. అప్పుడు గానబంధువుకి నారదుని మనసులో ఏమున్నదో అర్థమైంది. దీంతో అసలు తాను ఎవరనేది వివరించడం మొదలుపెట్టాడు. 

పూర్వం భువనేషుడు అనే రాజు ఉండేవాడు. అతడు ప్రజలను అన్ని విషయాల్లో బాగా చూసుకునే ఆ రాజు ఒక సంగీతంలో మాత్రం రాజ్యంలో ఒక షరతు పెట్టాడు. తన రాజ్యంలో సంగీతాన్ని నిషేధించాడు. ఎవరైనా రాజ్యంలో గానం చేస్తే వెంటనే వారికీ మరణ శిక్షని అమలుచేయండి అంటూ మంత్రులకి ఆదేశాలను కూడా ఇచ్చాడు.

ఒక రోజు హరిమిత్రుడు అనే వ్యక్తి రాజు అజ్ఞాని మరచిపోయి దేవుడిని తన భక్తిగీతాలతో స్తుతించాడు. అతడి గానానికి అక్కడి ప్రజలు కూడా అన్ని మరచిపోయారు. అప్పుడు వెంటనే భటులు వచ్చి హరిమిత్రుడిని బంధీ చేసి రాజు దగ్గరికి తీసుకువెళ్లగా రాజు బాగా అలోచించి పడిన వాడు బ్రాహ్మణుడు కనుక మరణ శిక్ష విదిస్తే బ్రహ్మహత్యాపాతకం చుట్టుకుంటుందని భావించి మరణశిక్షకు సమానమైన రాజ్య బహిష్కారణ చేస్తాడు.

 ఇలా కొన్ని రోజులు గడిచిన తరువాత ఆ రాజు మరణించి మరు జన్మలో గుడ్లగూబ లాగా జన్మించాడు. దాంతో ఆహారం రాత్రి సమయాలలో మాత్రమే తీసుకోవాలి కానీ ఆ గుడ్లగూబకు ఆహారం సరిగా లభించలేదు. ఇలా ఒక నాలుగు రోజులు వరుసగా ఆహారం లభించకపోవడంతో అది మరణానికి దగ్గరైంది. ఆ సమయంలో యమధర్మరాజు వచ్చి దానికి ఎదురుగా నిలబడి ఉండగా, అప్పుడు ఆ గుడ్లగూబ ఎందుకు యమధర్మరాజా నన్ను ఇలా బాధపెడుతున్నావు, నేను రాజ్యంలో అందరిని బాగా చూస్కున్నాను కదా అని అడుగగా, యమధర్మరాజు, రాజా నీవు రాజ్యాన్ని సరిగానే పరిపాలించవు కానీ భగవంతుడిని వేద మంత్రాలతోనే స్తుతించాలని అనుకోవడం నీ ముర్కత్వం అవుతుంది. 

నీవు విష్ణు భక్తులకు తెచ్చిన ఆ కీడు నిన్ను ఈరోజు ఈ స్థితికి తీసుకువచ్చింది అని చెప్పడంతో, అతడు యమా నేను చేసిన ఈ తప్పు నుండి బయటపడే మరాగాన్ని చెప్పాడని అనగా, నీవు చేసిన తప్పుకి శిక్ష అనుభవించక తప్పదు, ఒకేవేళ శిక్షాకాలం దగ్గాలంటె ఈ గుహ దగ్గరలోనే నీ గత జన్మ శరీరం ఉంది ఆ శరీరంలోని మాంసాన్ని రోజుకు కొంత చీల్చి తిను అది పురాతయ్యే లోపు నీకు శుభం కలుగుతుందని చెబుతాడు.

ఇలాంటి పరిస్థితి వచ్చిన ఆ పాపిని నేనే నారద, ఇలా నేను నా శరీరాన్ని రోజు తింటూ ఉంటె ఒక రోజు ఒక బ్రాహ్మణుడు నా శవం దగ్గరికి వచ్చి చూసాడు, అతడు ఎవరో కాదు నేను రాజ్యబహిష్కారణ చేసిన హరిమిత్రుడు. అతడు నన్ను గుర్తుపట్టి న దగ్గరికి వచ్చి ఏంటి ఈ పరిస్థితి అని బాధపడుతుండగా, వెంటనే అతని పాదాలపైనా పడి జరిగినదానికి నన్ను క్షమించు నేను భువనేశ రాజుని అంటూ పచ్చత్తపపడి తనకి యముడికి మధ్య జరిగినది అంత వివరించాడు.

 అప్పుడు హరిమిత్రుడు నీవు నాపైన చూపించిన ఆ మూర్కత్వన్ని ఆ రోజే మరచిపోయాను, నీవు అనుభవించిన బాధలు ఇక చాలు, ఈ రోజు నుండి నీకు బాధ అనేది లేకుండా గొప్ప సంగీత విద్వాంసుడవై అందరికి సంగీతాన్ని బోధిస్తావంటూ పలికెను. ఇలా నేను సంగీత విద్వాంసుడను అయ్యాను అంటూ గానబంధు నారదుడితో వివరించాడు.

ఇక ఇలా చెప్పడంతో నారదుడు అతడి శిష్యుడిగా మారిపోయాడు.

సంగీతం అనేది ఒక కళ, దానికోసం జీవితాన్ని అర్పించాలి, ప్రతిక్షణం కష్టపడి సాధన చేస్తే దీనిని సాధించవచ్చు అని వివరించగా నారదుడు దాదాపుగా వెయ్యి సంవత్సరాలు సాధన చేసి 3,60.006 రాగాలలో మంచి ప్రావీణ్యం సాధించాడు. 

దీంతో సంతోషించిన నారదుడు గురు దక్షిణ ఏంకావాలో అని అడుగగా, శిష్యుడిగా కోరుకోమంటాను కనుక అడుగుతున్నాను, లోకం ఉన్నంతవరకు, సంగీత కళతో పాటుగా నేను కూడా అందరికి గుర్తుండేలా వరాన్ని ఇవ్వమని అడుగుతాడు. అప్పుడు నారదుడు నవ్వుతు గురవయ్య ఇది చాలా చిన్న కోరికనే, మీరు నాకు చేసిన ఈ ఉపకారానికి మీకు గురుదక్షిణగా లక్ష్మీనారాయణుల కటాక్షము, వారి సేవాభాగ్యమును, శాశ్వత సన్నిధానమును ప్రసాధిస్తున్నాను. ప్రళయం సంభవించినప్పుడు శ్రీమహావిష్ణువు కి గరుత్మంతుడి వలె, శ్రీ మహాలక్ష్మికి నీవు వాహనం అవుదు గాక అని వరాన్ని ప్రసాదిస్తాడు. ఈవిధంగా గానబంధు అనే గుడ్లగూబ లక్ష్మీదేవికి వాహనమైనదని పురాణం చెబుతుంది.

02. వ్యక్తిలోని బహుముఖాలు
ఒకాయన తన శిష్యుల్ని వెంటబెట్టుకుని మమ్మల్ని చూడటానికి వచ్చాడు. వాళ్లలో అన్ని రకాల వాళ్లూ ఉన్నారు - డబున్నవాళ్లూ; బీదవాళ్లూ, ఒక ఉన్నత ప్రభుత్వోద్యోగీ, ఒక వితంతువూ, మత దురభిమాని ఒకడూ, చిరునవ్వుతో ఉన్న ఒక యువకుడూ. వాళ్లంతా సరదాగా, సంతోషంగా ఉన్నారు. ఆ తెల్లటి ఇంటి మీద నీడలు నాట్యం చేస్తున్నాయి. దట్టంగా ఉన్న ఆకుల మధ్య చిలకలు కీచుగా అరుస్తున్నాయి. ఒక లారీ పెద్ద చప్పుడు చేస్తూ వెళ్ళింది. ఆ వచ్చిన వాళ్లలో యువకుడు, గురువుకి, బోధకుడికి ఎంత ప్రాముఖ్యం ఉందో ఎంతో తీవ్రంగా ఉద్ఘాటిస్తున్నాడు. తక్కిన వాళ్లు అతనితో ఏకీభవిస్తున్నారు. అతడు స్పష్టంగా, నిష్పక్షపాతంగా వాదిస్తూంటే ఆనందంతో చిరునవ్వు నవ్వుతున్నారు. ఆకాశం ఎంతో నీలంగా ఉంది. మెడదగ్గర తెల్లగా ఉన్న ఒక డేగ మాపైన చుట్టూ తిరుగుతోంది. రెక్కలు కొంచమైనా విదల్చకుండా. ఆ రోజు ఎంతో చక్కగా ఉంది. మనం ఒకరినొకరు ఎలా నాశనం చేసుకుంటాం - శిష్యుడు గురువునీ, గురువు శిష్యుణ్ణీ! అనుగుణంగా ఎలా వర్తిస్తూ ఉంటాం, విడిపోయి మరోలా ఎలా రూపొందుతూ ఉంటాం! ఒక పక్షి పొడుగాటి పురుగుని తడిమట్టి లోంచి లాగుతోంది.
మనలో ఉన్నవి ఎన్నో; ఒకటి కాదు. ఆ ఉన్నవన్నీ పోతేగాని ఒకటి అవదు. అవన్నీ ఒకటితో ఒకటి పోట్లాడుకుంటూ రోజూ రాత్రీ, పగలూ గొడవ చేస్తూ ఉంటాయి. ఈ పోరాటమే జీవితంలోని బాధ. ఒకదాన్ని నాశనం చేస్తాం. దాని స్థానంలో మరొకటి బయలు దేరుతుంది. ఈ రకంగా అనంతంగా సాగుతూ ఉన్నట్లుండేదే మన జీవితం. వాటిల్లో ఒకదానికి తక్కిన వాటి కన్న ఆధిక్యాన్నిస్తాం. కాని, ఆ ఒకటి త్వరలోనే అనేకం అవుతుంది. అనేకమైన వాటి గొంతు ఒక్కటిగా వినిపిస్తుంది. ఆ ఒక్క గొంతూ అధికారాన్ని చెలాయిస్తుంది. అయినా, ఆ గొంతు వాగుతూనే ఉంటుంది. మనలో అనేక కంఠాలు, అన్నిటిలోకీ నిశ్శబ్దంగా ఉన్న ఒక కంఠాన్ని వినాలని ప్రయత్నిస్తాం. ఆ ఒక్క కంఠాన్నీ వినటానికి తక్కినవన్నీ నిశ్శబ్దంగా ఉన్నట్లయితే, ఆ ఒక్కదానిలో అనేకం ఉన్నట్లే. కాని, అనేకం ఎన్నటికీ ఆ ఒక్కదాన్ని కనుక్కోలేవు.
ఇప్పుడు మన సమస్య ఆ ఒక్క గొంతునీ ఎలా వినాలా అని కాదు; మొత్తం వాటి కూర్పుని, అనేకమైనవన్నీ కలిసి మనం ఎలా రూపొందామో అర్థం చేసుకోవటమే మన సమస్య. బహుముఖాల్లో ఒకటి అన్నిటినీ అర్థం చేసుకోలేదు. ఒక రూపం తక్కిన రూపాల్ని అధీనంలో ఉంచుకుని వాటికి శిక్షణ నిచ్చి, వాటిని తన పద్ధతిలో రూపొందించటానికి ప్రయత్నించినా, దాని ప్రయత్నాలన్నీ స్వార్ధపరమైనవి, సంకుచితమైనవి గానే ఉంటాయి. మొత్తాన్ని దానిలోని ఒక భాగం ద్వారా అర్థం చేసుకోవటం సాధ్యంకాదు. అందువల్లనే మనం ఎప్పుడూ అర్థం చేసుకోలేము. మొత్తమంతా మనకెప్పుడూ కనిపించదు. ఆ మొత్తమంతా ఎలా ఉందో మనకు తెలియదు, ఎందుచేతనంటే, మనం ఎప్పుడూ ఒక భాగంతోనే వ్యవహరిస్తూ, తీరిక లేకుండా ఉంటాం. కాని, ఒక భాగం తన్నుతాను అనేకంగా విభజించుకుంటుంది. మొత్తమంతా తెలుసుకోవటానికీ, అనేకమైన వాటి మధ్య జరిగే సంఘర్షణని తెలుసుకోవటానికీ, కోరికని అర్ధం చేసుకోవాలి. కోరికది ఒకే చర్య - అది రకరకాలుగా ఒకదానికొకటి వ్యతిరేకంగా కోరుతూ కృషి చేస్తున్నప్పటికీ, అవన్నీ కోరిక నుంచి పుట్టినవే. కోరికని ఉన్నతమైనదిగా చూడటంగాని అణచి వెయ్యటం గాని చెయ్యకూడదు. దాన్ని అర్థం చేసుకోవాలి. అర్థం చేసుకునేది అనేది లేకుండా అర్థం చేసుకునే రూపం ఒకటి ఉన్నట్లయితే అది కూడా కోరిక రూపమే. అనుభవం పొందేది లేకుండా అర్ధం అయినట్లయితే, అనేకం నుంచీ ఒక్కటినుంచీ కూడ స్వేచ్ఛ లభిస్తుంది.
అన్ని చర్యలూ - అనుగుణమైనవీ, నిరసించేవీ, విశ్లేషించేవీ, అంగీకరించేవీ. అన్నీ అనుభవం పొందే వాడిని. అంతే, అనుభోక్తను మరింత శక్తిమంతంగా చేస్తాయి. అనుభోక్త మొత్తమంతటినీ ఎన్నటికీ అర్థం చేసుకోలేడు. కూడబెట్టుకున్నదంతా కలిసినది అనుభోక్త. గతం నీడలో ఏదీ అర్థం కాదు. గతం మీద ఆధారపడటం వల్ల ఏదైనా మార్గం స్ఫురించవచ్చు. కాని, ఏదో మార్గాన్ని అవలంబించటం అర్థం చేసుకోవటం కాదు. అర్థం అయేది మనస్సుకి చెందినది కాదు. ఆలోచనతో కూడినది కాదు. ఆలోచనకు నిశ్శబ్దంగా ఉండే శిక్షణ నిచ్చి మనస్సుతో ప్రమేయం లేని దానిని పట్టుకోజూచినట్లయితే, అప్పుడు అనుభవంలోకి వచ్చేది గతం యొక్క ప్రతిరూపం మాత్రమే; ఈ ప్రక్రియ అంతా తెలుసుకోవటంలోనే అనుభోక్తతో ప్రమేయం లేని నిశ్శబ్దం ఉంటుంది. ఇటువంటి నిశ్శబ్దంలోనే అవగాహన కలుగుతుంది.
--(())--

03. ప్రాంజలి ప్రభ అంతర్జాల పత్రిక కధలు
Good night.... Frnds.....అది బెంగళూరుకు వెళ్తున్న రైలు. రద్దీగా ఉంది. సెకండ్ క్లాస్ బోగీలో టీసీ చెక్ చేస్తుండగా ఓ పదమూడేళ్ళమ్మాయి పట్టుబడింది. ఆ పిల్లను ఆనాల్సిన నాలుగు మాటలూ అని మరికాసేపట్లో వచ్చే స్టేషన్లో దిగిపొమ్మని కటువుగా చెప్పాడు టీసీ.
ఆ మాటలకు బిక్క మొహం వేసుకుందా పిల్ల.
ఇంతలో అదే బోగీలో ప్రయాణిస్తున్న సుధామూర్తి (ఇన్ఫోసిస్ వ్యవస్థాపకుడు నారాయణమూర్తిగారి భార్య) ఈ సన్నివేశాన్ని చూశారు. ఆమె టీసీతో "అంతా చూస్తూనే ఉన్నానండి. ఉన్నట్టుండి ఇలా మధ్యలో ఆ పిల్లను దిగిపొమ్మంటే ఎలా చెప్పండి. ఈ రైలు ఎక్కడి వరకూ వెళ్తుందో అక్కడిదాకా ఈ పిల్లకు టిక్కెట్ ఇవ్వండి. జరిమానాతోపాటు డబ్బు
నేనిస్తాను" అన్నారు. 
"వద్దండి. ఇలాంటి వాళ్ళకు సాయం చేయకండి. ఇలా మీరు చేశారని తెలిస్తే మరొకరిలా టిక్కెట్ లేకుండా ఎక్కుతారండి. ఇలాంటి వాళ్ళ పట్ల జాలి , దయా వంటివి చూపకూడదు" అని టీసీ గట్టిగా అంటున్నాడు.
అయినా ఆమె అవన్నీ పట్టించుకోకుండా ఆ అమ్మాయికి టిక్కెట్ తీసిచ్చారు.
ఆ తర్వాత సుధామూర్తి ఆ పిల్లను చేరదీసి ఆడిగారు ఎక్కడి నుంచి వస్తున్నావని. ఎవరూ ఏమిటి అనే వివరాలు అడిగారు.
ఆ అమ్మాయి చెప్పడం మొదలు పెట్టింది. 
ఆ అమ్మాయి ఇంట్లోంచి పారిపోయి వచ్చింది. ఆమె తండ్రి తన తల్లి చనిపోవడంతో మరో పెళ్ళి చేసుకున్నాడు. ఆయన కొన్ని రోజుల క్రితం చనిపోయాడు. తండ్రి ఉన్నంత కాలం సవతి తల్లి ఈ అమ్మాయిని బాగానే చూసుకుంది. తండ్రి పోయిన తర్వాత ఆ సవతితల్లి నానా మాటలు అనడం, కొట్టడం చేస్తోంది. దాంతో ఆ నరకయాతన భరించలేక ఈ అమ్మాయి పారిపోయి ఈ రైలెక్కింది. లక్ష్యం లేని దారీ తెన్నూ తెలియని జీవన ప్రయాణం ఆమెది. 
సుధామూర్తి ఆమె చెప్పిందంతా విన్నాది. 
బెంగుళూరూ స్టేషన్లో రైలు ఆగింది. 
ప్రయాణికులు దిగిపోతున్నారు. సుధామూర్తి కూడా దిగిపోయారు. ఆమెకోసం కారు ఆగి ఉంది. ఆ కారులో ఎక్కబోతున్న సుధామూర్తి కళ్ళు ఆ అమ్మాయికోసం చూశాయి. ఆ పిల్ల అక్కడే ఓ మూల నిల్చునుంది. ఆమె దగ్గర ఏమీ లేదు. కట్టుబట్టలతో వచ్చిన పిల్ల. 
సుధామూర్తి దగ్గరకెళ్ళి ఆ పిల్లను చేయి పట్టుకుని తనతో కారులో ఎక్కించుకున్నారు.
దార్లో తన మిత్రుడు నడుపుతున్న అనాథాశ్రమానికి కారును మళ్ళించింది. అక్కడ మిత్రుడితో ఆమ్మాయి విషయం చెప్పారు సుధామూర్తి. 
ఆ తర్వాత ఆమె మిత్రుడికి థాంక్స్ చెప్పి ఇంటికి వెళ్ళిపోయారు.
ఆ మిత్రుడు ఆ అమ్మాయిని తన హోమ్ లో చేర్చుకున్నాడు. అమ్మాయికి చదివించారు. ఆమెకు ఓ పెద్ద సంస్థలో ఉద్యోగం వస్తుంది. కంపెనీ వాళ్ళే ఆ పిల్లను అమెరికా పంపించారు. ఈ కాలమంతా గిర్రున తిరిగింది.
అమెరికాలో ఉన్న కన్నడం వాళ్ళు ఓ కార్యక్రమాన్ని ఏర్పాటు చేసి సుధామూర్తిని ముఖ్య అతిథిగా ఆహ్వానించారు. ఆమె ఆ కార్యక్రమం కోసం అమెరికా వెళ్ళారు. అక్కడ ఒక అమ్మాయి దగ్గరుండి సుధామూర్తికి అవసరమైన ఏర్పాట్లన్నీ చూసారు. అంతేకాదు ఆఖరిరోజు సుధామూర్తి లాడ్జింగుకి కట్టాల్సిన బిల్లు కోసం కౌంటర్ కి వెళ్ళారు. అయితే కౌంటర్లోని వారు "వద్దండి. మీ బిల్లంతా ఓ అమ్మాయి కట్టాశారండి" అన్నారు.
"ఎవరా అమ్మాయి? చెప్పగలరా? " అని సుధామూర్తి అడగ్గా ఓ రెండు మూడు అడుగులు వెనకే ఉన్న అమ్మాయిని చూపించారు.
"మీరెందుకమ్మా నా ఖర్చుకి pay చేశారు" అని అడగ్గా ఆ అమ్మాయి ఒక్కసారి రైల్లో టిక్కెట్ లేకుండా ప్రయాణం చేస్తూ టీసీకి దొరికిపోయిన దగ్గర్నించి ఇప్పుడు బిల్లు పే చెయ్యడం దాకా తన జీవితంలో జరిగిన సంఘటనలను చెప్తూ ఆ పిల్ల తానేనని అంది. 
"మీకు నేను జీవితాంతం రుణపడి ఉంటాను. కనీసం నాకు ఈ ఒక్క చిన్ని అవకాశమైనా కలిగింది....మీ బిల్లు నేను pay చెయ్యడం చాలా చిన్నది. నావల్ల అయిందిదే" అంటూ ఆ పిల్ల సుధామూర్తి కాళ్ళకు దణ్ణం పెడుతుంది. 
ఆ పిల్లను చూసి సుధామూర్తి ఆశ్చర్యపోయారు. ఆమెను గట్టిగా హత్తుకున్నారు. ఇద్దరి కళ్ళల్లోనూ అప్రమేయంగా కన్నీళ్ళు కారాయి..
అందుకే సహాయం చెయ్యాలి.. ఒక వేళ వారు మోసం చేస్తే వాళ్ళు ఏనాటికైనా ఖర్మ అనుభవిస్తారు.. నిజంగా వారి అవసరత నిజమైతే ఒక జీవితమే మన వల్ల ఆనందిస్తుంది.
--(())--


04. ప్రాంజలి ప్రభ అంతర్జాల పత్రిక 
హృదయపూర్వక అభినందనలు🌷*రేపు లేక మరుసటి రోజు నాటికి, దేశంలోని వ్యాపారులు తమ లాభాలను, నష్టాన్ని వదిలి దేశం మరియు సైన్యంతో నిలబడి కనిపిస్తారు.నిన్న, నోయిడా వ్యాపారులు మాల్ కోసం 150 మిలియన్ల చైనా ఆర్డర్‌ను రద్దు చేశారు.ఈ సాయంత్రం వరకు, ఎన్‌సిఆర్ నుండి కేవలం 1500 కోట్లకు మాత్రమే! చైనా యొక్క ఆగ్రహం కనిపిస్తే, మొత్తం దేశం నుండి సుమారు 2 బిలియన్ డాలర్ల ఆర్డర్ రద్దు చేయబడింది.అందుకే ఈ రోజు చైనా ప్రభుత్వ సంస్థ జిన్హువా విలేకరుల సమావేశం నిర్వహించారు. దీనిలో అతను రాష్ట్రపతి నుండి Delhiలో రెయిన్ వంటి పదాలను ఉపయోగించాడు.ప్రస్తుతం ఇది 2 బిలియన్ల వద్ద ఉంది. 62 బిలియన్ డాలర్లు మూసివేయబడిన రోజున ఏమి జరుగుతుంది.ఎన్‌ఎస్‌జి, మసూద్ అజర్‌లను పదేపదే వీటో చేసిన చైనాను మన దేశంలోని వ్యాపారులు ఎటువంటి అధికారిక పిలుపు లేకుండా మోకాళ్లపైకి తీసుకువచ్చారు. ఇప్పుడు మేము చైనీస్ వస్తువులను కొనడం మానేస్తే, అప్పుడు వ్యాపారులు అమ్మరు. ఏదేమైనా, నేటి నుండి చైనీస్ వస్తువులను బహిష్కరించిన వ్యాపారులు నిజంగా గౌరవానికి అర్హులు.దేశ ప్రయోజనాల కోసం ప్రజలు ఐక్యంగా ఉన్నప్పుడు, ఒక అర్ధవంతమైన ఫలితం ఉత్పత్తి అవుతుంది, ఇది ప్రపంచం దేశ శక్తిని గ్రహించేలా చేస్తుంది. ఫలితంగా సార్వభౌమ భారతదేశం ఏర్పడుతుంది. నిజమైన దేశ ప్రేమికులు తప్పక చదివి ఇతర సమూహాలకు పంపించాలి.రేపు భారతదేశం చైనా చేత స్వాధీనం చేసుకుంటే, దానికి మనమే బాధ్యత వహిస్తాము. భారతదేశంలో వ్యాపారం చేయడం ద్వారా బ్రిటిష్ వారు కూడా మనలను బానిసలుగా చేశారు. అప్పుడు మేము నిరక్షరాస్యులం. కాని ఈ రోజు మనం తెలివిగా ఉన్నాము.*దేశీయంగా దత్తత తీసుకోండి, దేశాన్ని రక్షించండి.* అంటూ అందరు భారతీయులూ 90 రోజుల వరకు విదేశీ వస్తువులు ఏవీ కొనకండి. అప్పడు ఇండియా ప్రపంచంలో అత్యధిక జనాభా కలిగిన రెండవ గొప్ప దేశంగా మారవచ్చు. 90 రోజులలో 1 డాలరుతో మారకం విలువ 2 రూపాయలకు సమానం అవుతుంది. మనము చాలా జోకులను పంపుతుంటాము. దయచేసి ఈ సందేశాన్ని అందరికీ చేరేటట్టు పంపండి. ఉద్యమంలో భాగస్వాములవ్వండి. గత సంవత్సరం దీపావళికి, 1 వ ప్రచారం కింద, ప్రజలు చైనా లైట్లను కొనుగోలు చేయలేదు, అప్పుడు చైనా యొక్క 20% వస్తువులు నాశనమయ్యాయి. చైనా కోపంగా ఉంది.*కాబట్టి, ఈ నిర్ణయం తప్పక తేడా చేస్తుంది**మన దేశం చాలా పెద్దది. ప్రయత్నించి చూడండి.* నేను కనీసం 50 మంది స్నేహితులను ఈ సందేశాన్ని పంపుతాను.JAI HIND
--(())--

05. ప్రాంజలి ప్రభ అంతర్జాల పత్రిక కధ 
పదమూడో శతాబ్దంలో జ్ఞానదేవ్ అనే ముని, కవి ఒక పిల్లల ఆట తయారు చేశారు. ఆ ఆట పేరు మోక్ష పదం. 
మన సంస్కృతిని, ఆచారాలను అన్నిటినీ నాశనం చేసేందుకు కంకణం కట్టుకున్న బ్రిటిష్ వారి కన్ను ఆటల్లో కూడా మనవారు పిల్లలకు విద్యాబుద్ధులు నేర్పిస్తున్నారు అని గ్రహించి
ఆ ఆటని మొత్తం బ్రిటీష్ వారు మార్పు చేసి Snakes and Ladders గా విడుదల చేసారు, వారికి కలిసి వొచ్చిన అంశం అప్పటికి ముద్రణా వ్యవస్థ అందుబాటులోకి రావడం.
అలా మోక్ష పదం కాస్తా వైకుంటపాళిగా రూపాంతరం చెందింది.
పాత కొత్త ఆటలో వొంద చతురస్రములు ఉంటాయి, తేడా వొచ్చి మన మునీశ్వరులు జ్ఞానదేవ్ రూపొందించిన ఆటలో 
12వ చతురస్రరం అంటే 'నమ్మకం' అని, 51వ చతురస్రరం అంటే 'విశ్వసనీయత' అని
, 57 వ చతురస్రరం వొచ్చి 'దాతృత్వాన్ని' సూచిస్తుంది, అలాగే 76వ చతురస్రరం 'జ్ఞానాన్ని' సూచిస్తుంది, 78వ
చతురస్రరం 'మునివృత్తి'ని సూచిస్తుంది. ఆ గళ్ళ క్రింద నిచ్చెన ఉంటుంది . ఆ గడిలో పాచిక పడితే నిచ్చేనె ఎక్కి వేగంగా ఆటలో పైకి వెళ్లే అవకాశం ఏర్పడుతుంది.
అలాగే 41వ గడి 'అవిధేయతకు' ప్రతీకగా ,44వ చతురస్రరం లో పడితే 'అహంకారం' అని, 49వ గళ్లోకి పడితే 'అశ్లీలత' అని, 52వ గడిలోకి ప్రవేశిస్తే 'దొంగతనం' అని, 58వ గడిలో 'అబద్దలాడుట' అని , 62వ 
చతురస్రరం లోకి ప్రవేశిస్తే 'తాగుబోతు' అని, 69వ గదిలోకి అడుగు పెడితే 'అప్పులుపాలు' అని,
73వ గడిలోకి ప్రవేశిస్తే 'హంతకుడు/హత్యలు' అని 84వ 
చతురస్రరం లోకి వెళితే 'కోపిష్టి' అని, 92వ చతురస్రరం 'దురాశను' 95వ గడి 'గర్వాన్ని' సూచిస్తాయి. చివరగా 99వ గడి 'కామాన్ని'
సూచిస్తాయి. ఈ గళ్ళల్లో పాము నోరు తెరుచుకుని ఆయా గుణాలను బట్టి కిందకు జారిపోతారు. 
ఆటలోనే మంచి చెడు నేర్చుకోవాలి అని ముని చెప్పకనే తెలుస్తుంది పిల్లలకు. చెడు మార్గన్ని ఎంచుకునే వారు అధం పాతాళానికి చేరుకుంటారు.
మంచి గుణాలు అలవర్చుకుంటే జీవితంలో పైకి ఎదుగుతాము అని ఆటలో కూడా చెప్పడం. 
100వ చతురస్రరం లోకి ప్రవేశిస్తే "మోక్షం"
ప్రతి నిచ్చెన పై భాగంలో ఎవరో ఒక దేవుడు/దేవత లేకపోతే వివిధ స్వర్గాలో , కైలాసం, వైకుంఠం లేదా బ్రహ్మలోకం ఇలా ఉంటాయి
ఆట ఆడుతుంటే పిల్లలకు ఉత్సాహంగా నిజ జీవితంలోని ఒడిదుడుకులు కనిపిస్తాయి. నిచ్చెన ఎక్కితే మంచి కర్మలు చేసినట్టు, పాము నోట్లో పడితే పాపాలు పడినట్టు రూపొందించారు.
అంతటి మహత్తరమైన ఆటను కూడా వక్రీకరించి తమదైన ముద్రవేసుకొని ఏ విధమైన సందేశం లేకుండా చేశారు తెల్ల తోలు కప్పుకున్న నల్లటి మనసు ఉన్న బ్రిటీషేర్స్. మన దౌర్భాగ్యం ఆ అటని మనం ఇష్టంగా ఆడడం చిన్నప్పుడు.
--(())--


06. ప్రాంజలి ప్రభ అంతర్జాల పత్రిక సమాచారం కధలు
మల్లాప్రగడ శ్రీదేవి రామక్రృష్ణ 
వాళ్ళిద్దరికీ పెళ్ళయి అరవై ఏళ్ళయింది. పెళ్లి రోజు ని చక్కగా జరుపుకోవాలనుకున్నారు. ఇద్దరూ పొద్దున్నే లేచారు. తలంటుకున్నారు. పట్టుబట్టలు కట్టుకున్నారు. ముద్ద మందారం తురుముకుందామె. " 
ఈ మధ్యనే" అయిదారేళ్ళక్రితం కొన్న అత్తరుని రాసుకున్నాడతను. కధ లోకి వస్తే.. మందారం తురుముకున్న ఆమె, అత్తరు రాసుకున్న అతను కలిసి గుడికి వెళ్ళారు. దేమునికి దండం పెట్టుకున్నారు. మరో పద్ధెనిమిది పెళ్ళి రోజులు జరుపుకోవాలని కోరుకున్నాడతను. అప్పటి కి అతనికి నూరేళ్ళు వస్తాయి. ఆమె మరో ఇరవైరెండు పెళ్ళి రోజులు జరుపుకోవాలని కోరుకుంది. అప్పటి కి ఆమెకి నూరేళ్ళు వస్తాయి. దానాదీనా ఇద్దరూ నిండునూరేళ్ళు బతకాలని కోరుకున్నారు. దేమునికి కొట్టిన కొబ్బరికాయ ని ప్రసాదముగా అతని చేతిలో పెడదామని ఇలా నేలకేసి కొట్టిందో లేదో అలా కుప్పకూలిపోయింది. అయ్యయ్యో అనుకుని ఆందోళన తో ఆమెను హాస్పిటల్ లో జాయిన్ చేసాడతను.
      బతికినంతకాలం బతకదు. ఉన్న నాలుగు రోజులూ హాయిగా బతకనీయండి. ఇంటికి తీసుకుపొమ్మని డాక్టర్ అంటే .. ఇంటికి తీసుకువచ్చాడు. వీలయిన మేరకు ఆమెకు సపర్యలు చేయసాగాడు. ఆమె కళ్ళ లోకి చూస్తూ దాపరికం లేని కళ్ళు అని ఆనందించాడు.
 గర్వపడ్డాడు. నిజంగా కూడా అంతే.. పెళ్లి అయిన దగ్గర నుంచి ఆమె అతని దగ్గర ఏదీ దాచపెట్టలేదు. అన్నీ అతనితో పంచుకునే బతికింది. 
ఒకే ఒక్కటి మాత్రం దాచిపెట్టింది. అది ట్రంకు పెట్టె. అటక మీద వుంది.
 దాని విషయం అడగకండి! అందులో ఏమున్నదీ చూడకండి అని ఆమె ఆంక్ష విధించడంతో అతను ఎన్నడూ ఆ పెట్టెను తెరవనూ లేదు, అందులో ఏమున్నదీ చూడనూ లేదు. చూడాలని చాలా సార్లు అనుకున్నా ఆ కోరిక ని అణచుకున్నాడు. 
ఇక ఇప్పుడు తప్పదు. చూడాల్సిందే.. అనుకున్నాడు. ఆ మాటే చెప్పాడామెకి. అవునవును చూడండి.. అందామె.
 అటక మీద నుంచి ఆ పెట్టెని దించి జాగ్రత్తగా తెరిచి చూసాడు. ఏమున్నాయి అందులో?
       రెండు ఊలు స్వెట్టర్ లు వున్నాయి. అంతేనా? ఓ మూడులక్షల రూపాయలు కూడా వున్నాయి. పెద్ద మొత్తమే!
        ఈ స్వెట్టర్ లు ఏంటి? అని అడిగాడు. దీర్ఘంగా నిట్టూర్చి చెప్పసాగిందామె. పెళ్ళయి మీతో పాటుగా నేనిక్కడికి బయలుదేరి వస్తునపుడు మా నాయనమ్మ నన్ను చాటుగా పిలిచి ఓ సంగతి చెప్పింది. ఏంటో అది? ఆత్రపడ్డాడతను.
      భర్త తో ఎన్నడూ పోట్లాడకు. ఒకవేళ అతని మాటలకీ, చేష్టలు కీ పోట్లాడాలన్నంత కోపం వస్తే, ఎంచక్కా స్వెట్టర్ లు అల్లుతూ కూర్చో.. 
కోపం దానంతట అదే పోతుంది అని చెప్పింది. నాయనమ్మ చెప్పినట్లుగానే ఇన్నాళ్లూ చేసాను అన్నదామె. ఆ మాటలకి అతని ఆనందానికి అంతులేకుండా పోయింది. చేతిలోని రెండు స్వెట్టర్ లనూ ప్రేమగా గుండెకు హత్తుకున్నాడు.
 అరవైసంవత్సరాల వైవాహిక జీవితంలో ఆమె తనతో పోట్లాడాలనుకున్నది రెండంటే రెండే సార్లన్నమాట! చాలు!
 ఐయామ్ గ్రేట్ అనుకున్నాడతను.
     మరి ఈ మూడులక్షలు? ఇంత డబ్బు ఎక్కడది? అని అడిగాడు.
    అదీ.. అదీ.. ఈ అరవైఏళ్ళలో నేను స్వెట్టర్లు అమ్మగా వచ్చిన డబ్బు అది అన్నదామె. అతను కళ్ళు తేలేసాడు..
--(()) - -

07. ప్రాంజలి ప్రభ అంతర్జాల పత్రిక సమాచారం 
*జీడీపీ అంటే ఏమిటి?*
    *(GDP- Gross Domestic Product)*
     మనం టీవీ లలో న్యూస్ పేపర్ లలో *GDP జీడీపీ వృద్ధిరేటు పెరిగింది, తగ్గింది* అని తరుచుగా వింటూ ఉంటాం. 
       ఐతే ఈ *GDP అంటే ఏమిటి* అనేది మనలో చాలా మందికి తెలియకపోవచ్చు. కాబట్టి అసలు GDP అంటే ఏమిటి? 
అది ఎలా లెక్కిస్తారు?
 ఎందుకు అది అంత ముఖ్యమైనది అనేది ఇప్పుడు తెలుసుకుందాం.
     *GDP అంటే Gross Domestic Product. తెలుగులో స్థూల దేశీయోత్పత్తి* అని అంటారు. అంటే ఒక సంవత్సర కాలంలో ఒక దేశంలో అమ్ముడైన మొత్తం finished products(అంతిమ వస్తువులు) మరియు సేవల మొత్తం విలువ ఎంత ఉంటుందో అది జీడీపీ అవుతుంది.
       ఉదాహరణకి ఒక సూపర్ మార్కెట్ ఉంది అనుకోండి. అది ఒక రోజు 20 రూపాయల విలువ చేసే ఒక సబ్బు, 10 విలువ చేసే చాకొలేట్, 50 విలువ చేసే పుస్తకం వీటిని అమ్మింది అనుకుందాం. అప్పుడు దాని ఒక రోజు జీడీపీ 80రూపాయలు అవుతుంది. అదే విధంగా దేశం మొత్తంలో ఉత్పత్తి అయ్యి అమ్ముడైన వస్తువుల మొత్తం విలువ కలిపితే అది ఆ దేశ జీడీపీ అవుతుంది.
       అయితే అన్ని ప్రోడక్ట్ ఈ GDP లోకి చేరవు. ఉదాహారానికి జపాన్ కి చెందిన ఒక కంపెనీ ఏదైనా మెషిన్ ని మన ఇండియాలో అమ్మితే అది మన GDP లో చేరదు. జపాన్ దేశపు GDPలో కలుస్తుంది.
          అలాగే ఈ జీడీపీ లో మాధ్యమిక వస్తువులను లెక్కించకూడదు. కేవలం అంతిమ వస్తువులను మాత్రమే లెక్కించాలి. అంటే ఉదాహారానికి కారులో వాడే టైర్, సీట్ వంటివి ఉన్నాయి అనుకుందాం. మనం వాటిని నేరుగా ఉపయోగించలేము. కానీ వాటితో కారును తయారుచేస్తే దానిని ఉపయోగించగలం. ఇక్కడ టైర్ , సీట్ వంటివి మాధ్యమిక వస్తువులు, కార్ అనేది అంతిమ వస్తువు. జీడీపీ లో ఈ అంతిమ వస్తువుల విలువను మాత్రమే లెక్కిస్తారు.
            మరొక ఉదాహరణ తీసుకుందాం. కాఫీ పొడి ఉంది అనుకుందాం దానిని మనం నేరుగా తినలేము. కానీ దానితో కాఫీ చేసుకుని తాగవచ్చు. కాబట్టి ఇక్కడ కాఫీ పొడి మాధ్యమిక వస్తువు అవుతుంది. కాఫీ అంతిమ వస్తువులోకి వస్తుంది.
           మరి మన GDP పడిపోయింది అని వింటూ ఉంటాం దాని అర్ధం ఏమిటంటే మన దేశంలో తయారైన వస్తువులను మన దేశంలో ఎక్కువుగా అమ్ముడవడం లేదు. అంటే పక్క దేశాలకు చెందిన వస్తువులనే ఎక్కువగా కొంటున్నాం అని. ఇలా జరిగితే మన దేశంలో తయారైన వస్తువులను కొనడంలేదు కాబట్టి మన దేశంలోని కంపెనీలు కూడా ఎక్కువగా వస్తువులను ఉత్పత్తి చెయ్యవు. ఉత్పత్తి లేకపోతె కంపెనీ కి లాభాలు ఉండవు. దానితో కొత్త ఉద్యోగాలు ఉండవు, లేదా ఉన్న ఉద్యోగులను తీసివేయడం జరుగుతుంది.
          మళ్ళీ మన దేశ GDP పెరగాలంటే మన దేశంలో తయారైన వస్తువులను మనం ఎక్కువగా కొనాలి. అప్పుడే మన దేశంలో కంపెనీలు ఎక్కువగా వస్తువులను తయారుచేస్తాయి. దాని వాళ్ళ ఉద్యోగాలు కూడా పెరుగుతాయి.
          ఈ జీడీపీ అనేది ఒక దేశ ఆర్థిక వ్యవ్యస్థ ఏ విధంగా ఉంది అనేది తెలుపుతుంది. ఒక క్రమ పద్దతిలో ఒక దేశం యొక్క జీడీపీ అనేది పెరుగుతూ ఉంటె ఆ దేశ ఆర్థిక వ్యవస్థ అభివృద్ధి చెందుతుంది అని అర్ధం.🍅
--(())--

 



O Radhamadhava.....how to live without You! 


వాల్మీకి మహర్షి విరచిత యోగ వాశిష్ట సారము 

13. జీవన్ముక్తుడు 
తత్వజ్ఞానమునొంద గోరువాడు ముందుగా శాస్త్ర విరుద్దముగ నడవకుండ, భోగవాసనలను పరిత్యజించ వలెను. దొరికిన దానితో తృప్తి నందవలెను. జ్ఞాన వైరాగ్యాది విశిష్టగుణములు కల్గిన సాధు పురుషుని ఆశ్రయింపవలెను. విద్యలన్నింటిలో, ఆధ్యాత్మ విద్యయె యున్నతమైనది. చిల్లగింజ వలన జలముల మకిలి తొలగునట్లు, సాధు సంగమము, సచ్ఛాస్త్రము వలన వైరాగ్యము లభించును. ఆ బ్రహ్మము ఎచ్చట వున్నదని రాముడు ప్రశ్నించినపుడు, వసిష్ఠుడు, చైతన్య రూపమున నున్న బ్రహ్మము విశ్వమంత విస్తరించివున్నదని. ఈ చిన్యయ బ్రహ్మమే బ్రహ్మ, విష్ణు, మహేశ్వరుడు, సూర్యుడు. 

ఈ జీవుడు అజ్ఞుడై దుఃఖము ననుభవించుచున్నాడు. చిత్తవృత్తులు నశించి అంతర్ముఖమైనపుడు పూర్ణత్వము ప్రకాశించును. దానిని తత్వ సాక్షాత్కారమందురు. అపుడు హృదయ గ్రంధి విచ్ఛిన్నమై సందేహములన్నియు తొలగిపోవును. సంచిత కర్మలు లయమై పోవును. బ్రహ్మం యొక్క స్వరూపమును గూర్చి చెప్పుచు వసిష్ఠుడు, అది ఆకాశములో శూన్యముగను, రాతిబండలో నిశ్చేష్టితముగను, ప్రకాశ పదార్ధములలో వెలుతురుగను, ఆ పరమాత్మ నిక్షిప్తమైయున్నాడు. రూప రహితమైన ఆకాశము నీలవర్ణముగనున్నట్లు, చిన్మయ బ్రహ్మమున ఈ భ్రాంతి జగత్తు కన్పడుచున్నది, అనే జ్ఞానము కల్గినపుడు బ్రహ్మ స్వరూపము బోధపడును. ప్రళయ కాలమున, ఈ దృశ్య సముహములన్నియు నశించును. ఆ పరమ పురుష బ్రహ్మ మెుుక్కటే మిగిలియుండును. 

అపుడు శ్రీరాముడు సూక్ష్మమైన ఈ బ్రహ్మమున, ఈ ప్రపంచ మెట్లు ఇమిడియున్నదని ప్రశ్నించెను. ఆవగింజయందు మేరు పర్వతముండ గలదా! అందుకు వసిష్ఠుడు ఏకాగ్ర చిత్తముతో, సాధు సంగమ, సత్‌శాస్త్రములను సేవించిన, నీ చిత్తమునంటి యున్న మరీచిక వంటి దృశ్య భ్రాంతి తొలగును. చైతన్యము మాత్రమే మిగిలియుండును. అహంకారము తొలగును. ఈ జగత్తు మిథ్యయే, జగత్తను వస్తువు సృష్టించబడలేదు కనుక అది లేదు. అందువలన మర్రి విత్తునందుమర్రి వృక్షమున్నట్లు, ఈ విశ్వమంతయు సూక్ష్మాతి సూక్ష్యమై, బ్రహ్మము నందు నిక్షిప్తమై యున్నది. ఇంకనూ ఈ శాస్త్రజ్ఞానము పొంద వలయునన్న, ఈ మహారామాయణమే యుత్తమమైనది. ఇందు వున్న విశేషములే మిగిలిన శాస్త్రములందున్నవి. దీనిని శాస్త్ర కోశమందురు. మంచి మందు పుచ్చుకొనిన రోగము నశించునట్లు శాస్త్రమును పఠించిన జీవన్ముక్తి లభించును. ఒక బ్రహ్మమున చిత్తము నిల్పి బ్రహ్మ గతప్రాణులై ఒండొరులు బ్రహ్మమును గూర్చి మాట్లాడు కొనువారు జ్ఞానులు. వీరు జీవన్ముత్తులు. సాధారణ మహాత్ములకు ముక్తి మరణానంతరము లభించుచు. పని పాటల నొనర్చుచు, జ్ఞాన తంత్రుడై, జాగ్రదవస్ధ యందు కూడ, నిద్రితునివలె నిర్వికారుడై మెలగువాడు జీవన్ముక్తుడగును. 

ఇంకను ఎవ్వని ముఖము సుఖము లభించిన వికసింపక, దుఃఖము లభించిన దుఃఖించక అన్ని సమయముల ఒకేరీతిగ నుండునో, లభించిన దానితో తృప్తి నొందునో అతడే జీవన్ముక్తుడు. అహంభావము లేనివాడు, కార్యము లొనర్చుచున్నను, ఒనర్పక పోయినను, కర్తృత్వాభిమానములు అంటని వాడు జీవన్ముక్తుడు. 

ఇంకను లోకమునకు భీతి కల్గించని వాడును, భీతినొందని వాడును, సుఖదుఃఖముల ననుభవించని వాడును, సంసారాసక్తి లేని వాడును. దేహియైనను నిరాకారుడు, చిత్త సహితుడయ్యు అమనస్కుడు , జగత్‌ వ్యాపారముననున్నను, కామమునకు లొంగనివాడు, పదార్ధములన్నింటియందు, ఆత్మ యొక్క పూర్ణత్వమును గాంచువాడు, జీవన్ముక్తుడనబడును. 

వాయువు స్పందనను వీడి నిశ్చలమగునట్లు, విదేహముక్తుడు మరల జన్మింపడు, మరణించడు, వ్యక్తము కాడు, అట్టివాడు బ్రహ్మమగుట వలన సృష్టి, స్ధితి, లయ మొనర్చగల్గును. అతడు ఆకాశము, మేరు పర్వతము, భూమి, జల, అగ్ని, చీకటి వెలుగు, సముద్రమై యున్నాడు. భూత,భవిష్యత్‌ వర్తమాన కాలములందు, అతడే యున్నాడు. అట్టిముక్తిని పొందుటకు ఈ జగత్తంతయు బ్రహ్మముతో నిండియుండునని గ్రహించవలెను. అట్టి జ్ఞానము పొందుటకు అభ్యాసము, యుక్తి, ఉపదేశము అవసరము. ఖేచర ముద్రలో భూమధ్యమున జగత్‌ స్వరూపమును కాంచునట్లు, జీవన్ముక్తుడు, బ్రహ్మమై సర్వమును గ్రహించును. 

ఈ బ్రహ్మము సర్వదా పవిత్రము, జాగృతమునైనను, మరల అలా కాకుండ వున్నది. నానావిధ రూపములుగ వేర్వేరుగనున్నది. ఈ బ్రహ్మమే నీటి యందు అలలు లేచునట్లు, ఈ బ్రహ్మ వస్తువునుండియె, ఈ దృశ్య జగత్తు ప్రభవించినది. రూప, రస, గంధ, శబ్ద, స్పర్శలు, క్రియలు వీటి జ్ఞానము కూడ ఈ బ్రహ్మము వలననే గల్గుచున్నది. ప్రకాశ స్వరూపమగు ఈ బ్రహ్మము స్వయం ప్రకాశమే. బుద్దిగుహ యందుండి దానిని ప్రకాశింప జేయుచున్నది. దీనినెవ్వరు ప్రకాశింప జేయలేరు. చిత్త వృత్తుల నిరోధించి, మనస్సును కూడ లయమొనర్చిన, మిగిలియుండు అవర్ణనీయ సాక్షి చైతన్యమే అయ్యది. 

శరీరమునకు వాతాది స్పర్శలు తగిలినను, చిత్తమునకు, స్పర్శ జనించి, వికారము కలుగునట్లు బ్రహ్మమున్నది. అచల స్వభావులగు స్ధావర పదార్ధములకు మనోబుద్యాది ఇంద్రియములు లేకున్నను, చైతన్యమున్నట్లు, పరమాత్మస్ధితి సర్వత్ర విస్తరించియున్నది. బ్రహ్మ, సూర్య, విష్ణు, హరాధి దేవతలు లయమైనను, ఈ బ్రహ్మ మొక్కటియె మిగిలియుండును. దీనికెట్టి యుపాధి లేనందున, నిర్వికల్ప స్వరూపమగును. 

ఈ జగత్తు బ్రహ్మమున నున్నను, దీనికి వేరు రూపము లేదు. కాటుక కును నలుపునకును భేదము లేనట్లు, బ్రహ్మమునకు జగత్తుకు భేదము లేదు. అలాగే మంచుకు చల్లదనమునకు భేదము లేదు. నీరు ద్రవ భావమును, వాయువు స్పందన రూపమును, ప్రకాశము కాంతి ఆకారము దాల్చుకున్నట్లు, బ్రహ్మము జగదాకారము వహించియున్నది. దృశ్యమున్నను ద్రష్టయుండును. దృష్టి యుండిన దృశ్యముండును. ఈ రెంటికిని బంధమున్నది. వీటిలో ఏ ఒక్కటి లేకున్న, రెంటికి ముక్తి కల్గును. దృశ్యబుద్ధి సంపూర్ణముగ నశించు వరకు, దృశ్యమగుపించు చుండును.

[09/10, 18:45] +91 92473 43585: మహా ప్రస్థానం:-


❇️ ప్రస్థానం అనగా యాత్ర

❇️ మహాప్రస్థానం అనగా అంతిమయాత్ర (తిరిగి రాని యాత్ర)    

   

➡ ఈ యాత్ర జరగవలసినది ఆత్మకు కానీ, దేహానికి కాదు.

➡ అనగా ఆత్మ, భూమి మీద జన్మకు మళ్ళీ తిరిగి రాని యాత్రను నిర్వర్తించాలి.

➡ ఈ యాత్రను సమాప్తం చేయాలంటే  'నేను' అనే అహంకారం తొలగాలి.

అహంకారం పోవాలంటే "ధ్యానం", ఆత్మ విచారణ, స్వాధ్యాయం, సజ్జన సాంగత్యం తప్పకుండా చేయాలి.

[09/10, 19:02] +91 92473 43585: రోగం అనేది శిక్ష కాదు, 'ఓ శిక్షణ'.

[11/10, 18:44] +91 92473 43585: మనలోకి 'మనం' వెళ్తే, మనల్ని మనం అర్థం చేసుకుంటే, ఇతరులను అర్థం చేసుకోవడం చాలా సులభం.

[11/10, 19:01] +91 92473 43585: 'కర్మఫలం' మీద ఆశ పడకుండా 'కర్మాచరణ' లో మాత్రమే  నిమగ్నం కావడమే "కర్మయోగం".

[12/10, 20:14] +91 92473 43585: ఏకాంతం అంటే ఒంటరితనం కాదు, జనసాగరం లో ఉండి కూడా అంతర్ముఖుడై ఉండటం.

[13/10, 19:28] +91 92473 43585: గురువు అంటే నేర్పించేవాడు కాదు! శిష్యుడు అంటే నేర్పించబడేవాడుకాదు! నిజానికి ఎవ్వరూ ఎవ్వరికీ ఏ విద్యను అందించలేరు!


 అయితే, ఎవరికి వారు తమ తమ సాధన అవగాహనల ద్వారా 'నేర్పు' ఉన్నవారి 'నేర్పరితనం' చూసి నేర్చుకుంటారు!  తగిన సాధన క్రమంలో, అనుభవక్రమంలో లఘువులు (శిష్యులు) గురువులుగా ఎప్పుడూ అవుతూనే ఉంటారు!

[13/10, 19:36] +91 92473 43585: ప్రతి సంకల్పమూ శూన్యం అవటమే - ధ్యానం.

[14/10, 18:55] +91 92473 43585: మాయ - యమ:-


యమ అనే శబ్దాన్ని తిప్పి చదివితే మాయ అనే శబ్దం వచ్చును.


➡ యముని కర్తవ్యం ఏమిటంటే

 మనము భౌతిక శరీరాలము అనే 'మాయ'ను  తొలగించడమే.

[14/10, 19:46] +91 92473 43585: పదార్థ త్యాగం - పరమార్థ యోగం:-


 'పదార్థం'పై మమకారాన్ని త్యాగం చేస్తేనే 'పరమార్థం' వైపు దారి మళ్ళుతుంది.  


భౌతిక పదార్థాలు నిమ్న లోకాల వైపు దారి తీస్తే, పరమార్థ యోగం ఊర్థ్వ లోకాల వైపు దారి తీస్తుంది.

[16/10, 20:10] +91 92473 43585: జగత్తు మిథ్య - బ్రహ్మం మిథ్య

 ( మొదటి జన్మల్లో)


జగత్తు సత్యం - బ్రహ్మం మిథ్య

( తరువాతి జన్మల్లో)


జగత్తు మిథ్య - బ్రహ్మం సత్యం

(సాధన మొదలు పెట్టిన తొలి జన్మల్లో)


జగత్తు సత్యం - బ్రహ్మం సత్యం

( మోక్ష దశకు చేరువయినప్పుడు)


జగత్తు అనగా ఇహలోకం,  బ్రహ్మం అనగా పరలోకం. (ఊర్ధ్వ లోకాలు)

 యధార్థం ఏమిటంటే జగత్తు సత్యమే (తాత్కాలిక సత్యం),  బ్రహ్మము సత్యమే (శాశ్వత సత్యం)

[18/10, 20:01] +91 92473 43585: ప్రార్ధన:-  ప్రా+ అర్థన 

➡️ ప్రాణ శక్తిని అర్థించడం (కోరడం)

➡️ మరి ప్రాణ శక్తి అత్యధికంగా లభించేది 'ధ్యానం'లో మాత్రమే.

[21/10, 20:17] +91 92473 43585: వృక్షారణ్యంలో ఉండే యోగి కన్నా,


జనారణ్యంలో ఉండే యోగి శక్తి చాలా ఎక్కువ.

[26/10, 20:09] +91 92473 43585: ఎదిగే చెట్టుకు పట్టిన చెద పురుగే అహంకారం.

[27/10, 19:37] +91 92473 43585: ఎవరైనా నచ్చకపోతే,  వారి గురించి ఆలోచించడం ద్వారా చాలా శక్తి వృధా అవుతుంది.

[28/10, 20:17] +91 92473 43585: నీవు ధ్యాన కేంద్రం లో కూర్చొని ధ్యానం చేయడం కాదు;


 నీవు ఎక్కడ కూర్చొని ధ్యానం చేస్తే అదే "ధ్యాన కేంద్రం" అవుతుంది.

[29/10, 18:58] +91 92473 43585: నేను వేరే, నువ్వు వేరే, నేను ఇదే, నేను ఇంతే, ఇది నాది అనే భావాల్ని సమగ్రంగా, సంపూర్ణంగా వదలిపెట్టగలగడమే సన్యాసం.

[29/10, 19:04] +91 92473 43585: ప్రజల్పం అంటే 'అసందర్భపు ప్రేలాపన',  'పనికిరాని మాటలు మాట్లాడటం'.


 ప్రజల్ప రాహిత్యం అంటే శక్తిని పొదుపు చేయటం అనగా నోట్లో నుంచి ఒక్క అనవసరపు మాట కూడా మాట్లాడకుండా ఉండటం.

[30/10, 19:45] +91 92473 43585: 👉 'వర్తమానం'లో ఉండడమే- పాజిటివ్ ఎనర్జీ 


👉 'భూత, భవిష్యత్తు' లో ఉండడమే- నెగిటివ్ ఎనర్జీ

[30/10, 20:07] +91 92473 43585: 👉 చలం - కదిలేది (ఉయ్యాల ఊగడం)

👉 నిశ్చలం - కదలనిది కానీ కదలడానికి అవకాశం ఉన్నది. (ఉయ్యాల ఆగడం)

👉 అచలం - ఎట్టి కదలిక లేనిదే అచలం. (ఉయ్యాలకు ఆధారమైన కొక్కెం.Hook)

 ✳️ అచలమే చలానికి, నిశ్చలానికి ఆధారం.


➡️ రఘుగా (నామరూపాలు) ఉన్నంతకాలం చలం, నిశ్చలం రెండు ఉంటాయి. రఘును దాటితే ఉండేది అచలమే.

➡️ చలం, నిశ్చలం కలిగిన నేను - ఉన్నట్లున్న నేను;    అచలం కలిగిన నేను - అసలైన నేను.

[01/11, 18:56] +91 92473 43585: నేను స్వతంత్రుడినా?  అస్వతంత్రుడినా? అని నిన్ను నీవు  ముందు ప్రశ్నించుకో.


👉 నీవు స్వతంత్రుడివే అయితే,  'నా కర్మకు నేనే బాధ్యుణ్ణి' అని అనుకుని ప్రశాంతంగా ఉండు.

👉 నీవు అస్వతంత్రుడివే అయితే,  'కర్త భగవంతుడు' అని స్థిమితంగా ఉండు.

[02/11, 18:51] +91 92473 43585: 'సత్యం'తో పరిశోధనలు చేయడానికి ఉన్న అద్భుతమైన పరికరమే మన "జీవితం".

[02/11, 19:35] +91 92473 43585: ➡ బింబం - ఆత్మ

➡ ప్రతిబింబం - ప్రపంచం

➡ అద్దం - మాయ 


బింబం సరిచేసుకోవడానికే అద్దం.


 ఆత్మ తనను తాను అద్దంలో (మాయ) చూసుకుని,  సవరించుకుంటే (ఉద్ధరించుకుంటే) అదే ప్రపంచాన్ని సవరించడం (ఉద్ధరించడం) అవుతుంది.

[03/11, 18:52] +91 92473 43585: తప్పు సామెత:- 

పండగ పూట పాత మొగుడేనా


సరి అయిన సామెత:-

పండగ పూట పాత మడుగేనా ( వస్త్రమేనా)

అనగా పండగపూట కొత్త వస్త్రాలను ధరించమని..

[05/11, 18:44] +91 92473 43585: తప్పు సామెత:-

 ఇల్లు ఇరకాటం - ఆలి మర్కటం (కోతి)


సరి అయిన సామెత:-

ఇల్లు ఇరు కవాటం - ఆలి మరు కవాటం

అనగా ఇంటికీ రెండు తలుపులు ఉండాలి.,  భార్య తలుపు చాటు ఉండాలి అని.

[06/11, 18:21] +91 92473 43585: 4 దశలు


1) ఆర్తః:- ఆర్తనాదాలు చేసేవారు. అనగా ఏదైనా 'కష్టాలు' వచ్చిన తర్వాతనే భగవంతుణ్ణి స్మరిస్తారు.

2) అర్థార్థి:- ఏదైనా 'ప్రయోజనం', 'కోరికలు' ఉంటేనే భగవంతుణ్ణి స్మరిస్తారు.

3) జిజ్ఞాస:- వీరు నిజంగా భగవంతుణ్ణి 'తెలుసుకోవాలని' తపన పడేవారు.

4) జ్ఞాని:- చివరికి భగవంతుణ్ణి తానే అని 'తెలుసుకున్నవారు'. మనమందరం ఆ పరమాత్మ యొక్క స్వరూపాలమని అందరికీ 'తెలియచేసేవారు'.

[08/11, 18:47] +91 92473 43585: మన "మనస్సు" ఎలా పనిచేస్తుందో, శాస్త్రజ్ఞుల యొక్క వివరణ:-


 ఉదాహరణ:- ఒక స్నేహితుడు వచ్చాడు.,  అతన్ని ఆనందంగా లోపలికి ఆహ్వానించాము.


 ఈ యొక్క సంఘటనలో 4 విభిన్న పరిస్థితులు మనస్సులో చోటు చేసుకున్నాయి.,  అవేంటో చూద్దాం


1) Conscious:- అనగా ఎరుక.,  'ఒకడు' వచ్చాడు అని తెలుసుకోవడమే ఈ సంఘటనలో మొదటి పరిస్థితి.


2) Perception:- అనగా గుర్తించటం. ఆ వచ్చిన ఒకరు తన 'స్నేహితుడు' అని గుర్తించడమే రెండవ స్థితి.


3) Sensation:- అనగా అలజడులు. బాధ, ఆనందం, భయం, కోపం, దయ (ఇవి కొన్ని మాత్రమే). ఈ సంఘటనలో చూసిన వెంటనే 'ఆనందం' కలిగినది అనే స్థితి.


4) Reaction:- అనగా ప్రతి స్పందన. పై ఉదాహరణలో 'లోపలికి ఆహ్వానించడమే' ఈ సంఘటనలోని ప్రతి స్పందన.


మన మనస్సు -- ఈ సంఘటన అంతా (4 పరిస్థితులు) ఒక సెకనులోని 10 లక్షల వంతు సమయంలోనే జరుగుతుంది. మనకు ఎంతయితే Sensation ఉంటుందో అంతా Reaction ఉంటుంది.  అందువలన యోగులు Sensation స్థితిలో స్థిరంగా ఉంటారు.

1 .
నీలో అనంతశక్తి ఉందని విశ్వాసం కలిగి ఉండు. జాగరూకుడవై ఆ శక్తిని వ్యక్తపరచు. "నేను ఏదైనా సాధించగలను". అని సంకల్పించు. పాము విషం కూడా గట్టిగా తిరస్కరిస్తే మీపట్ల నిర్వీర్యమైపోతుంది. "చేయలేను" అని అనవద్దు. ప్రతికూల భావనలు రాకూడదు జాగ్రత్త!

2 
లోపం ఉన్నదని భావించడమే లోపాన్ని సృజిస్తున్నది. బలం, పరిపూర్ణతల గురించి భావించడమే లోపాన్ని సరిదిద్దగలదు.

3 .
మనం చేసే ప్రతి ఆలోచన మన శరీరాలు అనే ఇనుప ముద్దలపై పడే చిన్న సుత్తి దెబ్బల లాంటిది. దాని నుండి మనం ఏమి కావాలని అనుకుంటున్నామో అలా రూపొందుతాం. మన ఆలోచనలు ఎలా తయారు చేస్తే అలా అయ్యాం మనం. అందువల్ల మీరేం ఆలోచిస్తున్నారు అనే దాని పట్ల జాగ్రత్త వహించండి.

4 .
మనస్సు శాంతితో, ఏకాగ్రతతో ఉన్నప్పుడే, మన శక్తి అంతా ఉత్తమ కార్యసాధనలో వినియోగపడగలదు. ఈ ప్రపంచంలో ప్రభవించిన ఉన్నతమైన కార్యశీలుర జీవితచరిత్రలను చదివితే వారంతా స్థిరచిత్తులని గ్రహించగలరు.

5 .
శరీరాన్ని గురించి మనమెంత తక్కువగా ఆలోచిస్తే అంత మంచిది. ఎందుకంటే, మనలను కిందికి దిగలాగేది ఈ శరీరమే. సంగత్వం, దేహాత్మబ్రాంతి - ఇవే మన దుఃఖాలకు కారణం.

6 .
మన చుట్టూ ఉండే విషయాలు ఎన్నటికీ మెరుగుపడవు. అవి ఎప్పుడూ ఒకేలా ఉంటాయి. వాటిలో మనం తెచ్చిన మార్పుల ద్వారా మనమే పరిణతిని పొందుతాం.

7 .
రాత్రీ పగలూ ఒక్కటిగా కూడజాలవు. రాముడు కాముడు ఒక్కచోట ఉండలేరు.

8 
లక్ష్య వస్తువుపై ఏకాగ్రత పెంచుకోవడానికి ముందు మీరు ఇతర విషయాల పట్ల ఆసక్తిని తగ్గించుకోవాలి.

9 .పిరికితనాన్ని మించిన మహాపాతకం మరొకటి లేదు. పిరికిపందలు రక్షించబడరు. అది నిశ్చయం.

10 .
విజయం పొందాలంటే, మొక్కవోని పట్టుదలను, ప్రబలమైన సంకల్ప శక్తిని నీవు కలిగి ఉండాలి. 'నేను సముద్రాన్నే తాగేస్తాను. నా సంకల్ప శక్తితో పర్వతాలు కూడా పొడి పొడి కావలసిందే! అని పట్టుదల గలవాడు అంటాడు. అటువంటి వీర్యోత్సాహంతో, ధృఢ సంకల్పంతో కష్టపడి పని చేయి. తప్పక గమ్యాన్ని చేరతావు.

11 .ఒక ప్రాపంచిక క్షుద్రకీటకం మాదిరి చావటంకంటే, సత్యాన్ని భోధిస్తూ కార్యరంగంలో మరణించటం ఉత్తమం.

12 స్త్రీకి గాని, పురుషుడుకి గాని - హృదయపవిత్రతే మొదటి సుగుణం.

13 .మనం తలపెట్టిన ప్రతీ కార్యంలోను మెచ్చుకొనేవారు కొందరు, తప్పులెన్నేవారు కొందరు ఉంటారు.

14 . మీలోని దివ్యత్వాన్ని పెంపొందించేది పుణ్యం; పాశవికతను పెంచేది పాపం.

15 . ..
ఏ వ్యక్తి అయినా, ఏ దేశమైనా ఉన్నత స్థితికి చేరుకోవాలంటే మూడు లక్షణాలు అవసరం. అవి-
1. మంచితనానికి ఉన్న శక్తి పట్ల అఖండ విశ్వాసం.
2. అసూయ, అనుమానం లేకుండా  ఉండడం.
3. మంచిగా ఉండాలనుకునే వారికీ, మంచి చేయదలచుకునే వారికి తోడ్పడటం.
స్వామి వివేకానంద స్ఫూర్తి... రోజుకో సూక్తి - మార్చి 28.

16 .
లేవండి! మేల్కొనండి! ఇకపై నిద్రించకండి (అజ్ఞానాంధకారము నుండి బయటకు రండి). ప్రతి ఒక్కరిలోనూ కోరికలు, దుఃఖాలను తొలగించుకొనే శక్తి ఉంది. నమ్మండి! అప్పుడు ఆ శక్తి ప్రకటితమవుతుంది.
స్వామి వివేకానంద స్ఫూర్తి... రోజుకో సూక్తి - మార్చి 26.

17 ...
ధీరులూ, సమర్ధులైన కార్యసాధకులకే అదృష్టం అనుకూలిస్తుంది. దిగంతాలను తాకే వీరోచితమైన ధైర్యోత్సాహాలతో ప్రయత్నిస్తూ కడదాకా వేచి ఉండేవారే అధ్బుతాలను సుసాధ్యం చేయగలరు.

17. 
ప్రతీ వ్యక్తి సొంత ఆదర్శాన్ని తీసుకుని, దానిని సాధించడానికి ప్రయత్నించాలి. తానెన్నటికీ సాధించే ఆశ లేని ఇతరుల ఆదర్శాలను ఆచరించడం కంటే, తను నమ్మిన ఆదర్శాన్ని సాధించే వరకు ప్రయత్నించడమే పురోగతికి ఖచ్చితమైన మార్గం.



18. 
నాయనలారా! నిజమైన మానవులవ్వండి. అదే నేను కోరేది. దీనిలో మీరు కొంతైనా విజయం సాధించినా, నా జీవితం సార్ధకమైనట్లు భావిస్తాను.


19. 
ధ్యైర్యం, నీతిపరత్వం తప్ప నా బిడ్డలైన మీకు మరే మతం అవసరం లేదు.


20. 

కృతజ్ఞత, అతిధిసత్కారం భారతీయుల ప్రత్యేక లక్షణాలని మనం గుర్తించాలి.


   ప్రతి మనిషిలోను దివ్యత్వం గర్భితంగా ఉంది. ఆ దివ్యత్వాన్ని వ్యక్తం చేయడమే జీవిత పరమావధి. దివ్యత్వం గల పవిత్రులూ, మంచివారైన వ్యక్తుల దరికి దుఃఖం ఎన్నటికీ చేరదు.

  మన దేశానికి ఇప్పుడు కావలసింది ఇనుప కండరాలు, ఉక్కు నరాలు. ఇంకా ఎవ్వరూ నిరోధించలేనిదీ, జగత్తులో రహస్యాలను ఛేదించగలిగేదీ అయిన వజ్ర సంకల్పం! మహా సముద్రంలో అట్టడుగునకు మునగవలసి వచ్చినా, ముఖాముఖీ మరణాన్ని ఎదుర్కోవలసి వచ్చినా, లక్ష్యాన్ని ఏ విధంగానైనా సాధించగలిగే ధృఢసంకల్పం మనకు కావలసి ఉంది.