ప్రాంజలి ప్రభ - నేటి సూక్తులు 

* ఏ నీ గుణములు కర్ణేంద్రియంబులు సోఁక దేహతాపంబులు దీఱిపోవు 

నే నీ శుభాకార మీక్షింపఁ గన్నుల కఖిలార్థలాభంబు గలుగుచుండు 

నే నీ చరణసేవ లే ప్రొద్దు చేసిన భువనోన్నతత్వంబుఁ బొందఁగలుగు 

నే నీ లసన్నామ మేప్రొద్దుభక్తితోఁ దడవిన బంధసంతతులు వాయు 

నట్టి నీయందు నా చిత్త మనవరతము నచ్చియున్నది నీ యాన నానలేదు 

కరుణఁ జూడుము కంసారి! ఖలవిదారి! శ్రీయుతాకార! మానినీ చిత్తచోర! 

పోతనామాత్య "భాగవతము" దశమ స్కంధము నుండి

****

* వస్త్రేణ వపుషా వాచా విద్యయా వినయేనచ

వకార పంచకేనైవ నరః ప్రప్నోతి గౌరవం

వస్త్ర ధారణ , శరీర స్వభావం , మాట్లాడేతీరు , విద్య , వినయం వకార పంచకం వీటితో మనిషిలో మార్పు వస్తుంది మంచి నడవడిక అయితే గౌరవం , చెడుని ఆశ్రయిస్తే నరకం ।

****

* న చోరహార్యం నచరాజ హార్యం 

న భ్రాత్రృభాజ్యం నచ భారకారి

వ్యయేక్రృతే వర్ధత ఏవ నిత్యం

విధ్యాధనం సర్వ ధనప్రధానం

దొంగలు దొంగిలించ లేనిది, ప్రభువులు స్వాధీనం చేసుకో లేనిది, సోదరులు పంచుకో లేనిది ఖర్చుచేసిన దినదిన ప్రవర్ధమాన మయ్యేది, అయిన విద్యా సంపద అన్నీ సంపదల్లోకెల్ల ప్రధాన మైనది

****

* ఏనికమోముతా ల్పెలుక నెక్కిన రావుతురాజు సౌరసే 

నానియనుంగుఁబెద్దన వినాయకదేవుఁడు కర్ణతాళఝం 

ఝూనిలతాడనంబున నిరంతరమున్ బ్రబలాంతరాయసం 

తానమహాఘనాఘన కదంబములన్ విదళించుఁ గావుతన్ 

ఏనికమోముతాల్పు= గజముఖుడు, ఎలిక।।। రాజు= మూషికవాహనుడు, సౌర।।అన్న=దేవతల సైన్యాధిపతి కుమారస్వామి అన్నగారు అయిన వినాయకుడు, కర్ణ ।। తాడనంబునన్= చెవులగాలితో, ప్రబల ।। కదంబములన్=విఘ్నములను కారుమబ్బులను, విదలించుగావుతన్=పోఁగొట్టుఁగాక 

గజముఖుడు,  మూషికవాహనుడు, దేవతల సైన్యాధిపతి కుమారస్వామి అన్నగారు అయిన వినాయకుడు,  చెవులగాలితో, విఘ్నములను కారుమబ్బులను, పోఁగొట్టుఁగాక 

****

శ్రీనాథ కవిసార్వభౌముని "శ్రీభీమేశ్వర పురాణము (భీమఖండము)" నుండి గజానన ప్రార్ధన

*అపూర్యమాణ మచల ప్రతిష్ఠం,

సముద్ర మాపః ప్రవిశన్తి యద్వద్।

ఆపూర్వమాణ మంటే అంతటా నిండినది। అచల ప్రతిష్ఠర్సకదలక మెదలక ఉండేది। అది రాలేదే, ఇది రాలేదే, ఇంకా నీరు చాలదే అని సముద్రం దుఃఖించదు। కొంచెమయినా చలనం లేనిది సముద్రం।

అంతటా ఆవరించి ఉండేది  " గాలి " ఇదే జీవకోటి ప్రాణాధారం, సముద్రంలో ఎంత నీరు చేరిన తన గుణం మార్చుకోదు, అట్లే అహంతో ఉన్నదా మగవాడికి ఎన్ని మంచి  చెప్పిన యాలకు ఎక్కవు కదా ? 

****

"కవితా కన్య రసజ్ఞత కవి కన్నా

రసజ్ఞుడెరుంగు గాని కవి కేమి ఎరుగు;

నవ కోమలాంగి సురతము

భర్త ఎరుంగును కాని తండ్రికేమి తెలియును"

,

భావము:

కవిత యొక్క భావంలోని అందం అది వ్రాసిన కవికంటే దాన్ని ఆస్వాదించే రసజ్ఞులకే బాగా తెలుస్తుంది। అలాగే యవ్వన స్త్రీ యొక్క సొగసులు తండ్రి కంటే కూడా భర్తకే బాగా తెలుస్తుంది

*****

* శరచ్చంద్రప్రకాశేన వపుషా శీతలద్యుతిమ్,

ధ్యాయేత్సింహాసనాసీనముమయా సహితం శివమ్।

శరత్కాలమునందలి చంద్రునివంటి కాంతిగల దేహముతో గూడినవాడును, చల్లనికాంతిగలవాడును, సింహాసనమున గూర్చుండినవాడును, ఉమతో గూడిన శివుని ధ్యానించుచున్నాను।

దేవత: శంభువు, ఋషి: శంభువు

****

అదిపర్వం 1-6 -175 

*క// ధరణీ దిశ ప్రసారిత ;గురుకర నికరంబు లుడిచికొని దీర్ఘనిరం ;// 

తరగతి ఖిన్నుడ పోలెను;హరిదశ్వుడు విశ్రమించె నస్తాద్రిదరిన్ 

దీర్ఘనిరం తరగతిన్= ఎడతెగని నడక చేత // 

ఖిన్నము =భేదము నొందినది //ఖిన్నుడ పోలెను= అలసెనో అనునట్లు//కరము =కిరణము ,చెయి 

విరామము లేని సుదీర్ఘ గతిచేత అలిసెనో యనునట్లు ; సూర్యుడు భూమిపై చాపిన స్వీయ కిరణములనే చేతులను అస్తగిరిగుహ లోకి ముడుచుకొని విశ్రమించాడు । 

ఈ పద్యములో ప్రతిఒక్కరు పగలు శ్రమించిన రాత్రి యందు నిద్రలో విశ్రాంతి సుఖము కలుగునని నీతి ణాని తీసుకోక తప్పదు 

*****

* అహు: సత్యంహి పరమం ! ధర్మం ధర్మవిధో జనా:

(రామాయణంలో అయోధ్యకాండ, 14 వ సరిగా, ౩వ శ్లోకం) 

ధర్మం తెలిసిన సజ్జనులు సత్యపాలననే పరమధర్మమని చెపుతూ ఉంటారు

రామాయణంలో దశరధుని భార్య కైకేయి "వరాలిస్తావని ప్రతిజ్ఞ చేసావు"  తీర్చమని అడుగగా "ఎదో తప్పు చేసినట్లు తెగ భాద పడతావేమి " ధర్మం తెలిసిన సజ్జనులు సత్యపాలననే పరమధర్మమని చెపుతూ ఉంటారు " నీ మాటను నిలబెట్టుకొని ఉత్తమగతిని పొందవయ్య అని పలికిన సందర్భం। 

"ప్రతిఒక్కరు వాగ్దానాలు చేసేటప్పుడు చాలా జాగర్త పడాలి లేదా దశరధుని గతి పట్టవచ్చు అనే హెచ్చరిక"।  

ఒక స్త్రీకి సహాయం చేద్దామను కోవటం తప్పుకాదు నెరవేర్చ గలమో లేదో ఆలోచించాలి అనేదే ఇందు నీతి 

*****

। 

* అమ్మలఁ గన్నయమ్మ, ముగురమ్మలమూలపుటమ్మ, చాలఁ బె 

ద్దమ్మ, సురారులమ్మ కడు పాఱడి వుచ్చిన యమ్మ, తన్ను లో 

నమ్మిన వేల్పుటమ్మల మనమ్ముల నుండెడి యమ్మ, దుర్గ, మా 

యమ్మ, కృపాబ్ధి యిచ్చుత మహత్త్వకవిత్వ పటుత్వ సంపదల్। 

। 

భావము: 

దుర్గాదేవి తల్లు లందరికి తల్లి; సప్తమాతృకలను కన్నతల్లి; ముల్లోకాలకు మూలమైన లక్ష్మి సరస్వతి పార్వతులకు మూలమైన తల్లి; అందరు అమ్మల కన్నా అధికురాలైన గొప్పతల్లి; రక్కసి మూకలను అణచిన యమ్మ; నమ్ముకున్న దేవతామతల్లుల నిండు మనసులలో నివసించే తల్లి; అయిన మా అమ్మ దయాసముద్రి అయ్యి ఈ మహాభాగవత తెలుగు ప్రణీత మందు కవిత్వంలో గొప్పదనము, పటుత్వములను సమృద్ధిగా ప్రసాదించు గాక। 

తల్లి హృదయంలో నిండు మనసుతో బిడ్డ లందరు సేవచేస్తూ ఆరాధించాలనేదే ఇందు నీతి  

****

* ధర్మోహి పరమోలోకే ధర్మే సత్యం ప్రతిష్ఠితమ్

(అయోధ్యకాండము -21వసర్గ - 40 వ శ్లోకం)

సత్యమనే గుణం సక్రమంగా నిలబడాలంటే ధర్మమార్గమే ప్రధానమైనది।

రామాయణంలో అరణ్యమునకు పోయిన రాముడ్ని కలసిన భరతుడు అయోధ్యకు వచ్చి పట్టాభిషేకము చేయిన్చుకొని మా కందరికి సంతోషాన్ని కలిగించమని వేడుకొనెను। వారిమాటలకు సంతోషం వక్తపరుస్తూ  రామచంద్రుడు పలికిన మాటలు।

"తండ్రి మాటను జవ దాట రాదు అనేది ధర్మము, సత్య గుణం రక్షించ బడాలంటే ధర్మాన్ని అను సరించి తీరాల్సిందే "  

 "తండ్రి మాట " ఎట్టి పరిస్థితిలో తృణీకరించ కూడదనేది రాయణంలోని సూక్తి

****

* పితుర్హి వచనం కుర్వన్ ! నకశ్చిన్నామ హీయతే !!

(అయోధ్యకాండము -21వసర్గ - 36 వ శ్లోకం)

"తండ్రిమాటను పాటించు వాడు ఎన్నటికీ నాశనం పొందడు"

రామాయణంలో అరణ్యమునకు పోయిన రాముడ్ని కలసిన  "తల్లి కౌసల్య "  అయోధ్యకు వచ్చి పట్టాభిషేకము చేయిన్చుకొని మా కందరికి సంతోషాన్ని కలిగించమని వేడుకొనెను। తల్లికి దు:ఖం  కలిగించరాదు నాయనా  అన్నమాటలకు సంతోషం వక్తపరుస్తూ  రామచంద్రుడు పలికిన మాటలు।

"తండ్రి మాటను జవ దాట రాదు అనేది ధర్మము, తండ్రి మాటకు కట్టుబడి ఉన్నవాడు మంచి ఫలితము పొందుతాడు,  ధిక్కరించిన వాడు నాశనము పొందుతాడు అది మీకు తేలుసు కదమ్మా,  సత్య గుణం రక్షించ బడాలంటే తండ్రి మాటను ధర్మాన్ని అను సరించి తీరాల్సిందే "  

 "తండ్రి మాట " పాటించేవాడు సుఖ సంతోషాలతో ఉండగలడనేదే రాయణంలోని సూక్తి

*****

 

Mallapragada Sridevi: ప్రతి మనిషి జీవితంలో ముఖ్యమైన వైద్య సంఖ్యలు

1. రక్తపోటు: 120/80

2. పల్స్: 70 - 100

3. ఉష్ణోగ్రత: 36.8 - 37

4. శ్వాసక్రియ: 12-16

5. హిమోగ్లోబిన్: పురుషులు (13.50-18)

 ఆడవారు ( 11.50 - 16 )

6. కొలెస్ట్రాల్: 130 - 200

7. పొటాషియం: 3.50 - 5

8. సోడియం: 135 - 145

9ట్రైగ్లిజరైడ్స్: 220

10. శరీరంలో రక్తం మొత్తం: 5-6 లీటర్లు

11. చక్కెర: పిల్లలకు (70-130)

 పెద్దలు: 70 - 115

12. ఐరన్: 8-15 మి.గ్రా

13. తెల్ల రక్త కణాలు: 4000 - 11000

14. ప్లేట్‌లెట్స్: 150,000 - 400,000

15. ఎర్ర రక్త కణాలు: 4.50 - 6 మిలియన్లు..

16. కాల్షియం: 8.6 - 10.3 mg/dL

17. విటమిన్ D3: 20 - 50 ng/ml (మిల్లీలీటర్‌కు నానోగ్రామ్‌లు)

18. విటమిన్ B12: 200 - 900 pg/ml

 

మీకు దాహం అనిపించకపోయినా లేదా అవసరం లేకపోయినా ఎల్లప్పుడూ నీరు త్రాగండి ... అతి పెద్ద ఆరోగ్య సమస్యలు మరియు వాటిలో ఎక్కువ భాగం శరీరంలో నీరు లేకపోవడం.

మీరు మీ ప్రాధాన్యతలో అగ్రస్థానంలో ఉన్నప్పుడు కూడా క్రీడలు ఆడండి... శరీరాన్ని తప్పనిసరిగా కదిలించాలి, కేవలం నడక ద్వారా లేదా ఈత ద్వారా... లేదా ఏ రకమైన క్రీడలు అయినా.

 విపరీతమైన ఆహార కోరికలను వదిలేయండి...ఎందుకంటే అది ఎప్పుడూ మంచిని తీసుకురాదు.

 కోపం వదలండి...

 కోపం వదలండి.

*****

: ఒక తండ్రికి కొడుకు నుండి ఒక సందేహం.... మీ కాలంలో1. ఇంత టెక్నాలజీ లేదు..2.విమానాలు లేవు..3.. ఇంటర్నెట్ లేదు..4.. Tv లు లేవు..5.. కంప్యూటర్ లు లేవు..6.. ఏసీ లు లేవు..7.. లగ్జరీ కార్ లు లేవు..8.. మొబైల్ ఫోన్ లు లేవు... మీరెలా బతికారు...               దానికి ఆ తరము తండ్రిగారు ఇచ్చిన జవాబు అందరూ చదవ వలసిందే...........  మీ తరము ఈరోజు కాలంలో ఎలాగైతే 1.. ప్రార్ధన లేకుండా..2.. మర్యాద లేకుండా 3.. ప్లానింగ్ లేకుండా 4.. క్రమశిక్షణ లేకుండా..5.. పెద్దల ఎడ గౌరవం లేకుండా..6.. మన చరిత్ర పై అవగాహన లేకుండా..7.. కుటుంబ విలువలపై ఏ మాత్రం పట్టింపులు లేకుండా..8.. Morals లేకుండా... ఎలాగైతే హాయి గా రోజులు గడిపేస్తున్నారో... మేము వాటిని పాటిస్తూ ఆనందముగా జీవించాము...మేము మీలాగా... 1..వాహనం నడిపేటప్పుడు హెల్మెట్ ధరించలేదు..2.. పాఠశాల వేళలు అయినా తదుపరి చీకటి పడేదాకా ఆడుకున్నాము tv లు చూడలేదు...3.. ఇంటర్నెట్ స్నేహితులతో కాక నిజమైన స్నేహితుల తో గడిపాము..4..దాహము వేస్తె కుళాయి నీరు తాగాము.. బాటిల్ నీరంటే ఏమిటో తెలియదు..5..ఒకేగ్లాస్ లో నలుగురం జ్యూస్ తాగినా మాకెప్పుడూ జబ్బులు రాలేదు..6..మూడు పూటలా అన్నం తిన్నా మాకు ఊబకాయం రాలేదు...7.. షూస్ లేకుండా ఉత్తి పాదాలపై పరిగెత్తినా మాకు కీళ్ళ నొప్పులు రాలేదు..8..సొంత ఆట వస్తువులు తయారు చేసి ఆడుకున్నాము,, బంధువులతో కలసి మెలసి ఆనందముగా ఉన్నాము, పండుగలు కలిసి చేసుకున్నాము..9.. పిలవకపోయినా స్నేహితుల ఇండ్లకు వెళ్లి వారి తినుబండారాలు ఆరగించాము..10.. మావి black and వైట్ ఫొటోలే అయినా వాటి వెనుక ఎన్నో మధుర స్మృతులు..... మాది జీవితాన్ని చదివిన తరము.. బహుశా మాతల్లి దండ్రులు చెప్పినది ఆచరించిన చివరితరం... మా వారసులు శాసించినది పాటించే మొదటి తరమూ మాదే కావచ్చు..... అయినప్పటికీ.. మీ యాంత్రిక జీవితానికి యధాశక్తి సహాయ పడుతున్న వాళ్ళము... మేము ఒక limitted ఎడిషన్ మోడల్స్ లాంటి వాళ్ళము..... అందుకే మా విన్నపము ఏమంటే.. మీ జీవితాలనుండి, ఈరోజు భూమి పైనుండి మేము వెళ్ళిపోకముందే ఎంతో అంత మానుండి మీరు నేర్చుకోండి... (నేను చూసిన ఒక ఆంగ్ల వాట్సాప్ message కి తెలుగు సేత.. మాత్రమే )

*****

 🙏🙏🙏🙏🙏

1) నేను చాలా మొత్తాన్ని ,చాలా సార్లు విరాళం ఇచ్చాను 

2) నేను చాలా దేవాలయాలను సందర్శించాను 

3) నేను చాలా మందికి సహాయం చేసాను 

4) నేను చాలా స్వచ్ఛంద కార్యక్రమాలు చేశాను 

5) నేను అనాథ పిల్లలను దత్తత తీసుకున్నాను 

6) నేను రక్తదానం చేశాను 

7) నేను చాలా చెట్లను నాటాను

8) నేను అరుణాచలం, తిరుపతి, కాశీకి చాలాసార్లు వెళ్ళాను 

9) నేను చాలా దీక్షలను తీసుకున్నాను (అయ్యప్ప, హనుమాన్, భవానీ, శివ) 

10) నేను చాలా సార్లు అన్నదానం చేశాను 

11) నేను చాలా పక్షులను, జంతువులను పోషించాను

12) నేను సమాజానికి చాలా చేశాను 

13) నేను చాలా భక్తితో జీవిస్తున్నాను 

14) నేను అన్ని ధర్మాలను అనుసరిస్తున్నాను 

15) నేను గోషాలాలను నడుపుతున్నాను, గౌ సేవా కూడా చేస్తాను 

16) నేను రోజూ భజనలు చేస్తాను 

17) నేను చాలా మందికి ఉద్యోగాలు ఇచ్చాను

18) నేను చాలా మందికి ఆశ్రయం ఇచ్చాను

19) నా దగ్గర కోట్లు, కోట్లు ఆస్తి ఉన్నాయి

చివరగా, మీరు మీ స్వంత శక్తితో ఇవన్నీ చేశారని మీకు అనిపిస్తే, అది పూర్తిగా వ్యర్థం.

నేను నేను నేను నేను నేను - ఈ భావనను వదిలివేయండి

 మీరు చేసారు ఎందుకంటే, ఈశ్వరుడు ఈ పనులు చేయడానికి మిమ్మల్ని ఎన్నుకున్నారు.ఇది మీ క్రెడిట్ కాదు, ఇది శివుడి క్రెడిట్.  

మీరు కేవలం ఆటగాడు మాత్రమే మరియు  హీరో, స్క్రీన్ ప్లే, కథ రచయిత, నిర్మాత ,దర్శకుడు శివుడు మాత్రమే. మీ మనస్సులో ఈ భావన ఉంటే, అప్పుడు మీరు గొప్ప వ్యక్తిగా పరిగణించబడతారు. 

మీరు ఈ రోజు గొప్ప వ్యక్తి, మీరు ఏమి చేసినా, శివుడు మీ వెనుక ఉన్నాడు.దీన్ని ఎప్పటికీ మరచిపోకండి. శివుడు సహాయం, మద్దతు లేకుండా మీరు ఒక్క పని కూడా చేయలేరు.

🙏🙏🙏🙏🙏